حادثة و عاوز رأيكم

**Nader** · 30-04-2008 01:06 PM

المشاركة الأصلية كتبت بواسطة mshamy

قدر الله و ما شاء فعل و لعلها تكون كفارة إن شاء الله
انا عمري ما سمعت عن موضوع شاسية استيراد ...؟؟ غالبا بيكون يا ربع يا نصف سياره لأن على حسب معلوماتي المتواضعه غير مسموح باستيراد الشاسيهات و لذلك بيقطعوا السيارات المستورده
و لله الأمر من قبل و من بعد

انا افتكر برضة ان مفيش شاسيهات كاملة استيراد.

**Xpert** · 30-04-2008 02:12 PM

المشاركة الأصلية كتبت بواسطة Ahmed Samy

بص انا مش خبير في حكاية تغيير الشاسيه
لكنها ممكنه لو ورقها يتغير في المرور
بس النصيحة اللي ممكن اديهالك
1 - غير و ماتستعلدش حاجه (لأن الاكسيل مش ناقصة حد يلعب فيها - هيا مش ثابتة اساسا)
2 - لو ما لاقيتش نتيجه كويسة عندك
هاتهالى المنصورة وأوعدك انها هاترجع جديدة

الف سلامة على خالك و غلط طبعا لما اتنازل (الولد ده كان لازم يعرف هوا عمل ايه)

انا الصراحه اول مره اعرف ان فيه شاسيهات بتتباع ... ممكن تكون بواقس اللوطات بتاع الجيش و الحكومه و كده .. و ده لو لقيته احب اقولك مش وحش ... و يمكن احسن من الربع او النص الاستيراد اللس هاتشتريه ... لو لقيت واحد نضيف اللي هايحصل انك هاتنقل رقم الشاسيه بتاعك عليه و تصنع العربيه من اول و جديد عليه ...

اللي غالباً هايحصل انك هاتشتري نص خلفي كامل استيراد ... و هاتقطع العربيه و تلحم النص الاستيراد مكان الجزء اللي اتقطع .... و تبني العربيه من جديد ...
و انا مع استاذ احمد ... ودي العربيه المنصوره و هاترجعلك زي الاول و احسن ... بس بعد كده نصيحه انزل بالعربيه السوق و بيعها لاول تاجر في وشك ;)
اهم حاجه يا باشا ان محدش جراله حاجه .. حتي لو العربيه اتدعكت في داهيه ;)

**Akram** · 30-04-2008 09:04 PM

حسام باشا,
أولاً :الف سلامه لخال المدام واسرته ,
ثانياً : طالما فيه شغل في الشاسية و بنتكلم في تغيير نص يبقى العربية كده إتعابت يعني خال المدام لازم يبيعها بعد تصليحها , و أوعي تصدق إن العربية ممكن ترجع زي الأول أو أحسن من الأول , إنسى ,
و يبقى ده معناه إنه يعمل المعقول و ميكلفش أوي ,
يعني يا باشا لو مفيش بارومة أعتقد أنه ينفع الزراجين ,
و إذا منفعش يبقى تغير نص , أما موضوع تغيير شاسيه دا أول مرة أسمعه .

**amrhussein123** · 01-05-2008 01:39 AM

نصيحة لوجه الله بيعوا الاكسل للولد الي خبطها بسعر العربيه قبل ما تطخبط

عشان الولد غلطان

وهما بقا يغيروا شاسيه يرموها هما حرييين

والف سلامه علي خال مرات حضرتك

**عزيز محمد** · 01-05-2008 03:21 AM

بعد إذن صاحب الموضوع

الإخوة اللى بيقولوا صلح وبيع طيب ما هو كده يبقى خسر خسارتين: مصاريف الإصلاح + خسارة جزء كبير من ثمن العربية (لإنها هتكون راشة دواخل ومغيرة نص والتجار هيخسفوا بثمنها الأرض)

يبقى الأفضل هنا إنه يبيع على حالتها دى من غير ما يصلح ولا حاجة

او تتصلح كويس وتستخدم بعد كده

مش كده ولا إيييه؟؟

**Mzeid** · 01-05-2008 03:53 AM

قدر الله و ماشاء فعل
و أنا راأيي بلاش حكاية تغيير شاسيه لو استعدل مع ربع خلفي يبقى تمام أوي ..

**Chicco** · 01-05-2008 04:26 AM

أولا ألف حمد لله على سلامة الاسرة الكريمة و فداهم ألف عربية ....معلهش أنا ليا رأي صعب شوية ....الواحد أصله شاف بلاوي من حوادث السيارات ...ربنا يحفظنا جميعا
العربية ما دامت جابت شاسيه يبقى خلصت ....تتباع و يتجاب عربية غيرها ...مهما كانت الخسارة ما تسواش المخاطرة

**MMamdouh** · 01-05-2008 05:16 AM

اولا حمد الله على سلامة الجميع

القصة دلوقتى بقت مقارنة تكاليف.... يعنى:

1- شوف العربية حتجيب كام لو اتباعت على علتها زى ما هى
2- 99.99% الزراجين مش حتنفع لانك بتقول الشنطة بقت فى الكنبة و بالتالى حتغير الربع الخلفى... شوف التكلفة كام

اعمل حسابك ان العربية بعد التصليح مش حتبقى زى الاول... لو جبت الخواجة هيونداى نفسة يشتغل فيها مش حتبقى زى ما كانت و بالتالى شوف خالك ناوى يبيع ولا يحتفظ بيها بناء على المعلومة دى...لو ناوى يبيع يبقى قارن سعر البيع قبل و بعد التصليح و اختار الانسب

لو ناوى يحتفظ بيها يبقى لازم تختار سمكرى 10/10 عشان يطلع العربية فى احسن حالة ممكنة

MMamdouh

-

-

الموضوع: حادثة و عاوز رأيكم

LinkBack

أدوات الموضوع

عرض

-

-

-

-

المواضيع المتشابهه

عاوز أشتري كيا بيكانتو ؟! عاوز رأيكم

عاوز رأيكم فى موبيل سامسونج جالاكسى عاوز أشتريه

عاوز مساعدتكم عملت حادثة

الحمدلله على كل شئ - حادثة بسيطة - محتاج رأيكم يا شباب

حادثة جديدة - محتاج رأيكم ...

الكلمات الدلالية لهذا الموضوع

المفضلات

المفضلات

ضوابط المشاركة