الموضوع: شغل عفشه وتغيير قربة مياه بالاسعار واستفسار بخصوص نقص المياه.

كان يامكان عربيتي بترزع مع كل دوسة فرامل وكل مطب وكل حفره وبتعمل اصوات غريبه المهم كلمنا طناني باشا عمل الصح ودلنا على مصطفى الباشا العفشجي بتاع شارع المدبح البحر الاعظم التفاصيل:
1- بليات البطاحه2*80
2-طقم جلب مقصات 140
3-بارات دريكسيون داخلي جي ام 2*100
4- قربه مياه تركي 150
المهم طلعت على مصطفى وعملنا العفشه وطلعت على تيمور الميكانيكي عنده 20سنه بس مايسترو كان ماسك الميكانيكا عند صبري بتاع امبابه ولاقيت عنده 4 عربيات اوبل واقفين 2 فيكترا و 1 كورسا وواحده استرا بس اصحابهم مكانوش موجودين وكعادة الصنايعيه طول مانت واقف على ايده هيخلصك بس لازم تحسسه انك واثق فيه طبعا سيكولوجيه معينه الحمد لله بعرف اتعامل بيها غيرت القربه وزودنا مياه حمرا بتاعت مصر للبترول
ام 25 جنيه ملاقتش موبيل غير ازايز وكنت مجنت

مصطفى خد 60 جنيه لانه اشتغل في العربيه 3 ساعات والله من 8.20 ل 11.20 والحمد لله العربيه بقت جميله ومبتعيطش في الشوارع بتاعتنا وتيمور خد 15 جنيه وعملت كفر ب10 جنيه كده لزق عاطاره يعني مش بطال
اسود مط وقصيت مكان العلامه والاير باجز والعمليه بقت فل في النعل الحمد لله.



الاستفسار بقى جركن المياه 5 لتر والقربه خديت بتاع 2.5 لتر وعقبال ماروحت كان منسوب المياه قل زودت لحد العلام وهقولكوا لو نقصت تاني سألت واحد صاحبي قالي عادي لسه الردرياتير مخدش حقه مش عارف بقى ياريت تساعدوني.


اه نسيت اقولكم حاجه ممكن تكون مهمه البزبوز بتاع الكوعه اتكسر مني اول امبارح الساعه 12 بليل كنت في روض الفرج والقربه القديمه كانت منفسه من كذا حته وكنت لاحمها بالمادتين يعني كانت بايشه من كذا حته المهم ركنت وسألت على ميكانيكي ربك سترها معايا وبعد 50 متر تقريبا وقعت في تيمور ده سبحان الله ولا اعرفه ولا يعرفني وعمل معايا خدمه جامده قالي نخرط بزبوز حديد طبعا مفيش خراط فاتح دلوقتي دول باشوات المهم قالي في واحد بتاع استيراد اسمه سعيد اوبل في امبابه بيسهر خدنا توك توك وطلعنا على امبابه بس لازم تروحله بشبشب عشان ميطمعش فيك وتكلمه بالغه بتاعتهم خدت الكوعه بالبزبوز بالثرموستات بحته تانيه زياده كده ب20 جنيه وسألته على غطى التنك قالي ب130 اول كلمه من بقه واسعاره والله جامده

المهم انا معايا كوعه باثرموستات اللي عايزها يقولي استرا 2005 .

والحمد لله على كل شيء وياريت تردوا على الاستفسار.

مبروك يا باشا وسعر الكوعه ده حلو قوى