شوية نكت خفيفة في الجو الحر ده ..!!!
واحد بلديتنا بيقول لمهندس كمبيوتر كل ما بكتب الباسورد لما اجى افتح الفيس بوك بيظهرلى بدالها نجوم نجوم قاله ماهى النجوم دى علشان لو حد واقف وراك مثلا مايعرفش ايه الباسورد بتاعتك اللى بتكتبها
قاله بس النجوم دى بتظهر حتى لو مافيش حد واقف ورايا بردوا
....................*
امريكانى مغرور بيقول لسواق تاكسى بلديتنا فرجنى على مصر الى بتقولوا عليها ام الدنيا
بلديتنا عدى من قدام البرج ...الامريكانى قاله ايه ده ؟؟
...قالو ده البرج
قاله : بنيتوه في قد ايه ؟؟
قاله : في ست سنين قاله ليه احنا بنينا تمثال الحريه فـي اربعه بس .. !!
بلديتنا اتغاظ و وداه عند القلعه قاله : ايه دى ؟؟ قاله القلعه
قاله : بنتوها في قد ايه .. ؟؟
قاله : سنتين بس قاله ليه دحنا بنينا البيت الابيض في سنه واحد بس .. !!
بلديتنا اتغاظ ووداه عند الاهرمات
الخواجه اتخض وقاله ياااااه ايه ده .. !!
رد بلديتنا قاله معرفش انا كنت معدى من ربع ساعه ومكنش موجوده
....................
أسرة كسلانة
الـــراجـــل بـــيـــتـــاوب
مــــــراتـــه قـــالـــتـــلـه:
بـــالـــمـــرة وأنـــت فـــاتـــح بـــقـــك كده
زعـــق لـــلـــعـــيــال
....................
مـره سـايــس شـغـال فـى جــراج لـقـى الـفـانـوس الـسـحــرى مـسـحـه و طـلــع لــه الـعـفـريـت ..
فـالـراجــل فــــــرح جــدأ .. الـعـفـريـت بـصـلـه بـألاطــة وادالــه جـنـيـه
وقـــالـــه: أمـسـحـه مـن جـوا كـمـان
....................
أتنين مساطيل واحد بيقول للتانى تخيل كده انك صحيت فى يوم لقيت نفسك ميت !! التانى قاله يااااااااه دانا ممكن اتشل فيها
....................
مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبط
....................
مسطول فاق الصبح وعاوز يكوي قميصه
قام قال لنفسه: لازم استلف المكواة من جارتنا
قام نزل اول درجة وقال بينه و بين نفسه:
دلوقتى هتقولي خلى بالك منها ...!!!
نزل تاني درجة وقال لنفسه : هتقولي ما تأخرهاش ...!!!
نزل تالت درجة و قال : هتقولي دي مكواة يابانية و اوعى تكسرها ...!!!
قام نزل دق الباب و لما فتحتلو قالها:
طظ فيكى و فى مكوتك ...!!!
....................
بلديتنا بيموت قالوله انطق الشهاده قالهم دبلوم صنايع ...!!
....................
واحد قال لخطبتة لما ازمرلك تبقي انزلي قالتله انت جبت عربية قال لها
لا جبت زمارة ...!!!
....................
بلديتنا بيعد بالانجليزي ... وان - توو - ثري - فور - فايف -استغفر الله ? سكس- سفن
....................
واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟
الام : مش عارفة بس احتياطى إنقعى الرز ...!!!
....................
بلديتنا جزمته اتقطعت خيطها وبعد أسبوع لقاها كويسه فك الخياطه ...!!!
....................
·التلميذ : بحبك يا أبله و عاوز أتجوزك.... المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد .
....................
بلدينا داخل عند حلوانى قاله عندك جاتو قاله اه قاله هاتلى قفصين ..
....................
مرة وحدة وحشة اوي كل ام الناس يشفوها يقولو عليها انتي شكلك وحش المهم طلعلها عفريت غبي وقال لها شبيك لبيكي تطلبي ايه ..؟؟ قالت له : نفسي اي حد يشوفني يقع فيا على طول ...!! العفريت قلبها بلاعه مفتوحة ..!!
....................*
مسطول سألوه قول لنا طائر يبدأ بحرف الكاف قالهم كنتاكي...!!!
....................
واحد رفيع جدا راح وقف في وسط الناس وقعد ينادي ويقول مين يجي يتحداني مين يجي يصارعني، مفيش رجاله هنا والا ايه؟؟!! طلعله واحد من الناس عضلات الراجل الرفيع بص له وقال بقينا اتنين من يتحدانا من يصارعنا..
....................
واحد ومراته داخلين محل جزم
فقال لصاحب المحل هتلها جزمه زحافي قالتله لا بكعب
قالها لا زحافي قالتله لا بكعب
فصاحب المحل زهق منهم قال للراجل ياعم هاتلها بكعب هو انت اللي بتلبس
قالوا ياعم انت مالك هو انت اللي بتضّرب ...!!
....................
مسطول قاعد يحمد ربنا انو مش صيني
صاحبه بيسأله ليييييه ؟
قاله انت بتستهبل أنا مبعرفش ولا كلمه صيني ...!!!
................*
بلديتنا بيسأل عن سبب طرد ابنه من المدرسة
قالوله : ابنك غبي ودلوقتى نثبت لك
جابوا بيضة نعامه وسألوا الولد: دى ايه ؟
قالهم: بيضة حمار ..!!
قاموا باصين لابوه
فضـــــــــحك وقال أقسم بالله ما غششته ...!!!
................
دكتور رخم اوى
بيعمل عملية لوحده عاملة حادثة
طلع الدكتور لقى جوزها قاعد بره سألوه: إنت جوزها؟
قاله: اه يادكتور طمني عليها ؟؟!!
الدكتور الرخم : والله مش عارف اقولك ايه احنا عملنا إللي علينا أنقذنا حياتها بس
يؤسفني إني أقولك إنها راح تكون طول عمرها مشلوله يعني انت اللي تأكلها وتشربها وتلبسها وتشيلها
جوزها قال:لا حول ولا قوة إلا بالله ...!!
الدكتور قالو : هههههههه بهزر معاك مراتك ماتت ..!!
................*
ضابط جيش قال لمجند بلديتنا : حظر التجوال هيبتدي الساعه 9 الساعة 9 و دقيقه لو شفت اي حد اضربه بالنار علي طول ..الساعه 8 و نص عدي واحد قام المجند ضربه مات .. الظابط قالوا ايه الي عملتوا ده يا حمار الساعه لسه 8 و نص ،،، قالوا يا فاندم ده ابن عمي ساكن بعيد ومش هيلحق يوصل ..!!!
................
فى اربع أصحاب أساميهم معرفش ومحدش ومفيش وعبيط,
معرفش ضرب محدش..... ومفيش وقف يتفرج.....وعبيط راح يبلغ البوليس,
الضابط سألة فى اية ؟
قالة ف اتنين بيضربوا في بعض ..
قال مين اللى ابتدى ؟ ...قالة معرفش..
قالة حد اتعور ؟ .... قالة محدش ..
قالة فى شهود ؟ ....قالة مفيش ..
قالة انت عبيط؟!! ...قالة اه ...!!!
................
واحد بخيل اشترى جزمه شالها تحت باطه
دخل فى رجله مسمار
قلها كان هايجى فيكى يا غاليه
................*
أمريكي ركب مع سواق تاكسي بلديتنا
جه عند الاشاره الاولى وقطعها وهي حمرا
الامريكي قال: انت مجنون..؟!!
بلديتنا قاله: متخافش انا بروفيشنال
جه عند الآشاره التانيه وقطعها وهي حمرا
الامريكي قاله : انت مجنون ؟؟!!
بلديتنا قاله :متخافش انا بروفيشنال
جيه عند الآشاره التالته ووقف وهي خضرا
الامريكي قاله :انت مجنون تقف وهي خضرا ..؟؟!!
بلديتنا قاله :افرض واحد بروفيشنال طلع من هنا ولا هنا
................
مره وحد مسطول الباب بيخبط
قال مين ..؟؟!! قله انا حفيدك
قله وحتفدنى بىء في ايه ..؟؟!!
....................*
مصــري بيكلـم سـودانــي بيقـــولــه تعــرف ان ابــن خـــالتــي مــات مـــن كتــر الهمـــوم
ااـسودانـي قـالـه يـا آخـي طالمـــا هـو مـــش قـــد الهمــوم بيستهمــــى ليــــــــــــه ؟؟!!
................*
عيل فرفور أتخانق مع واحد صايع الصايع ضريه وبهدله .... الفرفور راح داعي عليه وقاله
يا رب الشامبو يدخل في عينك و انت بتستحمي ...!!!
................*
عيل فرفور ابوه جاب له شريط ديني يمكن ينصلح حاله رجع البيت لقاه متحجب ..!!!
................*
فرفور راح يحلل دم ادوله نتيجة تحليل واحدة حامل بالغلط راح متصل بصاحبه و قاله
شفت اخرة هزارك البايخ وصلنا لفين ...!!!
................*
المدرس : ماذا حدث عام 1857
الطالب : دى السنه اللى اتولد فيها سعد زغلول
المدرس : برافو طيب تعرف تقولى ايه اللى حصل سنة 1867
الطالب : سعد زغلول بقى عنده 10 سنين
................*
عيل فرفور راح على خناقه وأخد معه 20 كيلو جزر ؟
بيسألوه ليه ؟؟
قالهم علشان أقلبها مجزرة ...!!!
................*
إتنين مسطيل
الاول بيسأل التانى : هو أبوك إتكبر علينا كده ليه ؟
التانى قاله : ليه بس حصل ايه ؟
قاله : من ساعة ما مات مبقاش يعدى يسلّم زى الاول
قاله : يا بنى إعذره إحنا اللى دفناه بعيد ..!!
................
مره اتنين بلديتنا واقفين ورا بعض عند ماكنه الصرف الالى
راح هــريــدى ضاحك ...
مـخــيــمــر قاله : عتضحك ليييييه؟
هــريــدى : عرفت رجمك السرى اللى عتدخل بيه على حسابك
مـخــيــمــر : طب ايه هو؟
هــريــدى : اربع نجووووم
قاله لع يا بجرة .. ده 8174
................*
مرة واحد بلديتنا وواحد مسطول وواحد محشش وواحد صعيدي وواحد امريكي وواحد ياباني وواحد فرنساوي وواحد انجليزي ....
المسطول قال لاء احنا كده كتار على النكته ...!!!
