اشترى المانى ولا اشترى كورى
السلام عليكم
طبعا من العنوان كله هيدخل يقولك اشترى المانى ، انا نفسى كنت هقولى اشترى المانى :)
لكن فى حاجات كتير محدده اختيارى
اولا معايا من 54 الى 50 الف
محتاج عربية تستحمل حوالى 100 كيلو فى اليوم
بدور علي عريية يكون فيها:
عربية هاتشباك صغيرة لذيذه
سى سى قليل عشان البنزين (هشتغل بيها)
ثبات عالى على قد ما تقدر (عشان اكمل فى الشغل :)
قطع غيار غالى مش مشكلة مدام بتعمر ن بس تكون متوفره
موديل حديث ، باور وتكييف وظبطنى يا معلم
دورت لحد ما تعبت ورسيت على واحده من دول:
سيتروين c3
بولو
بيجو 207
المشكلة بقى ، همشى بيها 100 كيلو فى اليوم؟ ، يعنى هتطلع عينى فى قطع الغيار ، ده غير انى هاحطلها 92 :S
العربية عايزها عشان شغل ، بس مش هشتغل عند حد ، دى شركتى انا واصحابى ، يعنى برضه مستفيد (زيتنا فى دقيقنا زى ما بيقولوا :)
ولا
نفكنا من السيرة دى اساسا وندور على حاجة اقل شوية بس قطع غيارها متوفرة ، مثلا
كيا سبيكترا ، ريو ، سيراتو القديم
لانسر او كوروللا
كيا برايد سايبا الايرانى 2009
هيونداى الانترا
قطع غيارهم موجودة واى ميكانيكى يشتغل فيهم ن بس طبعا هضحى بحاجات كتير زى الثبات وجودة التقفيل و .. و..