السياره ما تطفيش الا لما افتح الباب ؟ رغم ان المفتاح يكون معايه

**dx322** · 22-06-2011 06:36 PM

الحمد لله اشتريت فيرنا موديل 2007 مانيول
وتقريبا حاسس انى محتاس
لاحظت انها بتاكل بنزين كتير شويه لما اشغر التكيف موش عارف استهلاكها الطبيعى ايه افديونيى !!!!!!!!!!!

لاحظت انى لما اطفى العربيه تفضل شغاله لحد لما افتح الباب موش عارف هى بتنزل كده ولا ده مشكله فى الكهرباء بتاعت العربيه !!!!!!!!!!!!!!!!!!!!!

لاحظت الشمس وكاله دهان حتت فى العربيه موش عارف المعها على طول ببولش ولا اعمل ايه !!!!!!!!!!!!!!!!!!!!

ياريت تقوللى الى اعملوه فى صيانتها وانا ماشى بيها ولو حابب اسافر بيها مرسى مطروح ايه الى اعملوه فيها قبل ما اروح باذن الله

كنت عايز اعرف اعمل كاجراءات صيانه للرحله وعامه اعمل ايه للصيانه فيها واغير زيت كل اد ايه واعمل ايه عامه فيها

وهل فعلا فى رقم لغبور اتصل عليه اعرف تاريبخ العربيه وصيانتها عن طريق رقم شاسيه العربيه

الرقم ايه

**Ashraf_Ibrahim** · 22-06-2011 07:39 PM

هرجع ارد عليك ان شاء الله
بس مبدئيا حكاية انها متطفيش غير لما تفتح الباب دا مش طبيعي طبعا !

**aif** · 22-06-2011 07:52 PM

كدة مش طبيعي اكيد .... ممكن يكون سلك النور بتاع الكابينة اللي بينور مع البام ملمس مع سلك تاني يخص الكونتاك
روح لكهربائي كويس
الاستهلاك البنزين عندك كام ؟؟؟؟

**aif** · 22-06-2011 08:17 PM

المشاركة الأصلية كتبت بواسطة dx322

استهلاك البنزين فى البلد من جوه مع التكيف والبنزين 92 تقريبا حوالى 15 لتر فى حوالى 50 كيلو
انتو بتحطو بنزين 80 ولا 90 ولا 92 ولا 95

قيس الاستهلاك بدقة
فول العربية ... وصفر عداد الرحلات
بعد فترة فول تاني وشوف عداد الرحلات عمل كام كيلو
اقسم عدد الكيلومترا على كمية الليترات المستهلكة في التفويلة الاخيرة واضرب الناتج × 20
ح يطلعلك الاستهلاك بالكيلو متر في كل صفيحة ( 20 لتر )
حط بنزين 92
غير فلتر الهواء والبوجيهات لو لزم الامر
غير فلتر الزيت والزيت نفسه
اكشف على زيت الفتيس
الاستهلاك عندي في البلد بالتكيف من 130 الى 170 حسب الاحوال ( عربيتي اوتوماتك )
بالتوفيق ان شاء الله