كانت اللمبه منوره عشان طبعا البنزين كان قرب يخلص لكن بعد ما حطيت بنزين المؤشر بتاع البنزين طلع لفوق لكن اللمبه فضلت شغاله وصفاره الانذار شغاله -- محدش يعرف ايه السبب او تتصلح ازاى ؟؟
عرض للطباعة
كانت اللمبه منوره عشان طبعا البنزين كان قرب يخلص لكن بعد ما حطيت بنزين المؤشر بتاع البنزين طلع لفوق لكن اللمبه فضلت شغاله وصفاره الانذار شغاله -- محدش يعرف ايه السبب او تتصلح ازاى ؟؟
غريب الموضوع ده ؟؟؟؟؟
طيب حاول تفك كابل البطارية السالب عشان تعمل ريسيت لشاشة العدادات و الكنترول و أعتقد هتروح لو مافيش مشكلة هاردوير
بس المفروض ان اللمبة والمؤشر اشارتهم واحده يعني لما المؤشر يرفع اللمبة تطفي علي العموم جرب اللي قلتلك عليه وان شاء الله تتحل
متشكر جدا لتعبك يا باشمهندس ايهاب
انا سألت كهربائى قالى احتمال العوامه تكون باظت وواحد تانى قالى فول العربيه يمكن تكون معلقه بس انا هجرب وافك كابل البطاريه بس مش عارف هعرف افكه ولا مش هعرف اصل انا شايف فوق البطاريه علبه الفيوزات
طيب هو انا لو فكيت البطاريه هظبت الساعه تانى منين وانا مش شايفلها اى زراير
معلش يا باشمهندس ايهاب لو كنت بتعبك معايا
طبعا البطارية لو اتفصلت هتظبط الساعة
ومحطات الراديو في الكاسيت
بس ان برشحلك تبص بصة علي االفيوزات لأن ممكن واحد فيهم عامل lose يعني مهزوز او مقطوع اساسا
الحاجة التانية فعلا فول العربية وفضيها تماما مرتين متتاليتين وبعدها غير الفلتر بتاع البنزين لأن الحركة دي هتنزل كل وساخة التانك في الفلتر وجرب ياريت تمون من اقرب محطة موبيل فيها اون ذا رن on the run المحطات دي بنزينها نظيف جدا وياريت لو تفول بليل مش الظهر
ماتسمعش كلام الكهربائي ويقولك هفك التانك وانظفه واظبطلك العوامة والحركات دي كلها اشتغال
انا كان عندي كدة بس انا من اول تفويلة ظبطت معايا
والله المستعان
،
،
فك كابل البطارية ملهوش علاقة بالفيوزات اللي فوق البطارية دي لوحدها ودي لوحدها
ثانيا موضوع ضبط الساعه بيتعمل عن طريق الضغط علي الزرار اللي طالع عندك من شاشة العدادات
لضغط عليه لتحت وبعدين حرك يمين هتلاقي الساعات تقريبا بتتغير معاك ولكن حركة وترجع تاني وحركة وترجع تاني فهمني يعني مش لف علطول
وعكسها يعني نفس الحركة وانت ضاغط بس شمال هتلاقي الدقايق بتزيد معاك لحد ما تتظبط
فهمني لو فيه مشكلة نتقابل وانا أصورلك الجزء ده من كاتالوج عربيتي
والله الموفق
متشكر ليك يا باشمهندس محمد
بس ايه هو الـ Mobil Power Psitive اللى هحطه مع التفويله ده كمان ايه الفرق انى افول بالليل او الضهر كمان اانا عشان استنى للتفويله التالته هتاخد معايا وقت كبير انت عارف الابيزا 1000 سى سى والتفويله بتقعد كتير بس انا فعلا عمرى ما فولت دايما بحط 3/4 التانك بس ان شاء الله هفول واجى اقولك وربنا يسهل
السلام عليكم
هو لما النور بتاع مؤشر الحرارة ينور ويطفى اول ما ادور العربية ويدى صوت انذار وبعدين يطفى عبارة عن اية
مع العلم مستوى المياة فى القربة مظبوط
جزاكم الله خيرا