لو هتشتري عربيه لأول مره خد بالك
المشاركه دى ارشاد للمقدمين على شرا سياره لأول مره لمن لاتوجد لديه خبره عشان يحاول يوفر على نفسه تعب وبهدله من غير لزوم والكلام دة من خبرات شخصيه مع العربيات التى تخصنى او عربيات المعارف و الأصدقاء ومش هينفع الناس الخبرة والجامده
1- لازم تحدد مواصفات العربيه اللى عايز تشتريها من الأول جديد ولا قديم شبابيه او عائليه حجم السى السى نوع البنزين عشان متقعش فى عربيه لا تناسب استخدامك حتى لو كانت جيده بس لا تلبي احتياجاتك لأنك لو اخدت برأى الناس كل واحد هيكلمك عن عربيه تناسبه هو مش تناسبك انت او او يشكرلك فى موديل معين عشان ليه مصلحه انه يبيعهالك
2- الجديد جديد محدش يقدر ينكر لكن اللى ميقدرش على ثمنه يبقى المضطر يركب القديم
3- العربيات الجديده دايما الشركه سمعه فى جوده العربيه وتوافر قطع الغيار وده بيظهر فى الموديلات الأقدم
4-معظم السيارات الجديده نظام حقن الكترونى وده افضل لأنه فى ظبط العربيه بيعتمد على معلومات مخزنه ولا يعتمد على ظبط يدوى زى الكرباتيير والأسبراتير وكل واحد وليه ظبطه ومتبقاش عارف الصح فين
5- اعرف الموديل ده معمول لدوله واحده او منطقه معينه ولا تسويقه فى دول كتيير عشان دة هيفرق معاك جامد فى توافر قطع الغيار وجوده العربيه
6- اعرف الوكييل بيصلح العربيه بعد انتهاء الضمان ولا بيقولك مليش دعوه بالعربيه بعد انتهاء الضمان
7-فى موديلات من العربيات نفس الشكل بس بأختلاف الأمكانات سعه الموتور الكماليات فتيس مانوال او اتوماتيك الفرق ممكن يكون كبير اعرف ان التجار بيقدروا ثمن العربيه على ارخص اصدار ويقولك هى توبها كده وانت بتبيع
8-العربيات المستعمله ينطبق عليها نفس الكلام دة للموديلات اللى بعد سنه 90 فى العموم وركز بقى فى المستعمل قوى
9- بعض مش هنقول الكل من التجار اللى عايز ينصب مش يبيع طلعوا شويه مصطلحات غريبه اتسبتت وبقى الناس بترددها من غير تفكير زى ( فابريكه ) ههههههه (اتومبيل جامد ) ( عروسه ) ( تكييف تلاجه) ( مرفوعه ) ( بارومه) هههههه ولازم تفرق ان اللى بتطلبه فى عربيه موديل سنه او 5 فاتوا مش زى موديل بقاله 20 او 30 سنه
10- نعرف بقه المصطلحات الجامده دى فابريكه قصدوا انها بحاله المصنع وخد بالك ان المصنع نفسه بيقدر العمر الأفتراضى لكل جزء فى العربيه يا بالكيلو او بالسنه يعنى لما نسمع كلمه فابريكه على عربيه عدى على عمرها اكتر من مش هنقول 5 خلبيها 10 ابقى خلى بالك لأنك كده هتعمل صيانه جامد كان المفترض انه هو اللى يعملها وبالذات اللى بيقول فابريكه بره وجوة لأنك فى شوارعنا ومطباتها لو يتشيل العربيه فوق دماغك وانت ماشى ووطبقها وتخليها فى جيبك وانت طالع البيت برده هتتخبط ولو مش مصدق ابقى اقف ربع ساعه على اى رصيف واتفرج على الشارع
10- تكييف تلاجه لو التكييف تلاجه فعلا يبقى الكباس هيبوظ بعد فتره قليله وبعدين هعمل ايه بالتكيف لو العربيه مش ماشيه كويس
11-مرفوعه لو العربيه فعلا مرفوعه مده طويله هيبقى فيها مشاكل اساسيه لازم هتحصل زى جلد الصباب هينشف واويلسيلات الزيوت وبعد تشغيل العربيه هتلاقى حاجات كتير بتجيب زيت وفك وغير بقى فى الموتور كمان كاوتش علبه الدركسيون وكاوتش الأبواب والكبالن الخ ..... الأجزاء المعدنيه وخاصه المصنعه من الحديد والصاج هتكون صدت وبقى فيها تسريب واجزاء من الشاسيه وجسم السياره هيكون فيها صدى ممكن يكون وصل لمرحله شديده اللى بيتقال عليها بارومه وجرب ارميه حاجه حديد فى مكان لشهر او اتنين وبعدين ارجع شوف حالتها عامله ازاى
11- مفيش عربيه مستعمله مفيهاش مشكله بس مشكله عن تانيه تفرق واحسن تجيب عربيه لو فيها مشكله تبقى حاطت فى دماغك انها ممكن متتصلحش وتمشى بيها على كده عشان الناس ساعات تبسط الأمور وتقلك دى ب 10 جنيه وتروح تعملها يقولك اه 10 جنيه بس اللى ماسكها ب 1000 ومش موجود
ويا سلام لما تكون حاجه تأثر على مشى العربيه بقت مشكله
12-العربيه يفضل ميكونش فيها توكيلات عشان تريح دماغك
13-فى محطات خدمه بتقدم تقرير عن حاله العربيه وده احسن ولازم تفرق ما بين عيوب ملهاش تصليح وعيوب اساسيه هتلاقيها فى كل العربيات القديمه ولو ملاقتيهاش يبقى ممكن تكون عيوب كبيره واظبطت وادارت زى خبط فى الشاسيه حاجه وكسر حاجه تانيه لأن الكسر الكبير حتى لو اطلحم وارد يرجع تانى لأنه اصبح جزء ضعيف وكذلك اعوجاك الشاسيه عشان بيأثر على اتزان العربيه ونفس الشىء على القوايم
14-عربيه موديل حديث واترشت من بره كلها اتاكد ان مفيهاش المشاكل اللى فاتت اما الموديلات القديمه 10او اكتر عادى انها اترشت من بره طالما مفيهاش عيوب فى الشاسيه او القوايم
15- متجبش عربيه وتقوول اعملها عمره و ولا ارشها طلما انك جديد فى التعامل مع العربيات خد حاجه خالصه احسن عشان الفك والتركيب والجرى ورا الصنيعيه مش بسهوله
16 - اعرف ان صاحب العربيه النضيفه مش هيبعها بتمن رخيص زى التعبان بس دة مش معناه ان اى عربيه غاليه كويسه
17-الكلام دة نتاج خبره شخصيه عجبك اعمل بيه معجبكش اتصرف انت بقه
