لو عاوز تشتري عربية فيورا خد بالك من الموضوع ده

انتوا عارفين طبعا مشكلة البارومة اللي بتضرب في الكارتيرات بتاعة الفيورا علشان كده ممكن تلاقي ان نمرة الكارتيرة مش موجودة و انها مدقوقة علي القايم بس
وعلشان كده العربيات الفيورا معظمها بتبقي نمر قايم و العربيات اللي فيها نمر الفخدة بتبقي نادرة علشان كده بتبقي غالية........ اما الان فالملاحظ ان 90% من العربيات المعروضة للبيع بتبقي نمر فخدة و تلاقيها كمان بالنمرة المعدن بتاعة الفابريقة اللي بتبقي موجودة علي نفس الكارتيرة برضه :confused:
لو دققت كويس بقي عند لحامات الفخدة عند اخر الحوض كده حتقدر تعرف العربية دي فابريقة فعلا ولا لا لان الكارتيرة دي ممكن تتغير
تعرف انها متغيرة ولا لا عن طريق ملاحظة لحام الكارتيرة بحوض العربية ( لحام الصنايعي بيبقي باين طبعا عمره ما بيبقي زي بتاع المصنع ابدا) و دي بتبقي واخدنها من عربية متقطعة ولاحمينها مكان الكارتيرة القديمة اللي اكلتها البارومة او اتبهدلت نتيجة حادث!!!
انا لاحظت الموضوع ده في كتير من العربيات اللي بيقولوا عليها نمر فخدة ....... العربيات اللي فعلا لسة بنمر الفخده الاصلية نادرة فعلا ........
و ده للعلم بالشيء

هى 127 عربية حلوة بس البارومة ديما بترعى فيها ان راى الربية المشدودة احسن من الربية الفابريقة المتبهدلة بشرط متكنش مشددودة بعد حادث

انا كان معايا 127 مو82 من الزيرو
كان رقم الشاسيه مدقوق على القائم
والرقم الى على الكارتيره كان موجود بالرغم من ان الجزء بتاع الكارتيره كلته بارومه اكثر من مره ودهناه بس والدى كان بيلحق البارومه فى اولها قبل ما تسيح فى الكارتيره كلها

اقتباس:

---

المشاركة الأصلية كتبت بواسطة ahmedsrs

هى 127 عربية حلوة بس البارومة ديما بترعى فيها ان راى الربية المشدودة احسن من الربية الفابريقة المتبهدلة بشرط متكنش مشددودة بعد حادث

---

المشكلة يا اخي لو انا دلوقتي ادامي عربية للبيع و لقيت ان الكارتيرة متغيرة اقدر اعرف ازاي ان دي نتيجة بارومة ولا حادثة ؟ ولو تم تغيير الكارتيرة علشان البارومة يبقي اشتري العربية دي ولا لا ؟

تبص على الأقفال بتاعت العربية ودى بتبقة بين السدر ةالكرتيرة فى الزاوية الداخلية لو مش موجودة او متنيى يبقى ملعوب فيها