العربية بتحدف يمين ومش عارف ايه المشكلة..حد يفيدني

السلام عليكم يا شباب
عندي العربية من ساعة ما جبتها وهي بتحدف يمين بسيط
أي بتاع زوايا يبص علي العفشة عندي يقولي دي عفشة زيرو
زبطت زوايا كذا مرة ومن كام يوم عملت تدويرالكاوتش ومفيش فايدة وعملت تغيير اليمين مكان الشمال ومفيش فايدة
ورحت النهاردة لبريدجستون عباس العقاد وكشف عليها قالي الزوايا تمام ومفيش فيها مشكلة
عندي دلوقتي وانا ماشي والدركسيون عدل اسيبه علي طريق مستقيم الاقي الدركسيون بيتحرك سنة يمين تحرك بطئ ويثبت وطبعا العربية بتحدف
الراجل اللي في بريدجستون قالي ممكن تكون حاجة في البطاحات او علبة الدركسيون بيخلي الدركسيون "يركن" علي حسب لفظه...رأيكم ايه
أخر حاجة .. كنت مرة خبطت بالعجلة الشمال في رصيف وانا بلف من قدام المريلاند الصينية الغبية دي لما عربية سايقاها واحدة ست حدفت عليا عشان تلف نفس الصينية في الاتجاه الاخر
الجنط اتني بسيط والكاوتش اتقطع مع اني مكنتش بسرعة خالص..كنت بس بلف الصينية من وقوف
طبعا غيرت الجنط والكاوتش بالاستبن

يا جماعة المشكلة محيراني مفيش حد يعرف اي حاجة

ممكن تكون العجلة اللى اتخبطت رحلت 2 او 3 ملى
ودى عاوزة زرجينة وبتتعمل عند واحد بتاع وزوايا بس يكون لعييب
انا اعرف فى الهرم لكن فى مصر الجديدة معرفش حد بصراحة

وعلشان لو حبيت تروح فى 2
الاول
نزلة الدائرى فيصل ( المريوطية) وانت رايح على اكتوبر - تنزل وتاخد يوترن وترجع تلاقية على اليمين واسمة مركز علاء الدين
الثانى
فى الطالبية فيصل ( طريق كفر طهرمس ) خلف حى الهرم اسال على ورشة الاوبل

اقتباس:

---

المشاركة الأصلية كتبت بواسطة elpasha1

ممكن تكون العجلة اللى اتخبطت رحلت 2 او 3 ملى
ودى عاوزة زرجينة وبتتعمل عند واحد بتاع وزوايا بس يكون لعييب
انا اعرف فى الهرم لكن فى مصر الجديدة معرفش حد بصراحة

---

مش المفروض دي تبان في الزوايا
انا رحت لاتنين بتوع زوايا وكله بيقول العفشة تمام وحكيت للراجل بتاع بريدجستون قالي مفيش حاجة في العفشة وقالي بس ابص علي البطاحات وعلبة الدركسيون في التوكيل بس انا خلاص بطلت اروح التوكيل فعايز اعرف قبل ما اعمل اي حاجة

بص يا باشا انا حصل معايا حاجة زى كدة
كنت اشتريت كيا سيفيا وكانت فيها حدفة يمين برضة ومكنتش عارف من اية
العفشجى قال تمام العفشة مفيهاش حاجة
رحت لاكثر من 10 بتوح زوايا والمشوار دا استمر حوالى شهرين كل واحد اروح له يقولى مفيهاش حاجة واحكيلة يقولى طيب بدل العجلتين اللى قدام وشوف ... طيب اعمل الكاوتش كروس
وفى الاخر واحد صحبى دلنى على علاء الدين ورحت عندة
قالى العربية واخدة خابطة فى القنطرة والعجلة مرححلة 1.5 سم
طيب اية الوضع قال لى هعمل زرجينة وهتبقى تمام وبفضل الله رجعت زى الفل

يا اما تروح اى توكيل تكشف على العربية وبالمرة يبقى كشف كامل وهما هيقولولك هى فيها اية وليك الحرية انك تعملها عندهم او تعملها برة
ملحوظة : الكشف الشامل على العربية بيتكلف حوالى 120 جنية

اقتباس:

---

المشاركة الأصلية كتبت بواسطة elpasha1

بص يا باشا انا حصل معايا حاجة زى كدة
كنت اشتريت كيا سيفيا وكانت فيها حدفة يمين برضة ومكنتش عارف من اية
العفشجى قال تمام العفشة مفيهاش حاجة
رحت لاكثر من 10 بتوح زوايا والمشوار دا استمر حوالى شهرين كل واحد اروح له يقولى مفيهاش حاجة واحكيلة يقولى طيب بدل العجلتين اللى قدام وشوف ... طيب اعمل الكاوتش كروس
وفى الاخر واحد صحبى دلنى على علاء الدين ورحت عندة
قالى العربية واخدة خابطة فى القنطرة والعجلة مرححلة 1.5 سم
طيب اية الوضع قال لى هعمل زرجينة وهتبقى تمام وبفضل الله رجعت زى الفل

يا اما تروح اى توكيل تكشف على العربية وبالمرة يبقى كشف كامل وهما هيقولولك هى فيها اية وليك الحرية انك تعملها عندهم او تعملها برة
ملحوظة : الكشف الشامل على العربية بيتكلف حوالى 120 جنية

---

موضوع التوكيل ده انا مستبعده شوية عشان انا رحتلهم من ساعة ما جبت العربية لانها من يوم ما جبتها وهي كده...ورحت التوكيل ظبطوا زوايا مرتين واشتكيت ان فيه حدفة وفي الاخر مهندس الاستقبال يقولي كل اللانوس كده فيها حدفة...طبعا كلام فاضي
هروح لحد بتاع زوايا تاني واشوف موضوع الزرجينة ده بس انا مش واخد خبطة في القنطرة
و اعتقد الحكاية دي بتبان بقياس فرق العجلتين عن الرفرف فوق الدلايات كده واعتقد معنديش الحكاية دي..........مش بتاع الزوايا عرف عندك من خبطة القنطرة وقاس بصوابعه جنب بعض بين العجلة والرفرف من ورا العجلة...صح كده ولا حاجة تانية
بس هروح لحد يبصلي عليها تاني

علي فكرة انا عندي الياريس فيها خبطة القنطرة دي والعجلة فعلا مرحلة ومش بتعمل نفس الحدفة الا بسيط اوي

اقتباس:

---

المشاركة الأصلية كتبت بواسطة elpasha1

ممكن تكون العجلة اللى اتخبطت رحلت 2 او 3 ملى
ودى عاوزة زرجينة وبتتعمل عند واحد بتاع وزوايا بس يكون لعييب

---

ده رأيي بردوا

الموضوع دة مدوخنى برضة واحد يقولك تدخل 3 مم و دفعت 60جنية و مفيش فيدة التانى قلى تطلع برة 1.5 مم و دفعت 90 جنية قلتلة لية ما أحنا لسة مدخلنها 3 مم ب 60 جنية قلى اصل الطلوع اصعب و بياخد شغل اكتر يا مهندذا و كلها اشتغالات.
و فى الأخر الناس بتوع بريدج استون فى اسكندرية قلوا انها 0.25 درجة و مفيش حد بتاع عفشة هيعرف يجبها.

بص برده على ركب المساعد عشان عملتها معايا قبل كده و غيرت جنب كامل :] :]

يا باشا روح لبتاع زوايا نظيف وهوا يعرف العيب فوراً ومركز علاء الدين ممتاز بس اوعي تخليه يشدلك زرجينة لانها بتبوظ المساعد الزرجينة يعملهالك سمكري وليس بتاع الزوايا لان بتاع الزوايا بيعوض الفرق من قاعدة المساعد اما السمكري بيعوض الفرق من جسم السيارة

ومركز علاء الدين كان بوظلي مساعد قبل كده بسبب الزرجينة (( عوج المساعد ))

عندي نفس المشكله

اقتباس:

---

المشاركة الأصلية كتبت بواسطة elpasha1

وعلشان لو حبيت تروح فى 2
الاول
نزلة الدائرى فيصل ( المريوطية) وانت رايح على اكتوبر - تنزل وتاخد يوترن وترجع تلاقية على اليمين واسمة مركز علاء الدين
الثانى
فى الطالبية فيصل ( طريق كفر طهرمس ) خلف حى الهرم اسال على ورشة الاوبل

---

هو علاء الدين دا كويس لان ناس تقول عليه ممتاز وناس تقول عليه تعبان ومش عارف ايه الصح

المقص اتلوح

Sent from my samsung GT-I9152 using Forum Runner

انا هقول على واحد لاعيب ومحترف زوايا اتعاملت معة استاذ فى عربية اكسنت كانت معى وملحوم فردتين الشاسية زبطها صح
مكانة
عارف مسجد النور فى العباسية على الصف التانى فية بنزينة هو قدامها

ده عيب في مشط علبة الدركسيون
ليه بقى ؟

واحد صاحبي زماااااان اشترى كيا سبكترا عالزيرو موديل 2001 و من ساعة ما استلمها و هي بتحدف يمين يروح التوكيل يقعدوا يفسحوا فيه مره ظبط زوايا و مره أصل الكاوتش نسر و احنا ملتزمين بنسبة منتج محلي و اي كلام فاضي مش معقول

المهم رحنا ظبطنا الزوايا في بنزينه في الهرم أول ما الضمان خلص و طلعنا نجرب نفس الحدفه رجعنا تاني البنزينه العامل حطها عالجهاز و قال الزوايا مظبوطه و ثانيه واحده انده مهندس البنزينه

جه المهندس بص في الشاشه في ثانيه و سألنا أيه المشكله حكيناله قال ده عيب علبة الدركسيون و تعالو اوريكو بنفسكم

ركبنا معاه جه في حته واسعه جدا و وقف و كسر العجل شمال عالأخر و جاب الفتيس على d و داس بنزين جامد وهو سايب الدركسيون العربيه أثناء الدوران الدركسيون رجع لوحد للنص بسرعه و العربيه مشيت في خط مستقيم

كرر نفس الخطوه لكن المرا دي كسر يمين عالأخر الدركسيون رد ببطء جدا بعد العربيه ما لفت مرتين او تلاته

و كلام المهندس ان في مشكله في مشط علبة الدركسيون و التوكيل هايعد يفسح فيكم لحين انتهاء الضمان و بعدين يقولك ده عيب علبه لكن انا ممكن اديكم تقرير مختوم من المحطه تغير بيه العلبه في التوكيل و قاوح معاهم لكن للأسف الضمان كان خلص

لكن لو عيب بطاحات هايقلب العجل و لو محتاجه زرجينه برضه هايقلب العجل و في كلتا الحالتين هايبان على جهاز الزوايا

و الله أعلم

متابع

اعتقد ان العيب مش نتيجة الخبطة لان الخبطة انت قلت انها فى العجلة الشمال وبالتالى تخلي العجلة ترجع لورا والعربية تحدف شمال مش يمين ......... لان العجلة اليمين حتبقا سابقة الشمال