معلومة عن جهاز الانذار وعلاقته بالسنتر
ملحوظة هامة يا جماعة ظهرت لي من فترة و حبيت اوضحها :
اللي ركب جهاز انذار لعربيته نيسان صني اللي بيركب علي نفس ريموت العربية في التوكيل.
انا ساعات و انا ماشي بالعربية اقوم قافل السنترلوك من الباب اللي جانبي ففوجئت بأن جهاز الانذار بيشتغل و السرينة بتصوت و انا ماشي بالعربية .. ووجدت ان الموضوع ده بيحصل لسبب واحد و هو :
لما بحود او بدخل بالعربية يمين او شمال و بكون مشغل الفلاشر و اقوم قافل السنترلوك و الفلاشر شغال بيقوم جهاز الانذار يشتغل و السرينة تبدأ تصوت و طبعا لازم تقف بالعربية و تشغل و تبطل جهاز الانذار و بعدين تكمل مشوارك بالعربية.
فالحل كالآتي :
لما تكون عايز تقفل السنترلوك و انت ماشي بالعربية .. تأكد انك مش مشغل فلاشر الانتظار او فلاشر الدخول يمين او شمال و مش هيحصل اي مشكلة
أرجوا تكون المعلومة وضحت .
