الموضوع: حد يقول لعصام شرف يقعد في البيت

المشاركة الأصلية كتبت بواسطة aboamr

عصام شرف راجل محترم ويفعل اقصى مايستطيع وبعدين فيه حاجه اسمها وزارة الداخليه
اللى اتغير اسمها الى وزارة التساهل مع البلطجيه
المسئوله عن امن البلد والحاكم الفعلى هو
المجلس العسكرى
ياريت تخفوا شويه عن الراجل وتسيبوه يشتغل ماانتوا قعدتم 12 سنه مع احمد نظيف لما خلاها على البلاطه
و30 سنه مع المخلوع لما شحت الشعب
وشوف كام سنه مع العادلى اللى يهدل الشعب ونشر الرشوه والفساد فىالبلد كلها
وعصام شرف 100 يوم وايه يقعد فى البيت

وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ ﴿١٥٥﴾
-------
وَأَطِيعُوا اللَّـهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ ۖ وَاصْبِرُوا ۚ إِنَّ اللَّـهَ مَعَ الصَّابِرِينَ ﴿٤٦﴾
------
يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّـهَ مَعَ الصَّابِرِينَ ﴿١٥٣﴾

المشاركة الأصلية كتبت بواسطة تامر.محمد

اتفضل يا باشا
ادي رئيس الوزرا اللي مالوش كلمة في وزارته

---

#ff0000
يحيى الجمل يؤكد استمراره في عمله بعد رفض المجلس العسكري استقالته

آخر تحديث: الاربعاء 22 يونيو 2011 5:27 م بتوقيت القاهرة

تعليقات: 0 شارك بتعليقك


- القاهرة - أ ش أ

share


اطبع الصفحة



أكد الدكتور يحيى الجمل، نائب رئيس الوزراء، استمراره في عمله كنائب رئيس الوزراء بعد رفض المجلس الأعلى للقوات المسلحة لاستقالته اليوم.

وقال الدكتور الجمل، في تصريح له، إنه تقدم للدكتور عصام شرف، رئيس الوزراء، باستقالته وصمم عليها، وأن الدكتور شرف قبل الاستقالة استجابة للضغط الذي مارسه عليه الجمل.

وأضاف الجمل أنه أرسل استقالته إلى المجلس الأعلى للقوات المسلحة الذي رفض الاستقالة، موضحا أن المشير حسين طنطاوي، رئيس المجلس، قال له: إن الاستقالة مرفوضة، وأكد له أن المرحلة الحالية تقتضي التضحية من الجميع.

وأكد الجمل أنه أمام هذا الموقف لم يكن أمامه إلا الموافقة على الاستمرار في العمل مقدرا ثقة المجلس الأعلى للقوات المسلحة وثقة الدكتور عصام شرف، حيث قدم الجمل اعتذاره للدكتور شرف على الضغط الذي مارسه عليه، وقال إنه بناء على ذلك، فإن الموضوع يعتبر منتهيا.

أيوا ما هي مش مسألة عند
المجلس العسكري دلوقتي في حكم رئيس الجمهورية يعني سلطته اعلى من رئيس الوزراء

مش علشان هو قبل الاستقالة و المجلس العسكري رفضها يبقى يعاند معاهم و يقولهم لا هيمشي يعني هيمشي
محدش بيعاند رئيسه في الشغل

اية علاقة عصام شرف يعنى ....... بالانفلات السلوكى اللى فالعريش ولا البلطجة .......

انا مش هختلف ولا هتفق على عصام شرف لكن هختلف انك تحملة ان فعلا بلدنا مكنتش بلد الامن والامان وكان بيحصل اكتر من كدة فالعهد القديم ولو ليك علاقة بحد من ظباط الشرطة أسألهم ..... وانا شايف بصراحة ان الجيش والشرطة بيبذلة قصاره جهدهم للقضاء على الفئات دى

المشاركة الأصلية كتبت بواسطة otefa

ربنا يوفقه ويكون ضميره على مصلحة البلد بجد
وهانت كلها شهرين ومجلس شعب وحكومة جديدة ويبقى فيه محاسبة

+1

اللى بيحصل ده طبيعي و حالة عدم الاستقرار و الانفلات الامني حاجة متوقعة برده

ان شاء الله بعد الانتخابات هيبقى فيه دستور جديد و حكومة منتخبة و الدنيا هتبقى احسن انا متفائل إن شاء الله

السلام عليكم و رحمة الله و بركاته

أنا متهيألى أن الموضوع يتحل بحاجتين:

1 - أن الشرطة تشتغل أفضل من كده و ينسوا أى حاجة وسTEEEEEEEEEEET كانوا بيعملوها زمان و يحاولوا أنهم يكونوا مواطنين شرفاء زى الشرطة فى أى مكان محترم فى العالم, Protect and serve.

2 - أنه يتم تطبيق القانون بكل حزم و قسوة و شدة على المخالفين و مافيش (ياما ارحمينى) و أنا دايما من رأيى أن المشاكل الUltranormal ماتتحلش الا بحلول Ultranormal, يعنى, لو أنت فى الأحوال العادية, فى أيام السعادة و الرخاء, بتحاكم الحرامى و تديله 5 سنين سجن, يبقى فى الظروف المهببة اللى احنا فيها حاليا, الحرامى, يتحاكم علنى فى التليفزيون و ينطس 15 سنة سجن فى التليفزيون و أمام كووووووووووول العالم و كذلك البلطجى اللى زمان كان بيتحكم عليه بالمؤبد عشان جريمة قتل, النهاردة, يتحاكم علنى و فى التليفزيون و يتعدم علنى, فى مكان عام و الاعلام يصور و الدنيا كووووووووووووووولها تتفرج عليه.

ده رأيى و كل واحد حر فى رأيه .