الف شكر على مجهودكم الرائع وارجو ان تخبرونى موقع سوق السيارات بتاع سوق الجمعة عشان عايز اروحه بس ان من السويس فعايز العنوان بالتفصيل وممكن اركب المرج او الكوربة او رمسيس فاى الطرق اسهل وشكرا ويا ريت بالتفصيل
عرض للطباعة
الف شكر على مجهودكم الرائع وارجو ان تخبرونى موقع سوق السيارات بتاع سوق الجمعة عشان عايز اروحه بس ان من السويس فعايز العنوان بالتفصيل وممكن اركب المرج او الكوربة او رمسيس فاى الطرق اسهل وشكرا ويا ريت بالتفصيل
السوق في الحي العاشر - مدينة نصر - ممكن تنزل محطة زهراء العاشر (عالدائري - امام اكاديمية مبارك) و تاخد ميكروباص لهناك.
الف شكر على سرعة الرد ولكن محطة زهراء العاشر دى بيركبولها من فين وشكرا مرة اخرى
بص يا احمد باشا
-انت تنزل رمسيس بعدين تاخد اى حاجة رايحة اول عباس العقاد (ميكروباص) او اتوبيس
-تنزل اول عباس العقاد
-مكان ما هاتنزل هتلاقى فى ميكروبصات جاية بتقول (العاشر) ..تركبها
الميكروباص دة هايعدى على (سوق السيارات ) قولة عايز ابقى انزل سوق السيارات
او تخلى بالك وانت راكب هتلاقى على ايدك اليمين ساحة كبيرة مليانى عربيات كدة ..
هو دة
توصل بالسلامة إن شاء الله
1-ممكن تنزل رمسيس قدام جامع القتح وتاخد ميكرباص الحى العاش(مدينة نصر) و هينزلك عند سوق السيارات بالظبط
2-وومكن من قدام جامع الفتح برضه تاخد ميكروباص السابع وتاخد من السابع (قدام الشبراوى) ميكروباص العاشر هينزلك برضه قدام السوق بالضبط
3- بالنسة لاتوبيسات النفل العام (611 من عبد المنعم رياض وبيعدى برضه من قدام مسجد الفتح)
(178 من موقف احمد حلمى)
4-قلنا انت ساكن فين يمكن نقدر نفيدك اكتر:)
الف الف شكر على اهتمامكم الكبير وفعلا انه منتدى النجوم
سوق الجمعة شغال كمان يوم الأحد .. وبيتشتغل من 9 صباحاً حتى 9 مساء .
المواصلات إضافة لما ذكره الإخوة .
انت جاي من السويس .
اركب رمسيس أو الكوربة وبلاش المرج .
الطريقة الأولى : النزول عند تقاطع طريق السويس مع الطريق الدائري ، وبعدين اطلع على الدائري بحيث يكون وجهك نحو السويس وليس القاهرة ، واركب أي حاجة من فوق لحد الزهراء ولو المواصلة مش هتدخل الزهراء قل له أول نفق التجمع الأول . 200 متر وهتلاقي كل المواصلات رايحة سوق السيارات من موقف الزهراء .
الطريقة الثانية : انزل تحت كوبري ألماظة المؤدي إلى شيراتون على نفس طريق السويس قبل الدخول إلى مصر الجديدة ، وامشي عكس طريق الكوبري يعني عدي الناحية التانية لحد أول الكوبري وبعدين عدي الأوتوستراد واركب أي حاجة ليكن تاكسي مثلاً من عند النادي الأهلي هياخد بكتيره خمسة جنيه لحد السوق .
الطريقة الثالثة : انزل ميدان الألف مسكن بشارع جسر السويس واركب ميكروباصات عباس العقاد .. العاشر أو مكرم عبيد العاشر هتنزلك قدام السوق .
الطريقة الرابعة : انزل الكوربة واركب مترو مصر الجديدة ـ مدينة نصر ، وانزل عند الحي الثامن وأي ميكروباص للعاشر
الطريقة الخامسة : انزل رمسيس واركب ميكروباص العاشر مباشرة أو السابع ثم العاشر هينزلك قدام السوق .
المواصلات العامة ( أتوبيسات وميني باصات ) من رمسيس :
لا أنصح بها عامة فهي تأخذ وقتاً طويلاً جداً قد يفوق الساعة
تقبل خالص مودتي
انتبه
علشان الموضوع ده بيقع فبه ناس كتير
انت عاوز تروح "الحي العاشر" مش العاشر من رمضان
العيال اللي بتنادي في الميكروباصات ممكن تختصر و تلاقيه بينده عاشر عاشر عاشر و خلاص
دا لو حاتركب من اول مكرم او اول عباس
"الطريقة الأولى : النزول عند تقاطع طريق السويس مع الطريق الدائري ، وبعدين اطلع على الدائري بحيث يكون وجهك نحو السويس وليس القاهرة ، واركب أي حاجة من فوق لحد الزهراء ولو المواصلة مش هتدخل الزهراء قل له أول نفق التجمع الأول . 200 متر وهتلاقي كل المواصلات رايحة سوق السيارات من موقف الزهراء ."
------------- اسهل طريقة - هتوفر لك ييجي ساعة تقريبا
الف الف الف شكر لكل النجوم الت افادونى كثيرا كما لو انى اعيش فى القاهرة وشكرا لكم مرة اخرى جميعا
فى سوق سيارات تانى يوم الجمعة برضه موجود فى البساتين تحت كوبرى التونسى على الاوتوستراد
الف الف شكر