ياريت كتيبة واحدة تنفع
دي عايزة دبابات تدك المنطقة كلها وتبنيها تاني من الاول
عرض للطباعة
انهي مزلاقان بتاع العشرين ولا بتاع كوفرتينا ... هو الاتنين انيل من بعض بس بتاع العشرين ده اللى مالوش حل ..!!! اللى جاي من ناحية المساكن في شارع 6 اكتوبر ومكمل على الشارع الجديد لازم يعدي المزلاقان رايح ويلف ويرجع يعديه تاني نفس المزلاقان من نفس الحته جاي ..؟؟!!!! الجهبز اللى مخترع الفكره دي لازم يدوله جائزة اغبى الاغبياء انا الحته دي لى فيها صاحب والله مقاطع زيارته عشان المزلاقان ده وبقابله بره ..!!!
عارفه بغبوته بشكله العكر ده مولد مش سيرك ولا الدبش والكسر اللى بيترمي هناك كانوا بيرموا عند الاصلاحية صاحب العمارة اللى بتتبني جديد هناك جنب السنترال نضف السور بتاع الاصلاحية وحط شجر وجاب واد صايع وعمله موقف جراج للعربيات المزلاقان ده تلاقي ثلاث مناطق من اكثر المناطق كثافة سكانية عين شمس والمطرية وعزبة النخل ربنا يكرمنا
عين شمس الخروج منها معانااه و الدخول اكثر معاناااااااااااه
ربنا يرحمنا
متفكرنيش بالمزلقان ده بالرغم اني نادرا لما اروح هنا لكن الوقفة هناك متتنسيش
ده انا ما بصدق انساه يا راجل ده انت ظلمت السيرك ده السيرك منظم عنه و ليه كبيير
كل ما اروح انزل اسلك الطريق و بتوع الميكروباصات و النقل يمكن النقل عندهم دم عن بتوع الميكروباصات
اذا كان في الايام العادية قبل الثورة كان منيل بنيلة عايزه دلوقتي يبقي ازاي ؟؟!!
بس عارف الحل اللي يفك الزنقة ديه يتعمل كوبري من فوق المزلقان و تسيب طريق اللي جاي من المطرية عادي يمكن تفك شوية الا ان الميكروباصات هيبقوا عايزين يلعبوا قطر الموت فوق الكوبري
و للاسف الحال ده مش هناك بس ده بقي في اغلب الشوارع و كله كوم و الفئران دول كوم ( التوك توك ) التوك توك بقي ماشي ع الصحراوي و في وسط البلد ايه الهنا ده
طب ما بالمرة نجيب احصنة و حمير و نمشي بيها وسط البلد و عشان تكمل نجيب شوية جمال علي شوية رمل من الصحرا و نهد البيوت و نبني خيام و ابقي قابلني لو الدنيا اتعدلت برده
هتلاقي واحد اصله سواق ميكروباص بيقفل بحماره و لا بمعزته ع احصنة الناس
و بالمرة ننظم في طريق عكرمة ( شارع الميرغني سابقا ) كل يوم خميس سباق احصنة و حمير و خرفان و معييز و الحكم في السباق يكون من قبيلة بني كتكوت بن التعلب المكار
حاجة تفقع و الله
تصدق بقى انا عندي خطة جهنمية بما اني دارس المنطقة دي كويس اوي اوي
طبعا اول حاجة هنشيل القطر والمزلقان ده ويترمي في جسر السويس او اول الحرفيين زي ماقالو قبل كدة من حوالي خمستلاف سنة فاتو ولسة بيفكرو
وبعد كدة محلولة بدون كباري ولا انفاق لاني عارف ومتاكد ان مفيش حاجة هتنفع في المنطقة دي طول مالبلطجية (سواقين الميركوباصات) على الخط ده
على فكرة الخطة بتاعتك الجهنمية انا طرحتها قبل كدة على مسئولين كبار كان الرد ان الفكرة دي صعبة لان القطار ده بيخدم وحدات الجيش في المنطقة الشرقية اللى هي ناحية الاعداء ولما لاقدر الله يحصل حرب ونحتاج تعبئة للأفراد القطار ده ليه وصلة مع مترو الانفاق في محطة عين شمس يعني بيتم فصل الكهرباء عن المترو والقطار يدخل على خط المترو الى محطة غمرة ويخرج من هناك الى محطة رمسيس المركزية تجمع الافراد من جميع انحاء مصر يعني الموضوع ليه بعد استراتيجي