elentra new shape report

**M.Akef** · 23-06-2011 10:55 AM

السلام عليكم و رحمه الله و بركاته

من 4 ايام و انا مروح شفت عروسه هيونداي منوره في المعارض قلت دي الانترا ولا هيدحكو علينا و تطلع اكسنت هي كمان اممممممممم احنا شهر كام شهر 6 يبقا مش هي و روحت(علي اساس هتنزل في 8)
بعد كام يوم لحظت انها منتشره جدا في المعارض و كلها لون واحد و ركزت شويه و سالت قالو الانترا
خلصت اخر امتحان في كليه الحروق

و خلصت كام مشوار و عملت جامب علي معرض منصوره كار و كان في سابق اتفاق من اليوم الي قبله

وبدئيا العربيه شكلها شيك جدا و كل الشغل الي فيها جميل و شكلها متناسق جدا علي بعضه جوه و بره
الموجود دلوقتي هو اللون الابيض فقد و مش الكمله يعني المتاحه
1 اير باج
تكييف تاتش
مفيش abs
جنط16 علي حد نظري(بس شيك الحقيقه)
اشاره في المرايات
فوانيس شبوره
اما الكمله لسه منزلتشي و هتكون فيها فرش جلد و abs و اكيد 2 ايرباج

اسبكم مع الصور و يارب تعجبكم

يرجي عدم الرد قبل الانتهاء من الموضوع

**M.Akef** · 23-06-2011 11:35 AM

العربيه من جوه جميله و الخامات جميله و نفس خامه و شكل الجلد الي مستخدمه في السيراتو 2010 موجوده فيها و عداداتها واضحه(وزدوها ل240

) و شكلها شيك و العربيه وسعه و الطبلو سهل الوصول لاي حاجه فيه و لون الفرش قريب جدا من الفنتزيا و اظن دي اول مره ينزل اللون ده من هيونداي

باقي الصور من الداخل

معلشي مركز شويه علي الفتيس اصله بيفكرني بحببتي

مش عارف هو الناس دي مش عمله ريد زون ولا انا الي مش مركز ولا بينور لما بدور!!

يرجي عدم الرد قبل الانتهاء من اكمال الموضوع

**M.Akef** · 23-06-2011 11:36 AM

ولصلنا للفقره الاخيره و هي فقره الرعب فقره الGTI مع اني حاسس انهم بيشتغلونا كان زمنهم بصمنها علي الكوبوت مش الموتور بس!!

البطريه ورا فكرتني بمواتير متسوبيشي الgti كانت ورا باردو و كان دواسه البنزين كهرباء مش وير

دي الشنطه يا جماعه محدش يقول اني بدحك عليكم و جايب صور سوده مصورها في الدلاب ولله كنت عامل الفلاش اون

في النهايه اتمني ان ينال الموضوع اعجابكم مع اني عارف اني مصور فاشل

تقييمي للسياره سعر مقابل قيمه 10/7.5
تقييمي لسياره فقد 10/9 (لم تتم التجربه بعد طبعا دا رئي مبدئي)
السياره في معرض منصوره كار 140 الف و غير متاح حتي الان الا هذه الفئه و هذا اللون فقد
تقبلو تحياتي
وشكرا

**SAMEHNOSHI** · 23-06-2011 01:03 PM

شكرا يا باشا على الصور الجميلة و اللى بصراحة بتوضح كل حاجة فى العربية, و بصراحة العربية حلوة بس الاوبشن قليلة قوى قوى على السعر ده و كدة السيراتو صفقة افضل بكتير من ناحية السعر و الاوبشن.
انا عايز اروح اشوفها على الطبيعة, من فضلك فين منصور كار؟

**M.Akef** · 23-06-2011 01:08 PM

المشاركة الأصلية كتبت بواسطة samehnoshi

شكرا يا باشا على الصور الجميلة و اللى بصراحة بتوضح كل حاجة فى العربية, و بصراحة العربية حلوة بس الاوبشن قليلة قوى قوى على السعر ده و كدة السيراتو صفقة افضل بكتير من ناحية السعر و الاوبشن.

متفق معاك طبعا يا باشا لكن دا الحال ديما في اغلب الاشكال الجديده بتشد جامد و بعدين تهدي(بس يارب تهدي)
تحت امرك يا باشا و ياريب يكون عجبك التقرير

**dr_radioooooo** · 23-06-2011 01:14 PM

السعر عالى اوى دا انا ازود شوية و اجيب اوكتافيا او كورولا
او حتى اجيب فلونس او مازدا 3
اعتقد اللى هيشتريها هيشتريها عشان شكلها

**M.Akef** · 23-06-2011 01:23 PM

المشاركة الأصلية كتبت بواسطة dr_radioooooo

السعر عالى اوى دا انا ازود شوية و اجيب اوكتافيا او كورولا
او حتى اجيب فلونس او مازدا 3
اعتقد اللى هيشتريها هيشتريها عشان شكلها

دي كمان يا باشا مش الكمله يعني الكمله هتعدي ال150!!
بس مع السعر ده العربيه بتتباع بسرعه بردو

**hanyemad123** · 23-06-2011 01:56 PM

هو الموتور dohc مش cvvt زى القديمه ؟؟؟؟؟؟؟

هو مش ال dohc هو اللى راكب فى الماتكيرس و الفيرنا المصرى

و ال cvvt هو اللى راكب فى ال نيو اكسنت و ال ار بى

ايه الحكايه

**M.Akef** · 23-06-2011 02:23 PM

المشاركة الأصلية كتبت بواسطة hanyemad123

هو الموتور dohc مش cvvt زى القديمه ؟؟؟؟؟؟؟

هو مش ال dohc هو اللى راكب فى الماتكيرس و الفيرنا المصرى

و ال cvvt هو اللى راكب فى ال نيو اكسنت و ال ار بى

ايه الحكايه

اممممممم
هو ممكن يكون dohc و cvvt علي حد نظري لان غريبه اوي انهم يشيلو الcvvt منه!!
هو الحل اننا نوصل لكود الموتور بس ازاي الله اعلم!!
ممكن يكونو نزلو الموتور القديم في النيو اكسنت مع بعض التعديلات طبعا
و ده dohc بس لكن عمري ما شفت موتور dohc 140 حصان الحقيقه

**hanyemad123** · 23-06-2011 02:41 PM

المشاركة الأصلية كتبت بواسطة medoakef

اممممممم

هو ممكن يكون dohc و cvvt علي حد نظري لان غريبه اوي انهم يشيلو الcvvt منه!!
هو الحل اننا نوصل لكود الموتور بس ازاي الله اعلم!!
ممكن يكونو نزلو الموتور القديم في النيو اكسنت مع بعض التعديلات طبعا

و ده dohc بس لكن عمري ما شفت موتور dohc 140 حصان الحقيقه

الموثور اللى نازل فيها مش 140 حصان ال 140 ده ال gti تقريبا

الواحد علشان يعرف ده لازم يسأل جوه الوكيل نفسه انا كنت قرات هنا فى المنتدى ان الموتور اللى حتنزل بيه فى مصر حيبقى غير الموتور اللى نازل بره علشان الجديد عايز بنزين 95

الموضوع: elentra new shape report

LinkBack

أدوات الموضوع

عرض

elentra new shape report - انشر الموضوع فى :

-

-

-

-

-

-

-

المواضيع المتشابهه

Honda civic 2nd generation report

M11 67000KM Report

Report on LBC news about car prices in Egypt

15 فرق بين الماتريكس الـold shape و الـnew shape

Lancer Sport Old Shape or Lancer Automatic GLS new shape

الكلمات الدلالية لهذا الموضوع

المفضلات

المفضلات

ضوابط المشاركة