بداية الحكايه : بعد صيانة الالف في مركز السبع قولت اطلع على بنزينه اغسل العربيه من تحت و الصالون و صعقت بالمنظر ده
(الفتيس جايب زيت) ايوه عربيه عامله الف كيلو و لسا ممشيتش و الفتيس جايب زيب و متخبطتش من تحت
المهم روحت توكيل السبع لمهندس (دون ذكر اسماء) قالي يا بيه هانشوف و رفع العربيه اودامي قالي فين الزيت قولتله انا لسه غاسل العربيه امبارح بليل و فجأه و احنا واقفين رشح الفتيس نقطتين زيت و هي على الكوريك و قولتلهم اهو ده ايه قالولي زيت فما كان من المهندس اياه الا ان قال للفني ربط على داير الفتيس وسابني و مشي و مهندس الاستقبال قالي تابع و لو نزلت زيت تاني تعالى قولتله اتابع هو انا ميكانيكي
المهم عملت شكوى في نيسان 16244
و ردو عليا في نفس اليوم و مديرة توكيل السبع قالتلي تعالى و هوصلك لمدير الصيانه المهم روحت و رفع العربيه المهندس المحترم محمد عبد المنعم و قالي فعلا جايبه زيت مع ان كمية الزيت كانت اقل من اليوم الي قابله و بدون كلام قالي هانفك الفتيس و هاتخدها بكره قولتله ماشي
المفاجاه قالي استنى اتوبيس التوكيل يوصلك البيت و قبل ما الاتوبيس يجيي لقيتهم فكوا الفتيس قولت لمهندس عبد المنعم استنى قالي اوكيه هاتخدها انهارده
مفيش ساعه و لقيتهم مخلصين و مهندس محمد عبد المنعم قالي تعالى نجرب و نرفع بعد كده
مشي معايا 60 كيلو من المعادي للتجمع و راجع تاني و رفع ملقيناش زيت
و ركبلي فلتر التكيف المجاني و مخدوش 1 ميلم قولتله مش مفيش فاتوره قالولي روح بيتكم مع ابتسامه جميله
انا بوجه الشكر
لمديرو مركز السبع و بالذات
مدير الصيانه المهندس / محمد عبد المنعم و الاسطى مصطفى الي لما فكوا الفتيس رجعوه احسن من المصنع نفسه و مبنش انه اتفك اصلا
انا لا اشكر مصنع تجميع الفتيسات بتاع نيسان عشان ده عيب صناعه كان المفروض يتبص عليه
و لكن اشكر نيسان و اهتمامها بعملائها.
