ممكن سؤال
لو الوصي هيبيع العربية مين هياخد الفلوس ؟
هنا البيع لتغيير العربية لموديل أحدث
عرض للطباعة
ممكن سؤال
لو الوصي هيبيع العربية مين هياخد الفلوس ؟
هنا البيع لتغيير العربية لموديل أحدث
انا تقريبا عندي نفس الظروف وبعت عربية 132 بتاعة والدي المتوفي وكان اخويا لسة قاصر
الاول شوف الوصي مين والورثة يعملوله توكيل ببيع العربية
ثانيا الوصي يروح للمجلس الحسبي ويقدم طلب علشان يبيع العربية والطلب دة بيدخل جلسة محكمة والقاضي يقول بيع وبعدين الوصي يروح يستلم قرار البيع من المجلس الحسبي اللي هيبعت الوصي للجنة هندسية علشان تقدر تمن العربية ( علي فكرة اللجنة الهندسية في القاهرة في مرور الدراسة ومبتاخدش هناك اكتر من نص ساعة, المهندس يعاين ويكتب سعرها المتوقع وتروح تمضي الورق من رئيس المرور) , بعد متخلص تقدير التمن تروح للمجلس الحسبي وتقدمله الورق دة
ثالثا بقي تروح تبيع وخلي بالك متقدرش تنزل كتير عن التمن اللي حددته اللجنة الهندسية وبعد ما تبيع لازم تسجل في الشهر العقاري وتحسب نصيب القاصر كام وتودعه في رصيده البنكي و تاخد ورقة من البنك وتروح المجلس الحسبي و توديلهم الورقة و كدة خلاص
نصيحة بدل ما تبيع لحد وتعقد تسجل في الشهر العقاري معاه, شوف حد من الورثة الباغين وبيعو العربية ليه وسجلوها وبعدين يبقي يبعها هو علي انها بتاعته لان في ناس كتيرة مبترضاش تشتري العربية لو كانت بتاعة ورثة
تمام يارجالة انا برضة لسة كونت هعمل الموضوع دة انهاردة يعنى المفروض نروح دلوقتى الشهر العقارى يعملو ليا توكيل طيب توكيل بئية بظبط
احنا عندنا نفس الحكاية
والدي توفى الله يرحمة من 7 شهور والعربية باسمه وللاسف مفيش منه توكيل بأي حاجة خالص ومفيش قصر
بس احنا مش عايزين نبيع
احنا عايزين الصح مثلا العربية تكون باسم والدتي او اي حد علشان المرور وكده
ايه العمل
بص لو مش عايز تمشي رسمي ممكن تبيع العربية بتاريخ قديم قبل وفاة صاحبها, بس لو العربية متسجلة ضمن الورق اللي مع المجلس السبي فيها قضية و غرامة وحبس للوصي
فالاحسن تمشي رسمي علشان محدش يقدر يكلمك وفي نفس الوقت محدش يخاف وهو جاي يشتري العربية
معلشى انا عارف انه موضوع قديم لكن انا واقع فى الموضوع ده دلوقتى
فدلوقتى احنا عاوزين ننقل عربيه والدى عليه رحمة الله باسمى انا
احنا بالظبط 5 اخوه - 3 بالغين و 2 قصر فى وصاية امهم
فايه التوكيلات اللى حضرتك بتقول عليها - و يبقى مكتوب ايه فى التوكيل ده بالظبط
مع المعلوميه ان العربيه لما جددنا رخصتها بعد وفاة والدى بقى مكتوب فيها "ورثة صبرى ابراهيم
المسئول احمد صبرى ابراهيم"
و العربيه مرور جامعة اسيوط - و انا حنقلها مرور السلام
فانا عاوز اشترى العربيه و انجز فى الموضوع ده بدل قرف المجلس الحسبى ده
ياريت السرعه فى الرد مع خالص الشكر
على ما اتذكر الخطوات انك بتروح تقدم طلب فى المحكمة الى انت تبعها عشان تبيع العربيه
والواصى والاولاد البالغين بيروحو عشان يبقوا حاضرين وموافقين على عملية البيع
وبتروح عشان تثمن قيمة العربيه فى المرور وبتاخد ورق مختوم بكدا
وبتديلهم الورق دا كله وبيتحدد معاد للجلسة بتاعت بيع السياره
الموضوع قديم بس نفس السؤال
عربية حمايا وتوفى الله يرحمه وليه ولاده الثلاثة بالغين
والرخصة طالعة باسم ورثة فولان الفولانى مسئول عنهم والدتهم
دلوقتى لو حبو يبيعو العربية دى ايه الاجراءات
مع العلم انهم بيقولو انها دخلت مجلس حسبى
هل الام تقدر تروح مع المشترى الشهر العقارى وتعمل عقد مسجل بدون حضور الابناء الثلاثة ولا لازم يروحو هما كمان