السلام عليكم و رحمة الله و بركاته
أنا كان عندى مشوار فى العنوان ده (38 شارع محى الدين أبو العز - الدقى) و كنت بفكر أروح مواصلات بدل ماسوق رايح جاى, أنا ان شاء الله هركب المترو من عند المؤسسة, من أول الخط, بس كنت عاوز أعرف, هى أقرب محطة مترو للعنوان ده تبقى محطة الدقى و لا البحوث و لا ايه ؟؟؟
و سؤال تانى بعد اذنكم, أقرب محطة مترو لموقف عبود -عشان و أنا راجع بأه- ايه؟؟؟
شكرا و جزاكم الله كل خير.
البحوث هي أقرب محطة لمحي الدين أبو العز
البحوث أقرب لمحيى الدين .. و المظلات أقرب لعبود .. و تطلع من المظلات و تركب ميكروباص ب نص جنية يوديك عبود .. و ممكن تمشيها فى عشر دقايق.
أقرب محطة لموقف عبود محطة كلية الزراعة هتخرج منها وتمشى 3 دقائق
البحوث
السلام عليكم و رحمة الله و بركاته
ألف شكر ليكم يا رجالة و ربنا يبارك فيكم و جزاكم الله كل خير.
إجابة خاطئة :grin54: الصح محطة المظلات اقرب لموقف عبوداقتباس:
المشاركة الأصلية كتبت بواسطة m3_dolphen
وأقرب محطة لعنوان محي الدين أبو العز البحوث بس هتتمشى بتاع 400-500 متر عشان توصل لرقم 38
اقتباس:
المشاركة الأصلية كتبت بواسطة أبومعاذ
ازاى ؟ من المظلات لعبود فى طريقين واحد جنب ترعة الاسماعيلية والتانى الشارع اللى يوديك الى نفق عبود وشمال موقف عبود ومن هنا او هنا حوالى 2 كيلو متر
اما من كلية الزراعة المسافة حوالى 500 متر امتداد شارع احمد حلمى
بالرجوع لجوجل إيرث للتأكد لقيت إن المسافة من كلية الزراعة لعبود عن طريق امتداد احمد حلمي = 1.27كم ومن المظلات لعبود عن طريق الكورنيش =1كم فقطاقتباس:
المشاركة الأصلية كتبت بواسطة m3_dolphen
تقبل احترامي و مودتي
جزاك الله خيرا أبو معاذ بس اعمل حساب انك مش هتمشى فى خط مستقيم