يا ريت من فضلكم حد يقولى الطريق من مدينة 6 اكتوبر حتى مدينة بورسعيد ازاى ولكم جزيل الشكر
عرض للطباعة
يا ريت من فضلكم حد يقولى الطريق من مدينة 6 اكتوبر حتى مدينة بورسعيد ازاى ولكم جزيل الشكر
لو هتطلع من ناحية الشيخ زايد تاخد المحور و منه على الدائرى فى اتجاه شبرا و تمشى لحد ما تعدى من نفق السلام تلف يوترن و ترجع من فوق النفق يمين على طريق اسماعيليه الصحراوى ... تفضل فيه و تطلع كل الكبارى (2 عند العاشر و 2 عند اسماعيليه) بعد الكبارى اللى عند اسماعيليه هتلاقى يفط طريق بورسعيد شمال ... تاخده و طوالى على بورسعيد
لو هتطلع من ناحية طريق الواحات ممكن تاخد الدائرى من اوله و ساعتها يا تكمل فيه لاتجاه شبرا و تكمل زى فوق ... يا تاخد وصلة المريوطيه للدائرى بتاع المعادى و تفضل عليه (و تنزل كل الانفاق) ... بعد JW mariot هتعدى من فوق طريق السويس و بعديه ب 8-10 كيلو طريق الاسماعيليه الصحراوى يمين و تكمل زى فوق ...
انا لو مكانك هطلع من ناحية دائرى المعادى
توصل بالسلامه
امشى المحور و اطلع الدائرى و امشى عطول لغايه متوصل لنفق السلام ادخل فيه متمشيش كتييير متكمل فى الدائرى يعنى هتلاقى فاتحه صغيرة يمين بترجعك فوق النفق تانى ادخل فيها يوتيرن و اطلع من فوق النفق و ادخل يمين على طول هتلاقى نفسك فى جسر السويس و طيق مصر اسماعليه الصحراوى هيقابلك كوبرى تقاطع الاسماعليه الزقازيق عديه و التقاطع الى بعديه متعدهوش هتلاقى لفه شمال ادخل فيها و بعدين اول لفه يمين ده طريق الاسماعليه بورسعيد امشى على طول لغايه كوبرى القردان و كمل على طول مع الطريق اسماعليه بورسعيد طوااااالى هتلاقى نفسك فى بورسعيد و توصل بالسلامه
يا رب اكون افدتك و يكون الوصف مش معقد و توصل بالسلامه الطريق هياخد منك ساعتين و شويه كده
الف شكر ليكم يا جماعة على ذوقكم واهتمامكم