حد اتعامل مع وحدة مرور المنتزة في طوسون الإسكندرية قريب؟

**aliabutaleb** · 22-06-2011 06:31 PM

السلام عليكم
كنت باسأل لو حد اتعامل مع وحدة مرور المنتزة في طوسون الإسكندرية قريب؟
انا رايح أجدد ترخيص عربيتي يوم السبت اللي جاي ان شاء الله
وسمعت إن الوحدة كلها اتحرقت والناس بتروح مرور أبيس
حالياً انا مركب النمر القديمة. هل صحيح الإشاعة إني مش هاركب نمر جديدة لأنهم وقفوها في اسكندرية كلها.
ولا كل ده كلام قهاوي؟ :)

دعواتكم

**mohamed2002** · 10-07-2011 05:24 AM

والله ما عارف بس انا عاووز اجدد الرخصة قريب طمنا ياباشا ؟

**aliabutaleb** · 10-07-2011 11:37 AM

بفضل الله الاجراءات كلها خلصت في يوم واحد
كلها ميسرة أهم حاجة إنك تروح بدري أوي
أول حاجة تركن عربيتك في الشارع اللي جنب المرور اللي بيتاخد فيه بصمة الموتور تاخد دور عشان اللي بييجي الاول بيخلص الاول
وتسيب العربية وتدخل المرور تشتري ملف (بيكونوا شغالين من 8 ونص تقريباً) وتروح تختم ورقة الطفاية من الصول اللي جنب البوابة
بعدين تطلع تستنى بصمة الموتور
وبعدها تاخد ورقك كله وتطلع طيران على مرور أبيس هاتعمل براءة الذمة وانت واقف
مش بتاخد وقت خالص
طبعاً براءة ذمة لأن كل الملفات اتحرقت
وترجع على طوسون تقدم الملف بتاعك
بتكون فكيت اللوحات القديمة - لو مركب قديم زي حالاتي
شوية وتستنى رخصتك
قبل ما تاخد الرخصة استثمر وقت الانتظار إنك اتروح تدفع في الخزنة ايصال لوحات واول ما تستلم الرخصة تروح شباك اللوحات عشان تستلم اللوحات الجديدة
تاخدها وتطلع في الشارع الملاصق للمرور راجل كبير طيب كدة بيركبهالك
الحمد لله انا خلصت كل حاجة في حدود الساعة 2 ونص
وبالتوفيق يارب

**mohamed2002** · 10-07-2011 04:57 PM

يعني ياباشا دلوقت انا عاوز اجدد الرخصة بتاعت العربية بس مش حفحص لان فحصي 2013 اعمل اية الاول ؟ اروح لهم ولا اروح اجيب شهادة مخالفات وشهادة المخالفات عملت اية فيها بسيطة ولا مطلعين ارقام عجيبة

**aliabutaleb** · 10-07-2011 05:11 PM

الحقيقة معرفش في حالة الفحص
بس في كل الاحوال انت هاتحتاج براءة الذمة
فمش هاتخسر حاجة لو طلعتها أول حاجة وبعدين طلعت على طوسون
إنت بتشتري ورقة المخالفات بتتباع قدام المبنى وبيملاهالك الموظف وبعدين بتتوجه لتنفيذ الاحكام في شباك جنبه بيمضيهالك وبعدين بتروح لشباك تالت وكيل النيابة بيمضيهالك هو كمان
الموضوع كله بيخلص في خمس دقايق لأن فيه شباك محدد لمرور طوسون داخل مرور أبيس
كل الناس بتطلع براءة ذمة، عفا الله عما سلف في كل المخالفات السابقة :)

**mohamed2002** · 10-07-2011 08:51 PM

المشاركة الأصلية كتبت بواسطة aliabutaleb

الحقيقة معرفش في حالة الفحص
بس في كل الاحوال انت هاتحتاج براءة الذمة
فمش هاتخسر حاجة لو طلعتها أول حاجة وبعدين طلعت على طوسون
إنت بتشتري ورقة المخالفات بتتباع قدام المبنى وبيملاهالك الموظف وبعدين بتتوجه لتنفيذ الاحكام في شباك جنبه بيمضيهالك وبعدين بتروح لشباك تالت وكيل النيابة بيمضيهالك هو كمان
الموضوع كله بيخلص في خمس دقايق لأن فيه شباك محدد لمرور طوسون داخل مرور أبيس
كل الناس بتطلع براءة ذمة، عفا الله عما سلف في كل المخالفات السابقة :)

استفسار هية ابراء الذمة دي هية شهادة المخالفات؟
مرور ابيس هوة اللي بجوار جرين بلازا؟

**aliabutaleb** · 11-07-2011 01:44 PM

المشاركة الأصلية كتبت بواسطة mohamed2002

استفسار هية ابراء الذمة دي هية شهادة المخالفات؟
مرور ابيس هوة اللي بجوار جرين بلازا؟

بالظبط كدة

**فتح الباب** · 11-07-2011 02:08 PM

اللوحات المعدنيه الجديده ولا القديمه اللى شغاله

**aliabutaleb** · 11-07-2011 02:44 PM

المشاركة الأصلية كتبت بواسطة tjp

اللوحات المعدنيه الجديده ولا القديمه اللى شغاله

الجديدة اللي شغالة حالياً
وأخدت أرقام س ي ل

**mohamed2002** · 11-07-2011 06:34 PM

دة علي كدة علي عربيات اللي تبع مرور طوسون معلهاش مخالفات

الموضوع: حد اتعامل مع وحدة مرور المنتزة في طوسون الإسكندرية قريب؟

LinkBack

أدوات الموضوع

عرض

حد اتعامل مع وحدة مرور المنتزة في طوسون الإسكندرية قريب؟ - انشر الموضوع فى :

-

-

-

-

المواضيع المتشابهه

القبض على رئيس وحدة مرور الوايلي واخرين بالرشوة

انا من الظاهرارخص عربتى فى اى وحدة مرور

هل يوجد لوحات نمر فى مرور طوسون؟

> فيرارى كاليفورنيا 2009 .. من الإسكندرية ( فيديو من المنتزة بالإسكندرية - مصر ) !!

شهادة حق موجه إلى رئيس وحدة مرور السلام (بعد التجديدات)

الكلمات الدلالية لهذا الموضوع

المفضلات

المفضلات

ضوابط المشاركة