رسالة لوزير الداخلية :أرحمنا من استهتار سائق النقل على الدائري

السيد المحترم اللواء منصور العيسوي وزير الداخلية المصري
السلام عليكم ورحمه الله
أناشد سيادتكم باسمي وباسم 20 مليون مصري من سكان القاهرة والجيزة والقليوبية
من مستخدمي الطريق الدائري حول القاهرة الكبرى يوميا
بالحد من الاستهتار والرعونة البالغة التي اصابت سائقي النقل والتريلات
حيث انه في فترة ما بعد الثورة ومع انخفاض اعداد قوات الشرطة
زاد حجم الحوادث يوميا بشكل مرعب
بطريقة لن تتخيلها الا لو رايتها سيادتكم
والعامل المشترك الرئيسي فيها هو سيارات النقل الثقيلة سواء تريلا او مقطورة
واصبحنا يوميا في نايل موتورز نكتب عنها لدرجة اصابت قرائنا بالملل
ولكنه نزيف الاسفلت
خاصة في المنطقة الواقعة من بعد التجمع الخامس الى مدخل المعادي
امام ابراج سما المعادي
حيث يوجد عامل مشترك في هذة المنطقة بكثرة الحوادث بشدة وعنف واصبحت يومية
مخالفات النقل اصبحت صريحة وخطيرة بشدة
وهي ليست مثل مخالفات السيارت الملاكي من عدم ربط حزام او فامية
وانما مخالفات من عينة حمولات زائدة جدا لدرجة لا يستطيع معها السائق التحكم في العربة
او تحميل اطوال وبروز كما يحدث في حمولات الاخشاب
او تحميل مواد خطرة دون اي التزام باي عوامل امان
رايت بأم عيني كراتين بها سيراميك تتساقط بسبب مطب من على سيارة لانها ليست مربوطة وسببت كارثة لمن خلفها ونجوت باعجوبة بفضل الله
اناشدك كابن وكمواطن له حقوق ادمية في هذة الدولة باعادة انتشار الاكمنة واللجان مرة اخرى خاصة للتفتيش على السيارت النقل ومراجعة الحمولات وتعاطي المخدرات لسائقيها لانهم يقودونها برعونة شديدة جدا
واليك صورة لحادث واحد امس لتتخيل شكل السيارات وحمولاتها وما تسببه من كوارث
وللعلم سيارة منهم تانك والسيارة الاخرى تحمل صفيح واصدمو بعضها ببعض في نفس المكان قبل ابراج سما المعادي في اتجاه الهرم
http://img32.imageshack.us/img32/371...0622180116.jpg
http://img848.imageshack.us/img848/1...0622180123.jpg
http://img146.imageshack.us/img146/2...0622180142.jpg

في انتظار تدخل حضرتك السريع والحازم
كريم منير
مدير موقع نايل موتورز

و أنا بضم صوتو لصوتك .. و علشان أنا سافر كل يوم .. بدون مبالغة أقل حاجة حادثة يوميا .. يا اما على الطريق الزراعى يا اما على الدائرى .. يا على المحور .. و كله راجع للاستهتار و شعور السائقين بعدم الرقابة.

بالأضافة لكمية كبيرة جدا من السيارات اللى بتسير عكس الاتجاه .. و كمية كبيرة جدا من الموتوسيكلات بدون لوحات.

نرجو فعلا زيادة عدد الأكمنة و الدوريات المرورية.

امبارح حادثة زى دى بالظبط بس عربية جامبو على دائرى المعادى قبل المريوطية بشوية والطريق واااااااااااااااااقف على الناحيتين وعربية الاسعاف كانت ورانا ومش عارفة توصلهم من الزحمة

يارب يسمع او حد يسمع ويقوللو

الغريبة إن العربيتين كان فيهم نقلة سيراميك رويال والاتنين اتقلبوا
بس واحدة عند سما والتانية عند مخرج المريوطية

متضامن معاكم

متضامن مع حضرتك

يا ريت
انا كنت علي الدائري امبارح و ربنا سترها معايا
متضامن معاك

باضم صوتى لصوتكم
النقل ماشى اقصى اليسار
سرعه من 90 وانت طالع
وماشى بيعمل غرز
او عربيتين نقل يقفلوا حارتين الطريق الشمال
واللى مش عاجبه يورينا نفسه لو نفخ فى اى عربيه هايطيرها
وكأن الطريق ده تبع دوله كينيا

والله الواحد تعب من كتر الحوادث مافيش مرة الواحد يرجع من الشغل الا لو فية حادثة الطريق كلة من الشغل للبيت ما يخدش اكتر من ربع ساعة امبارح مروح فى ساعة ونصف والنهاردة برضوا بصيت على السكة برضوا حادثة تانية عبارة عن عربية نقل شايلة سيراميك زى ما كريم ما قال ولا الامر كمان عربية نقل تانية جت جبها ووقفت علشان يفضوا الحمولة والناس مش مهم بقى
انا كمان بضم صوتى لكل الزملاء دة بقى طريق الرعب بجد

انا شوفت الحادثة دى امبارح امام توكيل bmw كنت فى التوكيل
بسبب الحادثة دى اخدت وقت من بنزينة وطنية الى عند المدافن الى التوكيل 1.45 ساعة
يعنى ساعتين الا ربع
كانت من 5 مساء الى سابعة الا ربع

وصوتى مع صوتك يا - أ كريم

اقتباس:

---

المشاركة الأصلية كتبت بواسطة محمد الجرجاوي

الغريبة إن العربيتين كان فيهم نقلة سيراميك رويال والاتنين اتقلبوا
بس واحدة عند سما والتانية عند مخرج المريوطية

---

بالفعل والسيراميك كان مبهدل الطريق والعربيات بتهدي عشان مايبهدلش الكاوتش

بضم صوتى لصوتك يا استاذ كريم وياريت السيد / وزير الداخلية او السيد مدير الادارة العامة للمرور يسمع نداء نايل موتورز احسن فعلا الدائرى بقا ماساة خاصة المنطقة دى فعلا انا يوميا بمر منها عشان شغلى فى مدينة نصر وبمناسبة السيراميك من اسبوع عربية كانت محملة طوب احمر ومع الاسف بدون غطاء او رباط واخدت مطب ادامى ونزل منها دفعة طوب محترمة ولولا ستر ربنا كان دمرنى وكمان عربيات الرملة على الدائرى منتهى الاستهتار بالغير .

انا ساكن عند كارفور المعادي وشوفت الحادثة دي ..
زي ما بشوف من 3-4 حوادث اسبوعيا في المنطقة دي ..
دا غير طبعا حوادث المشاة في المنطقة ما بين بينزينة وطنية وبنزينة الإمارات (اللي بعد كارفور المعادي في اتجاه المنيب) .. المنطقة دي بجد بيحصل فيها مش اقل من 10 حوادث اسبوعياً .. إذا ما رحش في أحد المشاة فالعربيات بيخبطو في بعض من الفرملة الفجائية لأن المشاة بيعدو المنطقة دي جري.. !!!!
انا نفسي نزلت من العربية وحاولت اعدي للناحية التانية علشان اشتري حاجة من الماركت اللي عند بنزية الإمارات اخدت حوالي 10 دقايق علشان اعدي الناحية التانية بس وقلت يا ريتني لفيت بالعربية من عند الاتوستراد ورجعت تاني افضل من اني اعدي الشارع دا مشي !!!

نفسنا في كبري مشاة في المنطة دي ونفسنا إعادة النظر في تخطيط الطريق بالإضافة إلى الرقابة المرورية على كل سيارات النقل بشكل عام علشان الموضوع كدا بقى مخيف .. ربنا يستر علينا وعليكو ..

بضم صوتى لاصحاب الموضوع مع انى مش بروح الدائرى الا نادرا ( ساعت ما اروح كارفور عن طريق مدينه نصر بس ) ومش بمشى كتير فيه لكنى بشوف مصايب من سواقين النقل واما اشوف نقل جاى مسرع بطريقه همجيه بعمل حاجه من اتنين .. اما انى اسرع جدا واشد انا كمان بحيث النقل ميجبنيش .. او بقف ناحيه اليمين وادى انتظار غايت ما الحيوان اللى سايق النقل يعدى بسرعته الهمجيه اللى ف معظم الاوقات بتعدى ال 100 كم ف ا لساعه !!

متضامن مع حضرتك طبعا

من اسوء الأشياء بعد الثورة ، اخلاق سواقين النقل والميكروباص إلي ظهرت علي حقيقتها
سوء ادب وسوء خلق إلي ابعد الحدود لآ يوجد لديهم وازع او رادع لا ديني ولا اخلاقي ولا ضميري
انا من مستخدمي الأتوستراد والدائري علشان شغلي في مدينة نصر
المشوار إلي كنت باخده في 35 دقيقة اصبح يومياً من ساعة وإلي ساعة ونصف
السواقين إلي كانوا قبل الثورة بياخدو اليمين ذي الجزم دلوقتي بيقفلوا اليمين والشمال ويولع إلي وراهم
بصراحة الواحد زهق وطهق من اخلاق الناس دي
واضح ان الثورة فجرت اسوء ما في الشعب المصري (الفرعنة) بس للأسف بتكون بين الناس وبعضهم

اسمحولي أشارككم الموضوع

بصفتي أحد الأشخاص أصحاب العلاقة مع السيارات النقل و نصف النقل و ده بسبب عملي في قطاع المحاجر و التعدين ..

السيارات النصف نقل ( الجامبو ) و دي عربيات حمولتها القانونية 4 طن و تتم عمليات تقوية و تعديل في الشاسيه و العفشة عشان تشيل من 10 الى 13 طن و يتم استخدامها في نقل الحجر البلك و الرمل و أحيانا الزلط و دائما ما يكون السائق صغير السن و لا يتعدى ال20 سنة ...

السيارات النقل الكبيرة ( الجرار و المقطورة ) و دي حمولتها 20 طن للجرار و 15 طن للمقطورة باجمالي حمولة 35 طن و بالمثل تتم عمل تعديلات في العفشة و الشاسيه لرفع الحمولة الى 50 طن للجرار و 30 طن للمقطورة باجمالي 80 طن و دي بتكون نسبية لاختلاف طبيعة الحمولة يعني مثلا لو محمل فوسفات أو رخام أو زلط أو طفلة ممكن توصل ل 120 طن لكن لو محمل حجر جيري هتكون 55 الى 60 طن .....
السيارات النقل ( التريللا ) بيتم عمل تعديل للعفشة و تحويلها من قرب الى سوست و تعديل شاسيه المقطورة لرفع الحمولة من 35 الى 75 طن متوسط حمولة ...

طيب ليه أصحاب السيارات بيعملوا كده ؟ مش برضه عمر العربية هيقل للنصف ؟

أولا : سعر شراء السيارة غالي جدا و يصل الى 1.3 مليون جنيه .
ثانيا : متوسط عدد الرحلات الممكن عملها في الأسبوع قليل .
رابعا : سعر الجاز غالي .
خامسا : سعر الزيت غالي .
سادسا : سعر الصيانة و قطع الغيار غالي جدا و كمثال سعر الكاوتش للجرار و المقطورة يصل الى 40 الف جنيه و احيانا ضعف الرقم ده على حسب نوع العربية و مقاس الكاوتش المطلوب .
سابعا : زمان كان كل كمين بيدفع فيه شاي و قهوة و غدا و عشا للباشا الظابط و طقم العصابة الموجود في كل كمين .
ثامنا : مشاكل العمالة من سائق و تباع .

طبعا أنا مش بحاول أبرر المخالفات دي لكن بحاول أضع وجهة نظر أصحاب السيارات النقل و ردودهم على المشاكل دي .

لازم نوجد حل مناسب قبل ما نطلب موقف ضد السيارات النقل , لأن السيارات النقل دي من أهم العوامل المؤثرة على أسعار السلع و الخدمات في السوق ( مثال سعر طن الرمل 15 جنيه في المحجر و سعر نقله الى القاهرة 55 جنيه ) ....

أطالب بحل مشاكل السيارات النقل الأول و بعد كده مش سحب رخصة السائق اللي يخالف لأ يتم منعه من العمل كسائق لمدة ستة شهور مثلا و بعد كده منعه من العمل تماما , و لو السيارة نفسها اللي مخالفة مصادرتها .............
بس ده بعد ما نحل مشاكل القطاع الخطير جدا و المؤثر جدا على أسعار السلع و الخدمات .

انا كنت في القاهره الأسبوع اللي فات كله وشفت موضوع العربيات النقل الصغير ولكبير اللي بيمشي بسرعه بس بصراحه ده مضايقنيش قد الملاكي بنسبة 90% ماشين يلوشو
مفيش اشارات يطلع من يوتيرن يدخل يمين علي طول
عايز يدخل شمال يفضل في اليمين عشان سالك وييجي قصاد الملف ويدخل
عكسي كل شويه

انا كتن رايح مصر الجديده وماشي ورا زميله ليا في الشغل عشان معرفش المكان وبغض النظر عن سواقتها لما وصلنا لقيتها مزهوله وبتقولي ايه كمية الأشارات دي هي كل حاجه عندك اشاراه
اخدت راي معظم الناس اللي كانو معانا في المشوار ده وكليه يقولي هو المفروض بس محدش بيعمله

يعني الناس كلها ماشيه غلط الفرق بس ان تاثيير الغلط ده بيبان قوي في العريبات النقل عشان حجمها

يوم الخميس ده كنت مروح واخدت من عند المنطقه الحره لحد اول الصحراوي اكتر من ساعتين عشان حادثه علي الداثري في الأتجاه التاني ومع ذلك الاتجاه اللي انا فيه واقف مش عارف ليه وعربيه تانيه نقل مقلوبه بين طلعة المحور والدائري

اقتباس:

---

المشاركة الأصلية كتبت بواسطة mazagangee

اسمحولي أشارككم الموضوع

بصفتي أحد الأشخاص أصحاب العلاقة مع السيارات النقل و نصف النقل و ده بسبب عملي في قطاع المحاجر و التعدين ..

السيارات النصف نقل ( الجامبو ) و دي عربيات حمولتها القانونية 4 طن و تتم عمليات تقوية و تعديل في الشاسيه و العفشة عشان تشيل من 10 الى 13 طن و يتم استخدامها في نقل الحجر البلك و الرمل و أحيانا الزلط و دائما ما يكون السائق صغير السن و لا يتعدى ال20 سنة ...

السيارات النقل الكبيرة ( الجرار و المقطورة ) و دي حمولتها 20 طن للجرار و 15 طن للمقطورة باجمالي حمولة 35 طن و بالمثل تتم عمل تعديلات في العفشة و الشاسيه لرفع الحمولة الى 50 طن للجرار و 30 طن للمقطورة باجمالي 80 طن و دي بتكون نسبية لاختلاف طبيعة الحمولة يعني مثلا لو محمل فوسفات أو رخام أو زلط أو طفلة ممكن توصل ل 120 طن لكن لو محمل حجر جيري هتكون 55 الى 60 طن .....
السيارات النقل ( التريللا ) بيتم عمل تعديل للعفشة و تحويلها من قرب الى سوست و تعديل شاسيه المقطورة لرفع الحمولة من 35 الى 75 طن متوسط حمولة ...

طيب ليه أصحاب السيارات بيعملوا كده ؟ مش برضه عمر العربية هيقل للنصف ؟

أولا : سعر شراء السيارة غالي جدا و يصل الى 1.3 مليون جنيه .
ثانيا : متوسط عدد الرحلات الممكن عملها في الأسبوع قليل .
رابعا : سعر الجاز غالي .
خامسا : سعر الزيت غالي .
سادسا : سعر الصيانة و قطع الغيار غالي جدا و كمثال سعر الكاوتش للجرار و المقطورة يصل الى 40 الف جنيه و احيانا ضعف الرقم ده على حسب نوع العربية و مقاس الكاوتش المطلوب .
سابعا : زمان كان كل كمين بيدفع فيه شاي و قهوة و غدا و عشا للباشا الظابط و طقم العصابة الموجود في كل كمين .
ثامنا : مشاكل العمالة من سائق و تباع .

طبعا أنا مش بحاول أبرر المخالفات دي لكن بحاول أضع وجهة نظر أصحاب السيارات النقل و ردودهم على المشاكل دي .

لازم نوجد حل مناسب قبل ما نطلب موقف ضد السيارات النقل , لأن السيارات النقل دي من أهم العوامل المؤثرة على أسعار السلع و الخدمات في السوق ( مثال سعر طن الرمل 15 جنيه في المحجر و سعر نقله الى القاهرة 55 جنيه ) ....

أطالب بحل مشاكل السيارات النقل الأول و بعد كده مش سحب رخصة السائق اللي يخالف لأ يتم منعه من العمل كسائق لمدة ستة شهور مثلا و بعد كده منعه من العمل تماما , و لو السيارة نفسها اللي مخالفة مصادرتها .............
بس ده بعد ما نحل مشاكل القطاع الخطير جدا و المؤثر جدا على أسعار السلع و الخدمات .

---

وحهة نظر تحترم و نحتاح حلول جذريه

رجاء لوزير الداخلية بالنظر الجاد للرسالة

ياباشا ريح اعصابك بجد احسن تتعب نفسيآ زي كده اوع تفتكر ان الثورة دي غيرت حاجة ولله عارف المثل الي بيقولك قلبة القدرة علي فمها طلعه لي نفس نظام حكومة نظيف هههههههههههه مافيش تغير ان لم يكن ايام حكومة نظيف كانت البلد امان انا حاسس انهما بيعقبونا علي الثورة ووزير الدخلية بيعاقب الشعب علي انه مشي حبيب العادلي ياباشا ده مافيش اي ظابط في الشارع بعد الساعة 12 متقولش هما معمول ليهم حظر تجوال ولا ايه وكل يوم نسمع عن عمليات سرقة بي الأكراه حاجة عجيبة بجد ومسمعناش عن دور الشرطة المرموق مع البلطجية هما دورهم مع المحترم يظبطوة لكن البلطجي بقو يخافة منه مش عارف الايه اتعكست ولا ايه ؟ هو لزم يعني تطلعة العفريت الي جوة البني ادم هو انتا عايزن ايه من مصر ومن شعبها عايزن نعرف الأجابة ؟ يعني الناس بتقسم القسم ان هما هيشتغلة في صالح الوطن ويحافظة علي اموال الوطن انتم بقا هتعملة ايه ؟

.................................................. .................................................. ............................
لقد خالفت القاعدة رقم (13) من قواعد المنتدى لذا يتوجب حصولك على عقوبه

يرجى مراجعة قواعد المنتدى
مشرف18ب
27Jun2011
12:10

اقتباس:

---

المشاركة الأصلية كتبت بواسطة ahmed76

باضم صوتى لصوتكم
النقل ماشى اقصى اليسار
سرعه من 90 وانت طالع
وماشى بيعمل غرز
او عربيتين نقل يقفلوا حارتين الطريق الشمال
واللى مش عاجبه يورينا نفسه لو نفخ فى اى عربيه هايطيرها
وكأن الطريق ده تبع دوله كينيا

---

و خصوصا على طريق مصر السويس

انا مشفق عليك من الى هيحصلك

رسالة لوزير الداخلية - ارحمنا و روح شوفلك تربة
انا بكل صراحة من قبل ما الراجل ده يتم تعيينه و انا قرأت انه شخصيته ضعيفة جدا
احنا محتاجين وزير داخلية نزية و قوي الشخصية عنده استعداد انه يقيل 25 الف ضابط شرطة فاسد في يوم واحد

اقتباس:

---

المشاركة الأصلية كتبت بواسطة mazagangee

اسمحولي أشارككم الموضوع

بصفتي أحد الأشخاص أصحاب العلاقة مع السيارات النقل و نصف النقل و ده بسبب عملي في قطاع المحاجر و التعدين ..

السيارات النصف نقل ( الجامبو ) و دي عربيات حمولتها القانونية 4 طن و تتم عمليات تقوية و تعديل في الشاسيه و العفشة عشان تشيل من 10 الى 13 طن و يتم استخدامها في نقل الحجر البلك و الرمل و أحيانا الزلط و دائما ما يكون السائق صغير السن و لا يتعدى ال20 سنة ...

السيارات النقل الكبيرة ( الجرار و المقطورة ) و دي حمولتها 20 طن للجرار و 15 طن للمقطورة باجمالي حمولة 35 طن و بالمثل تتم عمل تعديلات في العفشة و الشاسيه لرفع الحمولة الى 50 طن للجرار و 30 طن للمقطورة باجمالي 80 طن و دي بتكون نسبية لاختلاف طبيعة الحمولة يعني مثلا لو محمل فوسفات أو رخام أو زلط أو طفلة ممكن توصل ل 120 طن لكن لو محمل حجر جيري هتكون 55 الى 60 طن .....
السيارات النقل ( التريللا ) بيتم عمل تعديل للعفشة و تحويلها من قرب الى سوست و تعديل شاسيه المقطورة لرفع الحمولة من 35 الى 75 طن متوسط حمولة ...

طيب ليه أصحاب السيارات بيعملوا كده ؟ مش برضه عمر العربية هيقل للنصف ؟

أولا : سعر شراء السيارة غالي جدا و يصل الى 1.3 مليون جنيه .
ثانيا : متوسط عدد الرحلات الممكن عملها في الأسبوع قليل .
رابعا : سعر الجاز غالي .
خامسا : سعر الزيت غالي .
سادسا : سعر الصيانة و قطع الغيار غالي جدا و كمثال سعر الكاوتش للجرار و المقطورة يصل الى 40 الف جنيه و احيانا ضعف الرقم ده على حسب نوع العربية و مقاس الكاوتش المطلوب .
سابعا : زمان كان كل كمين بيدفع فيه شاي و قهوة و غدا و عشا للباشا الظابط و طقم العصابة الموجود في كل كمين .
ثامنا : مشاكل العمالة من سائق و تباع .

طبعا أنا مش بحاول أبرر المخالفات دي لكن بحاول أضع وجهة نظر أصحاب السيارات النقل و ردودهم على المشاكل دي .

لازم نوجد حل مناسب قبل ما نطلب موقف ضد السيارات النقل , لأن السيارات النقل دي من أهم العوامل المؤثرة على أسعار السلع و الخدمات في السوق ( مثال سعر طن الرمل 15 جنيه في المحجر و سعر نقله الى القاهرة 55 جنيه ) ....

أطالب بحل مشاكل السيارات النقل الأول و بعد كده مش سحب رخصة السائق اللي يخالف لأ يتم منعه من العمل كسائق لمدة ستة شهور مثلا و بعد كده منعه من العمل تماما , و لو السيارة نفسها اللي مخالفة مصادرتها .............
بس ده بعد ما نحل مشاكل القطاع الخطير جدا و المؤثر جدا على أسعار السلع و الخدمات .

---

مع كامل احترامى لكلام سيادك ومشاكل النقل بس كل ده لا يعطى اى مبرر او سبب للسرعة الرهيبة اللى بيمشوا بيه واللى مش ممكن ابدا يقدر يسيطر على العربية فى حالة اى مفاجئة او طارئ ا وكمان انتهاء اخلاقيات السواقة = ماشين يمين وشمال - ضغط وكبس على سيارة ماشية السرعة القانونية 90 شمال - المشى عكس الطريق....اصبح الطريق بدون امان بسبب تصرفات معظم هذه السيارات (لا يمكن التعميم بشكل اجمالى لسه فيه نسبة صغيرة جدا فاهمين سواقة ويعنى ايه احافظ على سيارتى وحمولتى وعلى ارواح وسيارات الناس التانية) وبعدين سيادك قلتها "متوسط عدد الرحلات الممكن عملها في الأسبوع قليل" يعنى هو بالجرى الأرعن ده حيعلى المتوسط ؟ طب ما هو ممكن يلبس حادثة تخلص العربية وينهى عدد الرحلات ولا التأمين بيقوم بالواجب وتيجى سيارة تانية بسرعة......مع تحياتى

تضامنى مع نداء و رسالة استاذ كريم

كنت في دولة الامارات افتكر وانا صغير في المدرسة كل سنة في حاجة اسمها اسبوع المرور يجولنا الظباط والعساكر المدرسة ويرونا صور حوادث و محاضرات توعية وهدايا و مسيرة لعدد مناسب من الكيلومترات حاملين يافطات عليها صور حوادث مروعة ده غير بيجيبو عربيات مثلا الي عاملة حادثة عندهم في الاسبوع ده ويحطوها على الميادين عشان الناس متنساش اثر السرعة والتهور
ودي حملات توعية بتادي نتايجها الناس دي دارسة علم نفس وعايزة تبقى حاجة اما هنا شاطرين بس شوفلي حد يساعدني في الرخصة عشان انا بعرف اسوق اتوماتيك ولا هو بيسوق اتوماتيك ولا حتى عجلة يارب تووووووووووب علينا

حاجة تقرف الواحد مش عارف هيلاقيها من ايه ولاايه المحور والدائرى ولا كوبرى اكتوبر ولا طريق النصر حاجة صعبة للغاية تلاقى نقل بيجرى وبيعمل غرز او واحد راكب عربية جديدة مثلا وبيعمل حركات اكشن بيها يقوم يلف الطارة غلط ويضرب فرامل وتلف العربية ويخبط فى سور النصب التذكارى ولا واحد بيعدى من ادام المنصة ضاربا عرض الحائط ويجازف ويعدى الطريق من وسط 12 ح حارة على طريق النصر وتقوم عربية شايلاه وطبعا صاحب العربية لاحول ولا قوة شوفتها بعينى وحصلت مع ناس زمايلى كتير او تبقى ماشى فى منطقة زحمة شوية تلاقة واحد او واحدة طالعة من ادام العربية مرة واحدة وتلاقى العيال راكبين عجل بيجرو مرة واحدة تلاقيهم ادامك متعرفش جم منين وتلاقى بقى الخناقة اشتغلت ومحاضر و محاكم حاجة استغفر الله العظيم مفيش وعى عن احترام الاشارة او فن وذوق القيادة او تعدية المشاه على الطريق وقانون غير مفعل بالمرة كلها ماشية بضهرها عايز اقولكم انا كرهت حاجة اسمها سواقة فى مصر اخى الكريم احنا لازم نكتب الشكوى ونبعتها للسيد الوزير والمجلس العسكرى ونعملها على التليفزيون والميديا علشان نعلم الشعب المصرى الف ب واصول احترام الاشارة ومرور المشاة

اقتباس:

---

المشاركة الأصلية كتبت بواسطة massoh

مع كامل احترامى لكلام سيادك ومشاكل النقل بس كل ده لا يعطى اى مبرر او سبب للسرعة الرهيبة اللى بيمشوا بيه واللى مش ممكن ابدا يقدر يسيطر على العربية فى حالة اى مفاجئة او طارئ ا وكمان انتهاء اخلاقيات السواقة = ماشين يمين وشمال - ضغط وكبس على سيارة ماشية السرعة القانونية 90 شمال - المشى عكس الطريق....اصبح الطريق بدون امان بسبب تصرفات معظم هذه السيارات (لا يمكن التعميم بشكل اجمالى لسه فيه نسبة صغيرة جدا فاهمين سواقة ويعنى ايه احافظ على سيارتى وحمولتى وعلى ارواح وسيارات الناس التانية) وبعدين سيادك قلتها "متوسط عدد الرحلات الممكن عملها في الأسبوع قليل" يعنى هو بالجرى الأرعن ده حيعلى المتوسط ؟ طب ما هو ممكن يلبس حادثة تخلص العربية وينهى عدد الرحلات ولا التأمين بيقوم بالواجب وتيجى سيارة تانية بسرعة......مع تحياتى

---

أنا مش بدافع عتهم .... بالعكس كتير منهم عايز قطع رقبته
بس انا بنقل مشاكلهم ليكم

صوتنا كلنا معاك لأن كلنا واحد وعايزين حاجه واحده

الأمان فى كل وقت

ربنا يعينك ويوصل صوتك لاهم المسؤولين بجد الاستهتار في كل مكان مش مكان محدد واحد

اضم صوتي لكم .
ومستعد كمان اعمل اي اجراء معاكم .