صوت خبط مع الفرامل الخفيفة .....الحمد لله تم اكتشافه و اصلاحة
بسم الله الرحمن الرحيم
تحيه طيبه الى جميع الاعضاء
أنقل لكم تجربتى مع نيسان صنى اى اكس 2010 اوتوماتيك عامل حوالى 15000 كم
منذ فتره و اكتشفت انى لما بعمل مشوار طويل .... و آجى اسيب بدال الفرامل الاقى صوت خبطه بسيطة و لا تظهر الا بعد السفر مسافه طويله ... و كثر الكلام عن خبط الفرامل فى بعض المواضيع ....
امبارح كنت فى مشوار طوالى و لقيت الخبط بدأ يزيد :crying2: و بيحصل لما اكون على سرعة منخفضة و ادوس بدال الفرامل سنه خفيفه ... لكن لو دوست بقوه لا يحدث ...فقلت أقطع الشورت فى الكمين ( الشك باليقين ) ...
رحت النهارده الى الاتحاد الوطنى بطنطا و قابلت المهندس و قلتله على المشكله ...
قاللى : حضرتك بتعمل صيانه دوريه
قلت طبعا 1كم و 10 آلاف و بحط زيت موبيل 1 ..
قاللى مش بتعمل صيانات الخمسات
قلتله لأ
قاللى علشان الضمان لازم تكون عامل حوالى 80 % من اجمالى الصيانات
قلت له خدمةالعملاء 16244 بتاعة نيسات سألتهم قالولى صيانه 10 ألاف و مضاعفاتها تكفى :untitled 1: للتمتع بالضمان !!
قاللى اصلهم خدمة عملاء و مش عارف ايه
المهم خرج معايا فنى و جرب العربية و قاللى دا من التيل اللى ورا عايز رجلاش
قلتله و ماله يا خويا ...ميضرش رجلاش رجلاش
و تم رفع السيارة على الكوريك الآلى و فك العجل و عمل تنضيف للتيل و تزييت كمات لبعض الاجزاء و عمل رجلاش للتيل ... بيبقى فيه مسمار بيتحكم فى المسافة بيت شقى التيل يفتحهم لبره او يضمهم للداخل
تم النتهاء من الشغل و جرب العربيه و قال كله تمام
قلتله أجرب . و لسه بنزل فرامل اليد لقيت ان وضعها اختلف و بقت تقيله و معدتش بتترفع لفوق كتير زى الاول ..
قاللى : مهو لما عملت رجلاش طبيعى اليد تتقل و تزيد حساسيتها ( يعنى يدوب ارفع 1 سم تمسك كويس ) و كانت قبل كدا لازم ارفعها ييجى 5 سم ولا حاجة !!!
و طبعا كله ببلاش
المهم المشكله اتحلت و الحمد لله
و ربنا يخللى لنا نيسان
