كان عندي استفسار بعد اذنكم :
هل من الممكن تركيب علبه دركسيون باور السمتخدمة في الفيات 132 2000 سي سي ... بدلا من علبه الدركسيون اللي في فيات 131 ؟؟ و اذا ممكن ايه هي التعديلات اللي بتم ؟؟
عرض للطباعة
كان عندي استفسار بعد اذنكم :
هل من الممكن تركيب علبه دركسيون باور السمتخدمة في الفيات 132 2000 سي سي ... بدلا من علبه الدركسيون اللي في فيات 131 ؟؟ و اذا ممكن ايه هي التعديلات اللي بتم ؟؟
انا عندى نفس الاستفسار
+ ينفع اركب تكيف ؟
تعديل علب الدركسيون خطر جدا لأن كل عربية لها مواصفات وابعاد معينة
اعتقد علبة الدركسيون الباور بتاعت الشاهين والدوجان يركبو فى ال131 ........... وهية هية نفس الابعاد
علبه دركسيون ل 132 مختلفه عن ال 131 لذلك ما ينفعش تتركب دي مكان دي.
فيه موديل من ال 131 كان نازل فيه باور و ممكن تشتري علبه الدركسيون بتاعه استعمال او زي ما الباشمهندس مهاب قال ممكن بتاع الدوجان .
بالنسبه للموتور بتاع الباور ف موتور ال 132 يركب عادي لتشبه المحركات بس برضه اسأل عفشجي.
و التكييف برضه نفس الوضع :)
معاك حق يا حازم باشا .. ابعاد ال 132 مختلفه عن ال131 . اعتقد موضوع الباور بتاع الدوجان دة ممكن يتكلف تقريبا 1500 جنية
شكرا يا زعيم الفيات على الافاده ...... انا مكونتش اعرف الاختلافات دية الحقيقه .
بس فى حاجه انا مش بحس ان دركسيون ال131 تقيل ...... يعنى الصراحة انا كان نفسى جدا اركب تكيف فى العربية زمان ......... لكن مجاش فى بالى موضوع الباور دة لانى مش بحس ان الدركسيون تقيل .
:) الله اعلم يمكن انا اتعودت عليها ......!!
حازم باشا ,... طيب هل في موديلات لل فيات 131 نزل فيها باور ؟؟
السوق عندنا له تسميات ومصطلحات غريبة بس انا إن شاء الله ناوى اشترى 131 واعمل عليها شوية تعديلات جامده اوى اوى لانى بحب العربيه دى جداا
الاسكترا اللي هيا بيسموها الجريده و البنيون
دا اسمه كده و عباره عن عمود واصل ببكره مسننه بتلف علي عمود مسنن ايضا .
مش عارف اشرحها بس زي اللي في الشاهين و النوبيرا.
انما اللي في ال 132 عباره عن جزنه دركسيون شبه بتاع اللادا و دي بتنقل حركه الدركسيون للاتياش اللي ماسكه العجل ببعض.
الله ينور عليك يا حاج حازم
علبة ال 132 لا تصلح نهائيا لل 131، لأنهم شكلهم مختلف عن بعض تماما
علبة ال 132 بنظام الدودة القديم، زى اللادا والبولونيز وال125 وال126
لكن علبة ال131 بنظام الاسكاترا (الجريدة والبنيون) زى ال128 والريجاتا وكل العربيات الأحدث
اللى يركب مكان علبة ال 131 هى علبة الشاهين والدوجان، اصلا انت لما بتشترى علبة الشاهين بتلاقى مكتوب عليها 131 -1600 ، قد يستلزم الأمر بعض التعديلات لو العربية ال 131 مش 1600 لكنها مش هتكون تعديلات كتير، حدود التعديلات فى تصورى انك ممكن تحتاج تشتر تيشين ديريكيسون جدا وقد تحتاج تعدل فى صرة العجلات (وقد لا تحتاج لذلك وهو الأغلب)
علبة الديريكسيون الباور بتاعة الدوجان والشاهين تمنها 1600 جنيه من غير الطرمبة وخران الزيت والخرطيم
علشان ماتصرفش فلوس على الفاضى اعمل زيارة للميكانيكى بتاع الباور اللى فى شارع معروف وقول له عايزن نقلب العربية دى باور ، لو هنجيب لها علبة باور بتاعة دوجان او شاهين هحتاج ايه تانى وبكام
ايه الجمال ده يا سبعاوي ....استاذ فيات و الله ... بس ممكن تقولي عنوان الميكانيكي بتاع الباور ده بالظبط ؟ مع اني بصراحة مستغرب من ان يكون في ميكانيكي متخصص في الباور بس .... و هل يا تري كويس ؟؟؟
و هل علبة باور بتاعت الشاهين و الدوجان بتباع جديدة و لا استعمال ؟؟؟
انا متعاملتش معاه بشكل شخصى لكن هو اشهر واحد فى القاهرة بيحول العربيات العادة الى باور، ومكانه سهل جدا ، لو انت جاى من كوبرى اكتوبر من ناحية المهندسين انزل نزلة شارع رمسيس، او لو انت جاى من ميدان التحرير ادخل شارع رمسيس من أوله من ميدان عبد المنعم رياض ، وبعيدن ادخل اول يمين بعد نزلة كوبرى اكتوبر، هو ده شارع "معروف"، (اسمه كدة، مش معروف بمعنى مشهور) انت اصلا اول ما هتدخل الشارع هتلاقيه مسرح صبيان يندهو عليك ويقولوك عاوز باو عاوز باور، لو محدش نده عليه اسأل اى حد واقف قول له فين بتاع الباور اللى هنا هيشاورولك عليه،
علبة ديريكسيون الباور الدوجان بتيجى جديدة ، وكذلك الطرمبة من التوفيقية
الف شكر ليك ياسبعاوي
اضافات ممتازة شكرا
السلام عليكم ممكن بس افادة من حضراتكم معى سيارة 131 بور بس فى مشكلة فى الاسكاترا هل لها تصليح وهل حد عندة اسكاترا للبيع