فرافيرو انط هو اللى كان سرق العربيه

مش فزوره العنوان من اسبوع كدا اتسرقت عربيه صاحبى هوندا سيفيك 84 من قدام شغله المهم بطريق الصدفه عرفنا من واحد ان فى واحد اسمه(فرافيرو انط ) دا اسمه مشهور بيه حرامى عربيات على كبير يسرق عدد كبير من العربيات ويطلب فديه رحنا البلد اللى هو فيها وسألنا وعرفنا ان العربيه هناك وسط عدد كبير من العرييات عربيات بالعبيط
عن طريق واسطه حرامى برده طلب 5000جنيه قلنا لا خليها هى ماتسويش المهم من هنا ل هنا ادفع 3000 والعربيه جايه بعيد عنك من غير بطاريه ومفيش كونتكت وججسم السياره مبهد ل والحمد لله واوعى تقول حكومه الحكومه عارفه وعامله مش واخده بالها

اقتباس:

---

المشاركة الأصلية كتبت بواسطة ghamazi

مش فزوره العنوان من اسبوع كدا اتسرقت عربيه صاحبى هوندا سيفيك 84 من قدام شغله المهم بطريق الصدفه عرفنا من واحد ان فى واحد اسمه(فرافيرو انط ) دا اسمه مشهور بيه حرامى عربيات على كبير يسرق عدد كبير من العربيات ويطلب فديه رحنا البلد اللى هو فيها وسألنا وعرفنا ان العربيه هناك وسط عدد كبير من العرييات عربيات بالعبيط
عن طريق واسطه حرامى برده طلب 5000جنيه قلنا لا خليها هى ماتسويش المهم من هنا ل هنا ادفع 3000 والعربيه جايه بعيد عنك من غير بطاريه ومفيش كونتكت وججسم السياره مبهد ل والحمد لله واوعى تقول حكومه الحكومه عارفه وعامله مش واخده بالها

---

فرافيروووو
انا جاااااااااي
...
الحمد لله ع السلامة وربنا يعوضكم خير

يعني ايه الحكومة عارفة و عاملة مش واخدة بالها ؟؟؟؟؟؟

فرافيرو ايه؟؟؟ ممكن بالتشكيل لو سمحت..


بس كويس انها رسيت علي فدية

اقتباس:

---

المشاركة الأصلية كتبت بواسطة icehearted girl

فرافيرو ايه؟؟؟ ممكن بالتشكيل لو سمحت..


بس كويس انها رسيت علي فدية

---

انط

فتح الالف مع التشديد و كذلك النون و سكون على الطاء

اَنَط

annat??

ههههههههههههههههههههههههه ايوا كدا اسم موحي

طيب ماتقول مكانه فين بالظبط علشان فى ناس عربياتها مسروقه يبقى افدتهم

المفروض تروح تبلغ الجيش وتعمل دربكة اتصل على اى برنامج على القنوات الفضائية واعمل دربكة وقول المكان دوة فين واللى حصل بدون
عشان الجيش يروح يلم الناس دية :(((

صاحبى بلغ البوليس ومتحركش المشكله ناس اتسرق منها نص نقل راحوا هناك عرفو انه تخصص سرقه ملاكى واللى عرفته ان اليلد اسمها (نوى)

طيب وهو دة جديد ما احنا عرفين ان الحكومة عارفة و عاملة نفسها مش واخدة بالها

ايه الاخبار وازاي الكلام ده ...ربنا يستر علينا يارب
ونخلص من كل الجوانب السيئه

العربيات المسروقه عمر الشرطه ماكانت هى اللى بتعثر عليها اما الصدفه واما صاحب العربيه اللى هو اللى يبحث ويطلع عينه ويجيبها والبوبيس برده يقوله امضى على المحضر انك استلمت العربيه بعدالبحث والتعب والمكافحه من رجال الشرطه ا

فيه حاجة مش فاهمها يعنى انتا لو رحت مديرية الامن وقابلت اى حد محترم وبلغته عن موقع الحيوان ده ومكان الحظيرة مش هيعرفو يجيبوه ؟

ده بجد حاجة غريبة اوى لو احنا بقينا نعرف نجيب مكان الحرامى كمان وندهولهم وكمان هما ميعرفوش يعملو حاجة مطلوب منا ايه طيب :untitled 1:

مش ممكن انسى يوم زمان والدى الله يرحمه كان عنده بيحو504 وكان راكنه قدام البيت صحينا الصبح ملقينهاش عمل محضر وبلغ الشرطه ولا حياه لمن تنادى لكن اصحاب الخبره قالوا عشان العربيه ترجع نشوف ناس صاحبه كار وهما اللى ممكن يرجعوها وقد كان وشهر كامل لف لغايه يوم كنا تعبنا لقينا عربيه فى وشنا شكل عربيتنا مطارده بقى لغايه ممسكناه لقينا معاه خمره وخد ضرب لما شبع وسلمناه للشرطهوحاف ان العربيه دى مش بتاعتكم لكن انا اللى سرقت عربيتكم وشلت حاجات من هنا وبغير معالم العربيات اللى بسرقها ولو الشرطه حبستنى مش هتشموا العربيه المهم سلمناه وارشد على مكان عربيتنا للشرطه وهنا مربط الفرس عرفوا المكا ن قالوا المكان دا تبع قسم غيرنا رحنا القسم اللى تبعوا قالو المكان دا خطر وكله عصابات وتجار مخدرات ومحدش جابها الا احنا لما رحنا المكان ودفعناالى هما عايزينه

طبعا كويس انكم لقيتوا العربية و كويس اكتر انكم متقلبتوش في الفلوس و قالولكم سكتكم خضرا

بس ليا سؤال غريب شوية
طالما لقيتوا عربيتكم هناك و عربيات ناس كتيير كمان ع حد قولك ليه مبلغتش الجيش ؟؟

سيبك من الشرطة هنقول الشرطة لسه مش اوي مع انك لو روحت المديرية و قابلت رتبة ما هيصدقوا و يمسكوا لأنهم عايزين يثبتوا نفسهم تاني دلوقتي

طب الجيش الجيش لو نزل بعربيتين مشاه بس خلاص خلص الدنيا و العربيات هتتسلم للمرور و الناس تستلمها
و بالتالي هياخد العربية بدون دفع و هيفيد الناس كمان اللي مش عارفين عربياتهم فين و الله اعلم ممكن الناس ديه تعبوا ازاي عشان يقدروا يجيبوا عربية و ممكن يبقي عليها اقساط كمان

و لو خايفين ان العربية يحصلها حاجة طب بعد ما خدتوا العربية مبلغتوش ليه و تقولوا انه تم طلب فدية و ساعتها يرجعلكم حقكم

لكن بالطريقة ديه حضرتك اه استفدتوا لما لقيته عربياتكم و رجعتوها قصاد فدية
لكن بشكل غير مباشر ضريتوا غيركم من الناس اللي متعرفش تجيب عربياتها او معهاش فلوس تدفع و مش قادرين يوصلوا ليهم
بالاضافة انكم كده ادتوله فرصة يعمل كده مع غيركم و يسرق تاني و تالت و 1000 كمان

متزعلش مني في ردي لكن وجهة نظري ان اللي حصل تصرف خاطئ لو كل الناس عملت كده يبقي محدش هترجعله عربيته احنا دلوقتي في امس الحاجة للتعاون بين الناس للقضاء ع امثال الدكتور انطة
حتي لو قولتلي انا ممكن اعمل كده غيري مش هيعمل عشاني كده
ملناش دعوة بغيرك اكسبوا انتوا ثواب عشرات من الناس اللي هترجعلهم رعبياتهم اللي عليها اقساط و اللي تعتبر شغلته و اللي.. و اللي ......الخ...الخ

صح و لا انا غلطان ؟؟

اولا انا كتبت الموضوع دا عشان اكون ايجابى رغم ان الموضوع يخص اخو صاحب لى وكمان عرفت انهم بلغو الشرطه واكثر من كدا اتعمل لأن اللى اتسرقت عربيته بيشتغل محامى
ثانيا الحرامى دا معروف وكل اللى بيتسرق عربيته يلف يلف وغالبا حد يدله على المدعو فرافيروو وقبل تحياتى

اقتباس:

---

المشاركة الأصلية كتبت بواسطة ghamazi

اولا انا كتبت الموضوع دا عشان اكون ايجابى رغم ان الموضوع يخص اخو صاحب لى وكمان عرفت انهم بلغو الشرطه واكثر من كدا اتعمل لأن اللى اتسرقت عربيته بيشتغل محامى
ثانيا الحرامى دا معروف وكل اللى بيتسرق عربيته يلف يلف وغالبا حد يدله على المدعو فرافيروو وقبل تحياتى

---

طب تمام يا ريس انا افتكرت انهم متصرفوش و اكتفوا انهم دفعوا فدية
فكان اعتراضي ع انهم مبلغوش بعد ما عرفوا المكان او بعد ما خدوا العربية انما طالما بلغوا خلاص و عرفهم عن المكان خلاص :)
بس برده الجيش كان اتصرف اسرع

يعنى الحرامى يبقى مكانه معروف
و معاه العربية المسروقة
و مش قادرين نقبض عليه
عجبى

انا لله وانا اليه راجعون اللهم ارفع عنا البلاء

يا جماعة لية فبس ناس بتقول ان الحكومة مش هتعمل حاجة اصلك لو رحت تبلغ مش هتروح فى السر انا بقول ابعت شكوى لرئاسة الوزراء
اتصل باى برنامج العاشرة مساءا او 90 دقيقة او الحياة اليوم
واقولهم القصة هيطلعوك على الهوا تقول ويبقى انت كدة عملت دربكة وهيصة لازم ياخدوا موقف قدامها

نوى دى فى القليوبيه تدخلها من الطريق الزراعى من مزلقان سنديون وممكن من عند قليوب برضه اكتر كده معرفش بصراحه

فيديو لعصابة فرافيرو
عصابة المخدارات والسيارات بنوة قليوبية

لعنة الله عليهم

‫ظپط±ط§ظپظٹط±ظˆ.mp4‬&l rm; - YouTube

فرافيرو ده اشهر حرامى عربيات فى مصر ومكانه فعلا فى قرية (نوى) على طريق قليوب - شبين القناطر ومسجل خطر فى مديرية امن القليوبية
والعربيات المسروقة حاططها فى ارض واسعة جنب مكانه على مرآى ومسمع الكل ويوم ما الجيش فكر ينزله مراته طلعت باتنين آلى تضرب نار عشوائى لحد اما هرب والعملية باظت لأن المنطقة هناك ارياف ومدقات وبيوت متلاصقة وزراعات كثيفة يعنى صعب المعدات الكبيرة تدخل بالساهل دى عاوزة اسقاط جوى مش هجوم برى
السلاح والمخدرات فى شبين وضواحيها بالهبل معقل يعنى ووكر كبير وكفاية انها قريبة من سجن ابو زعبل واربطوا بين ده وبين هروب المساجين ايام الثورة وسرقة السلاح اللى كان متوفر عندهم اصلا من غير ثورات ولا غيره !!!!!!!!!!!!!!!!!!!
حسبى الله ونعم الوكيل

سمعت عنو ده بس ده نقريبا مسكو

اقتباس:

---

المشاركة الأصلية كتبت بواسطة minicooper20

سمعت عنو ده بس ده نقريبا مسكو

---

بالبحث على جوجل اليوم وجدت فعلا خبر القبض عليه

اتقبض على زعيم العصابة فرافيرو
وليس بقية العصابة

وترسانه الاسلحة اللى مع العصابة
لازالت فى ايديهم

سقوط "مكنة" و "فرافيرو" فى كمين بالقاهرة

http://www.alwafd.org/images/news/118612424c866.jpg

القليوبية - صلاح الوكيل: الجمعة , 14 اكتوبر 2011 13:45

نجحت اجهزة الامن بالقليوبية فى القبض على محمد ابراهيم الطوخى وشهرته "مكنة" 27 سنة احد اهم اضلاع مثلث الخطر فى عصابات السرقة بالاكراه على طرق المحافظة.
المتهم هارب من جنايات واحكام قضائية وسبق اتهامه فى العديد من قضايا السرقة بالاكراه ويعد احد المسجلين خطر والاشقياء الذين ذاع صيتهم خلال الفترة الماضية.
كانت المعلومات السرية قد وردت للواء محمد القصيرى مدير المباحث باختباء المتهم فى احدى الشقق بالقاهرة بصحبة احد الاشقياء هناك .
تم عرض المعلومات على اللواء احمد سالم الناغى مدير الامن وفى نفس الوقت وردت معلومات من المقدم عادل فكرى رئيس مباحث المرور بقيام شخص يدعى طه محمد الشعرواى 49 سنة بترخيص سيارة لزوجة المتهم الهارب " مكنة " بمرور شبرا الخيمة تجمعت خيوط القضية امام العميدان اسامة عايش رئيس المباحث وجمال الدغيدى رئيس فرع البحث الجنائى بالتنسيق مع مصلحة الامن العام بالقاهرة .
وكشفت تحريات مصلحة الامن العام ان المتهم الثانى هارب من 58 حكم جزئى ومتهم فى قضايا مخدرات وسرقة بالاكراه وعلى الفور ألقى القبض عليه بالسايرة داخل ادارة مرور شبرا الخيمة اثناء قيامه بتخليص اوراق التراخيص للسيارة وبتضيق الخناق عليه اعترف ان السيارة ليست ملكه وانها ملك زوجة الهارب " مكنة".
وكشفت التحريات ان مكنة على علاقة قوية بعصابات السرقة فتم تتبع خطواته وتبين انه اختفى عن اعين المباحث فى احدى الشقق بالقاهرة نتيجة تضييق الخناق عليه فقرر الهرب من حدائق الموالح ومعه صديقه فرافيرو الشقى المعروف .
قام رجال المباحث باصطحاب المتهم الى شقته بمنطقة الكابلات بالمطرية وألقى القبض على المتهم .
وأكد اللواء احمد سالم الناغى مدير الامن استمرارالاجهزة فى مواجهة الاشياء والمسجلين وعصابات السرقة التى انتشرت على الطرق الوعرة وبين حدائق الموالح فى بعض المناطق اضاف انه تم تطهير اماكن اختباء كثير من المسجلين داخل حدائق الموالح ونتيجة لذلك هربوا لأماكن خارج المحافظة .

بلطجية يحرقون نقطة شرطة العزيزة بعد إلقاء القبض على زعيمهم

الأربعاء، 9 نوفمبر 2011 - 00:26

http://www.youm7.com/images/NewsPics...1123141424.jpg
صورة أرشيفية

أشعل عدد كبير من البلطجية بقرية العزيزة مركز المنزلة بالدقهلية، النيران، فى نقطة الشرطة وقاموا باحتجاز الأفراد بداخلها ومفتش مباحث فرع شمال الدقهلية، وذلك انتقاما من حملة أمنية تمكنت من إلقاء القبض على زعيمهم.

تلقى اللواء سامى الميهى، نائب مدير أمن الدقهلية، إخطارا من مأمور مركز المنزلة بقيام عدد كبير من البلطجية بشن هجوم على نقطة شرطة "العزيزة"، وألقوا زجاجات المولوتوف عليها مما تسبب فى إحراق بوكس للشرطة وأجزاء من النقطة واحتجزوا المقدم شريف رءوف بداخل النقطة، إلا أنه تمكن بعد ذلك من الخروج، وذلك للمطالبة بالإفراج عن "حمدينو. ا" زعيمهم والذى تم إلقاء القبض عليه.

وكانت حملة أمنية مكبرة قامت بحملة على أوكار تجارة المخدرات بالقرية امس وتفتيش منطقة الجرن، وتمكنت الحملة من القبض على "حمدينو. ا" الذى سبق اتهامه فى العديد من القضايا، إلا أنه يجد حماية كبيرة من تجار المخدرات وعصابات السطو المسلح بالمنطقة، وتمكن من الهروب من مباحث بور سعيد بعد مقتل 6 مواطنين هناك وأصيب خلالها بطلق نارى فى قدمه.

وأكد مصدر أمنى أنه تم إرسال تشكيلين من الأمن المركزى للقرية للسيطرة على الأحداث.

احلى خبر سمعتة فى حياتى

لص عاثر الحظ شرع فى سرقة محتويات سيارة ضابط شرطة بالجيزة
بوابة الأهرام - عادل عبد اللطيف


10-11-2011 | 08:40






http://gate.ahram.org.eg/Media/News/...134758-813.jpg

صورة أرشيفية

تمكن ضابط شرطة بمساعدة الأهالى من ضبط مسجل خطر بمنطقة العجوزة شرع فى سرقة سيارته وأفادت التحريات أن المتهم سبق اتهامه فى 24 قضية، تحرر محضر بالواقعة وأحيل إلى النيابة التى تولت التحقيق.
تلقى اللواء عابدين يوسف، مساعد أول وزير الداخلية ومدير أمن الجيزة، إخطاراً من المقدم أحمد الوتيدى، رئيس مباحث قسم العجوزة، يفيد بأنه أثناء قيام الرائد أحمد رفيق فكرى، معاون مباحث بقسم إمبابة، بإيقاف سيارته بشارع الخرطوم بدائرة القسم وتوجهه لشراء بعض الاحتياجات، وأثناء عودته شاهد أحد الاشخاص أثناء قيامه بكسر زجاج السيارة الأمامى الأيسر وسرقة جهاز تليفزيون (صغير الحجم) من داخل السيارة.
وقد تمكن الضابط بمساعدة الأهالى من ضبطه.
تبين أن المتهم يدعى أمير صلاح الدين ( 32 سنة سائق ) مسجل شقى خطر تحت رقم 16151 فئة ب (مخدرات) لسابقة اتهامه فى 24 قضية آخرها 11977 جنح قسم إمبابة، مصاب بكدمات بالوجه. وبمواجهته أمام العقيد محمود خليل مفتش المباحث، اعترف بارتكابه الواقعة وأن أصابته حدثت أثناء ضبطه بمعرفة الأهالى.
تحرر عن ذلك المحضر رقم 19550 جنح القسم.