الموضوع: اشترى المانى ولا اشترى كورى

من وجهة نظرى ممكن تجيب:

1- فيرنا فل اوبشن فابريكة برة وجوة وبكماليات
2- لانسر كريستالة
3- لانسر مكوة بس مش متاكد هل هى فى رنج حضرتك ولالا
4- دايو لانوس

اعتقد دول افضل حاجة ليك بالترتيب

لو موديل جديد يبقى فيرنا وفيها كل المواصفات الى حضرتك قلتها معادا هاتش باك

لو عاوز استابلتى اكتر على السرعات العالية يبقى لانسر

الاربع عربيات دول متوفر قطع غيراهم فى اى مكان والعربيات دى منتشرة وسهلة فى اعادة البيع والشراء واى ميكانيكى حيفهم فيهم

تحياتى ليك ويا ريت تقلنا اخترت اية فى الاخر :)

lanos

بص ياباشا مدام مش فارق معاك قطع الغيار يبقا عندك
جولف 3
عندك بي ام m40
عندك اوبل فيكترا 97
عندك بقا في الياباني
متسوبيشي لانسر كرستالة
هوندا سيفك 93 sir فتحة سقف وتكيف وبور ويسلام لو لقيت حد معتني بيها ومسقط فيها ماتور 1600 فيتك 2 كامة حكاية
عندك الكوري
هيونداي النترا 2006 او 2007 بس ابقا زود 10 علشان بتعمل في رنج ال60
عندك كيا بيكانتو 1100 سي سي ووسعة من الداخل وعربية نعمة وحلوة
عندك شيفرولية افيو 2007 او 2008 عربية وسعة اوووي من الداخل وناعمة جدآآآآآآآ
وربنا يوفقق في الاختيار ويوقعك في عربية بنت حلال متغلبكش

المشاركة الأصلية كتبت بواسطة raedegypt

كلام سليم وبتكون موديل عالى وتقفيل برة

ال i10 حلوة ومريحة وصغيره وموديل حديث ، لكن ثباتها مش اللى هو خصوصا فى السرعات العالية

المشاركة الأصلية كتبت بواسطة elfashn

او شوف لانسر كريستاله ثبات حلو 1300 سى سى موفره فى البنزين قطع غيار معمره مريحه وبتاعة شغل وشقا عيبها انها واطيه شويه بس ممكن تاخد بالك فى سواقتها

كلام زى الفل

المشاركة الأصلية كتبت بواسطة M.Alaa92

بص يا باشا الانوس و الفيرنا و الكريستالة افضل خيارات قدامك و لكن بما ان حضرتك عايز اقتصاد فى استهلاك البنزين يبقى الفيرنا و الكريستالة هم الافضل و حضرتك عايز ثبات ع السرعات يبقى الكريستالة افضل

جبت من الآخر

المشاركة الأصلية كتبت بواسطة SYD

طب دانتا حتي راكب الماني وكوري
بالله عليك الالماني مش بتاع شغل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

هات حتة بولو 2002 او ابيزا 2002 (1000 سي سي + تكييف + باور + قطع غيار معمرة ومتوفرة + هاتشباك + جري وغرز + شكل حلو + الماااااااااااااااااااااا ااني)

انا معايا ابيزا 99 موتور 1000 سي سي فيها تكييف وباور و4 زجاج ومرايات
عربية استهلاكها حلو اوي
قطع غيارها مش غالية اوي يعني اغلي من اللانوس شوية وارخص من الياباني كتير
جري وثبات الله اكبر عليها

اتكل علي الله وهات الماني وانت مغمض خصوصا الفولكس وادخل عموما منتدي الفولكس والسيات وشوف اراء الناس

والله المستعان
،
،

بص هى البولو فيها كل حاجة بدور عليها ، وركبتها مع واحد صاحبى وشفت ثباتها وجريها والغرز اللى بتاخدها.
لكن مشكلتها فى قطع الغيار ، ولو اغلى شوية من اللانوس زى ما بتقول ، يبقى كده اتحلت

على العموم ان شاء الله هعمل مقارنة بينها وبين اللانوس او الكريستالة
معلش هتقل عليك شوية ، بما ان معاك ابيزا 99 ، ممكن تفيدنى بأسعار قطع الغيار ؟

كده ان شاء الله هنزل ادور على

كريستالة ، ثبات اعلى
لانوس ، قطع غيار متوفرة اكتر
بولو وبونتو وابيزا 2001 لو قطع الغيار فى حدود المعقول