عرض للطباعة
بقالى فترة عاوز اشترى كتب معينة و المكان اللى اعرفه بيبع هو سور الازبكية - ههههه معلش اصلى قديم شوية - و لضيق الوقت و طبعا عامل الكسل المصرى و اغراء الاصدقاء :evil: بنظام كتب ايه انت مش بتاع كده تعالى اقعد لك ساعتين على القهوة :shyy: افيد
فياريت لو متطلعوش اندال زى اصحابى ههههههه و توصفولى مكان مكتبة فى الجيزة او الهرم او الدقى او ما حوليهم
انت عاوز كتب عن اية دينية و لا كتب عموما
الصراحه المناطق اللي قلتها معرفش حد فيها
بس عموما انا بشتري من مكتبه مدبولي فرع طيبه اللي في طريق النصر و الفرع الرئيسي طبعا في وسط البلد ميدان طلعت حرب
اقتباس:
المشاركة الأصلية كتبت بواسطة heshamzaky
لا انا كتب فى مجالى ( كهرباء قوى )
و اختى فى التنمية ............... بس معتمدة عليا اعتماد كلى :crying2: نظام لو نزلت ابقى هاتلى معاك
لآ مش عارف أفيدك بصراحة فى الكتب دى للأسف مش عارف
ميدان طلعت حرب فى وسط البلد مكتبة الشروق ومدبولى ولو امشيت شوية فى وسط البلد هتلاقى كتير
انا دخلت موقعهم ابص على الفروع معرفتش اوصل لحاجة ....... الموقع تحس انه واقعاقتباس:
المشاركة الأصلية كتبت بواسطة AboELsoud
يا باشا و لا يهمك شكلها هترسى على القهوة و اهى الدومنو برضه ثقافة :grin54:اقتباس:
المشاركة الأصلية كتبت بواسطة heshamzaky
شارع الهرم ... فيه مكتبة تابعة للهيئة المصرية العامة للكتاب
وديه جنب سينما رادوبيس على طول
....
مكتبة مدبولبي في المهندسين
تقاطع جامعة الدول مع البطل احمد عبد العزيز بعد بيتزا هت
......
دار الشروق
الجيزة: فرست مول – شارع الجيزة
المهندسين: 26 شارع محمد كامل مرسى
.....
ولو افتكرت حاجة تاني هاقولك
كهربا قوى مش هتلاقى غير فى دار المعارف فى شارع شريف (تقاطع عبد الخالق ثروت) بيبيعو الكتب اللى معموله للهند و مخفضه ... بجيب من عندهم فى معرض الكتاب لأن العرض افضل بس فى المكتبه فى وسط البلد موجود برضه
اشكركاقتباس:
المشاركة الأصلية كتبت بواسطة fepsceasar
ما يجبها اللى مهندسنها هههههههه :16:اقتباس:
المشاركة الأصلية كتبت بواسطة م.احمد زكريا
اشكرك يا هندسة و فعلا مكتبة مدبولى فى اخر البطل احمد ده انا كنت بركن قدمها يخرب بيت الزهيمر :grin54:
مش فرست مول ده اللى عند فرى دايز و سفارة الامارات تقريبا
و الكتب بتبقى بالهندى ههههههههههاقتباس:
المشاركة الأصلية كتبت بواسطة mohamed_selim
متسدهاش فى وشى ده انا ما صدقت لقيت مكتبات قريبة
انت دفعة كام ؟؟
في المكتبة اللي في الدقي شارع التحرير قريبة من كوبري الدقي
Modern Academic Bookshop
اصلى :16:اقتباس:
المشاركة الأصلية كتبت بواسطة AmAhmed
كل شوية الدنيا بتقرب ....... يارب اكتشف مكتبة تحت البيت :grin54:
لا يا باشا الكتب بتيجي معاها كيلو مانجه هندى ... انما مكتوبه عادى يعنىاقتباس:
المشاركة الأصلية كتبت بواسطة maka
انا مش سدها ... الكتب العلميه ملهاش سوق فا مش هتلاقيها فى المكتبات
ممكن تروح لعم سعد فى الدور التالت مبنى اتصالات هندسة القاهره بس تكون عارف عايز كتب ايه
انا اتصالات 99
روحت النهاردة بعد الصلاة لقيتهم قافلين :crying2:اقتباس:
المشاركة الأصلية كتبت بواسطة AmAhmed
و مواعيدهم يوميا من 10 لـ 7 يعنى مش هلحق ارحلهم
ههههههههههه ياه عم سعد فكرتنى باللذى ماضى كان راجل محترم و دايما قاعد مرابط فوق الكوبرى جنب دولابهاقتباس:
المشاركة الأصلية كتبت بواسطة mohamed_selim
بس هو مكنش عنده كل حاجة و غالبا هترسى على مشوار لدار المعارف
زميييييييييييل, يا مرحب يا مرحب, دُفعة كام يا هندسة؟اقتباس:
المشاركة الأصلية كتبت بواسطة maka
وبتدور على حاجة معينة؟؟
دفعة ٢٠٠٩ يا باشا و انت دفعة كام ؟؟؟؟اقتباس:
المشاركة الأصلية كتبت بواسطة hussein_emara
بدور علي كتب او دراسات عن التنبؤ بالاحمال و تصميم الشبكات لاستعبها و اي حاجة في الكهرباء عموما لان روتنية الشغل خلت الواحد يفقد الكثير من المعلومات
اقتباس:
المشاركة الأصلية كتبت بواسطة maka
دفعة 2005
طالما انت غاوي ما تقدم على ماجيستير, و حتقرا على مزاجك
انا ماليش قوي في موضوع الاحمال و الشبكات, انا بالعب في سكة التحكم الآلي (اتفضل معانا في الصالون :grin54:)
بس لو اتزنقت في كتاب بدور على النت و اجيبة PDF او عند عم سعد.
ياباشا لو عاوز كتب هندسية محترمة وتفيدك ابقى خليك على النت احسن PDF بتجيب الكتاب كامل وتقعد تقراه على السرير على الاب براحتك .... انا بقالى فترة كبيرة بصراحة مبقراش كتب ورق ... استحليت الكتب ال pdf بصراحة وخصوصا انها بتبقى مراجع قيمة بالانجليزى
للاسف الماجيستير مش هينفع مع وقت شغلى الملخبطة هيبقى لازم اغيباقتباس:
المشاركة الأصلية كتبت بواسطة Hussein_Emara
بس هو ينفع اقدم و محضرش و اقراء المواد العلمية لوحدى و لا صعب ؟؟
ههههههه انا بقى فى الكنترول على خفيف و تخصص احمال و شبكات و حاليا شغال فى مجال التوليد و التوزيع
ما انا اصلا مش عارف اسماء الكتب انا عاوز مكتبة و انقى منها
اقتباس:
المشاركة الأصلية كتبت بواسطة Mr_7oda
loooooooooool
فعلا ايام الورق قربت على الانتهاء
طاب متعرفش موقع و الواحد ينقى منه و ينزل
بص, مش كل المواد اجياري فيها الحضور, يعني لو عرفت تظبط مع زمايلك المحاضرات و الكتب, مش حيبقى عندك مشكلة, بس فيه معمل كومبيوتر لازم تحضره ده بيبقى شهر تقريبا مرتين او تلاتة في الاسبوع, و حتى ده ممكن تكلم الدكتور انك تكتب البرامج مع نفسك و توريهاله كل فترة (الصراحة الناس كانو متعاونين الى حد مش بطال ما عدا دكتور واحد مكانش حد عاجبة من الطلبة - يالا ما علينا -اقتباس:
المشاركة الأصلية كتبت بواسطة maka
للاسف الدنيا لطشت معايا جامد بعد التمهيدي في ظروف عائلية فمكملتش مع الرسالة, و زمانهم رفدوني, بس الموضوع مش مستحيل خالص لانت غاوي و مُصر.
حتعزمني بقى على مناقشة الرسالة؟:grin54:
حيث أنك ترغب فى مكتبات فى الدقى فيمكنك زيارة المكتبة الأكاديمية بشارع التحرير محطة مترو الأنفاق (الدقى) و إذا لم تجد فيها ضالتك فيمكنك إستعمال مترو الأنفاق للذهاب لمحطة السادات و التغيير منها لخط المرج و النزول فى محطة جمال عبد الناصر حيث يمكنك هناك فى منطقة الإسعاف زيارة مكتبة الهيئة العامة للكتاب بجوار دار القضاء
و على بعد محطة أتوبيس واحدة يمكنك الذهاب للعتيبة حيث مكتبات سور الأزبكية فى محطة العتبة لمترو الأنفاق و يمكنك منها إستقلال مترو الأنفاق فى العودة لمحطة الدقى
ملحوظة : إستعمال مترو الأنفاق فى التنقل أفضل و أيسر كثيرا من إستعمال السيارة فى شوارع وسط القاهرة
اقتباس:
المشاركة الأصلية كتبت بواسطة Hussein_Emara
هههههه يا باشا انت اول المدعوين :grin54:
طاب كمبيوتر في باور فايدته ايه او هندرس فيه ايه ؟؟؟
التقديم بيبقي امتي و السنة بكام في الحنين و لا اساتك :Ka_che1[1]:
حضرتك كنت بتحضر في القاهرة برده و لا في جامعة تانية
تحياتي
روحت الاكاديمية و ملاقتش فيها اللي انا عاوزه و شكلي فعلا هتجه للازبكيةاقتباس:
المشاركة الأصلية كتبت بواسطة homme49