كنت عايز اعرف الفرق بين الانجكشن الى فية اسبراتير والى مفيهوش اسبراتير
ولا كلة فية اسبراتير وانا معلوماتى غلط
عرض للطباعة
كنت عايز اعرف الفرق بين الانجكشن الى فية اسبراتير والى مفيهوش اسبراتير
ولا كلة فية اسبراتير وانا معلوماتى غلط
الوا
ميت الوا ومحدش رد
اي عربية فيها اسبريتير لكن في نوعين سائدين
من الاسبريتير:
1: الكتروني ودة بيبقى فية مشط الكتروني لتنظيم الشرر
2: عادي ودة القديم ودة فية بدل المشط ابلتين وكوندنسر.
اما بالنسبة للحقن فدة انواع برضة، وفي منة الالكتروني
اللي بيتم حقن الوقود للموتور عن طريق الرشاشات
وفي النظام القديم بالكربياتير.
كدة أنت أتظبت ولا لسة عايز تانى :)
زي ما قال الاخ نادر .... انما انا احب اضيف بقي .....
فيه انواع حقن الكتروني مافهاش اسبراتير و فيها موبينه بعدد البوجيهات .... يعني ممكن تفتح كبوت العربيه ماتلاقيش اسبراتير .. انما تلاقي موبينه كبيره كده لونها اسود و طالع منها 4 سلوك كل بوجيه رايحله سلك منها ..
الانجكشن عامه فيه منه انواع كتيره جداً و مصنعين كتيره جداُ .. و فيه منه انجكشن قديم يتحكم في اللبنزين فقط (الرشاشات بس) .. و فيه منه بيتحكم في الرشاشات و في الشعله (البوجيه) ... فيه منه انواع اسمها ستاند الون ز ده كمبيوتر يعاد برمجته زي ما انت عاوز .. و انواع كتييير تانيه ....
طب المرسيدس موديل 1974 ممكن تعديلها الي نظام الاسبريتيرالالكتروني ام لا؟
من حيث الفكرة ممكن.
هتحتاح اسبيراتير وكابلات جداد
وممكن كمان تحتاج موبينة جديدة.
بس الاهم انك تعرف توفق عليها اسبيراتير
من موديل احدث مثلاً.
بسم الله الرحمن الرحيم أتمنى من الجميع على الاجابه على حسب السؤال والراجل بيسأل هل في عربيات مفيهاش اسبراتير الاجابه نعم سيارات الحقن الالكتروني الحديثه يتم أخذ وقت او ميعاد الشراراه من الكنترول مباشرة