السلام عليكم..
أشكر أولا كل من يساهم في هذا المنتدي العظيم و أرجو منكم المساعدة العاجلة..
ان شاء الله انا هشتري لانوس جديدة..
ممكن حد يعرفني ايه اللي بيكون مع العربية و أشيك علي ايه و أنا بستلمها..
أرجوكم الاهتمام و جزاكم الله خيرا...
السلام عليكم..
أشكر أولا كل من يساهم في هذا المنتدي العظيم و أرجو منكم المساعدة العاجلة..
ان شاء الله انا هشتري لانوس جديدة..
ممكن حد يعرفني ايه اللي بيكون مع العربية و أشيك علي ايه و أنا بستلمها..
أرجوكم الاهتمام و جزاكم الله خيرا...
انصحك وانت حر. لما تزود 8000 ج تركب فيرنا اتوماتيك افضل منها . الماكينه اكبر والتكييف افضل والاتوماتيك فى الزحمه يريح. وبعدين الفيرنا اتوماتيك الكاتوتش مقاس اكبر واعلى من المانيوال. اللانوس واطيه وتكييف ضعيف فى الحر
أولا مبارك عليك اللعربية الجديدة
ثانيا أنصحك تشتري لانوس كاملة
ثالثا بييجي مع العربية طقم طاسات وممكن تكون راكبة
عجلة استبن في الشنطة
كوريك ومفتاح عجل ومفك ومفتاح بلدي كله في الشنطة
كتالوج العربية وكتاب الصيانة والضمان
ضمان البطارية والكاسيت
تبص علي العربية وتتاكد ان مفيش فيها خبطات
تبص علي عداد الكيلومتر وتتاكد انه قليل
تفتح وتقفل جميع الابواب وتتاكد ان حركتهم سهلة
تفتح الكبوت وتتاكد ان الزيوت والمياه مظبوطة
تدور العربية وتتااكد ان صوتها تمام ومفيش مشكلة في الدوارة ومفيش انوار تحذيرية في التابلوه غير لمبة فرامل اليد
التاكد من ان جميع الانوار والاشارات والمساحات وموتور مياه المساحات شغالة
التاكد ان الكاسيت شغال والاريال الكهرباء والازاز الكهرباء والسنتر لوك لجميع الابواب
التاكد من تشغيل التكييف
تدوس دبرياج وتاخد الغيارات علي الواقف وتتاكد ان مفيش اصوات غريبة
تفتح تانك البنزين من الداخل للتاكد من عمل المقبض بتاعه
ان شاء الله كله تمام تفول في اقرب بنزينة تكون نضيفة عشان غالبا التانك بيبقي تقريبا فاضي
تروح ترخص ومتنساش تاخد ورق العربية من المعرض او المصنع وبالتوفيق
حاجة مهمه...استلم العربيه في عز االشمس ....ععشان تكون كل حاجة واضحة بالنسبه للدهان و الخبطات لا قدر الله.....بلاش مثلا تستلم الساعه 5 مساءا علي سبيل المثال.......نصيحة اخويه تاانيه بقه : ياريت تاخد معاك حد من اصدقائك يكون بيفهم في العربيات .....للاطمئنان
الف مبروك و ربنا يعطيك خيرها ويكفيك شرهاا
تحياتي
Swimmer 25
اشكرك شكر خاص لاهتمامك و ان شاء الله هعمل زي ما قلت..بارك الله فيك و جعله في ميزان حسناتك..اشكرك
شكرا جميعا لكم للاهتمام و ادعو لي ان يبارك لي فيها و يكفيني شرها باذن الله...أشكركم و بارك الله فيكم