كهربائي أسطوره

**agaty1st** · 23-06-2011 03:15 PM

القصه من البدايه ان العربيه كان سحبها زي الزفت و مبتزودش عن 120 كم / ساعه في احسن الظروف و الموتور كان مش عاوز يتظبط خالص و كانت لما بدورها الصبح تدور و بعدين تبطل و تدفي مدافع و مخنوقه و حات كتير تكرهك في العربيات و اللي عملها و غيرت الأتي:
وش أسبراتير و شاكوش- كربراتير - فلاتر و سيور - بوجيهات - ديسك و اسطوانه و بليه
كل ده و أداء العربيه هوه هوه و من أسبوع المارش باظ وديتهاله و قولتله لما تخلصها كلمني لأني قرفت من العربيه دي فسألني ليه قولتله على مشكله الموتور دي
فقالي طب سيهالي و انا هاعملك الموتور محبه من عندي لأني كهربائي مش ميكانيكي
المهم سيبت العربيع و محطيتش الكلام في دماغي و رحت اخدها تاني يوم قالي جرب الأول و المفاجأه اني لما ركبت العربيه حسيت اني غيرت الموتور سحب ممتاز (التاني مثلا بقى بيجيب لحد 70 كيلو و فيه تاني) و العربيه بتمشي من غير مادوس بنزين و المفاجأه الكبرى انها بقت بتدور الصبح من غير مادوس بنزين و من أول مره بعد ما كنت بادوس بنزين قبل مادور عشر مرات و برضه تدور و تبطل و أستهلاك البنزين قل جدا و السكمان بقى بينقط ميه في أول الدواره
كلمت الراجل ده عشان أعرف عمل أيه في العربيه قالي ان المانافول كان مسدود و الكتينه كانت خالفه من عند الكامه و الكرنك و الأسبراتير خالف
بس فعلا الراجل ده عفرت العربيه

**Mahmoudyoussif** · 23-06-2011 03:19 PM

طب ممكن عنوانه او تيلفونه على الخاص او العام

عشان الافاده للناس كلها ... و ياريت تقلنا اتكلفت كام برده

**SYD** · 23-06-2011 04:51 PM

المشاركة الأصلية كتبت بواسطة Mahmoudyoussif

طب ممكن عنوانه او تيلفونه على الخاص او العام

عشان الافاده للناس كلها ... و ياريت تقلنا اتكلفت كام برده

1+

**windofchange** · 24-06-2011 12:04 PM

الله الله الله جميل اووي ربنا يبارك فيه وده نضيفه عندنا فالقايمة البيضا بس ياريت عنوانه وربنا يكتر من الناس اللي بتحسن في شغلها

**agaty1st** · 26-06-2011 12:49 PM

الكهربائي أسمه : زكريا الهواري
عنوانه : أرض اللواء تطلع الكوبري اللي في أخر جامعة الدول و تنزل يمين هتلاقي بعد حوالي 50 متر محل عصير قصب على الشمال تدخل الشارع ده بعد حوالي 6 شوراع يمين في يمين و انا أول مره روحتله كلمته و قولتله أنا فين و جه خدني
تليفونه : 0102765068
و خد مني في الموضوع ده 150 جنيه بتغيير المارش و العربيه كانت عطلانه مني في المعادي فكلمتله جالي المعادي و دور العربيه و رجعنا الورشه
و أنا اول معرفتي بيه كانت عن طريق واحد صاحبي عربيته ابيزا 99 و كان التكييف لما بيشتغل ال rpm بيعلى و يوطا و بيقولي ان كل الناس حتى في الحرفيين قالوله Idle و تمنه 500 جنيه و الراجل ده قاله الموتور مش مظبوط و ظبطه و مغيرش حاجه و خد كلام فاضي
و مره كنت عنده شفته بعيني والله العظيم شغل أنذار جديد لعربيه ألنترا عشان أنذارها الأصلي باظ على مفتاح الفبريكا بتاع العربيه و سألته أزاي كودت المفتاح على الأنذار الجديد قالي عملته هنا في الورشه

**Frozen_Pain** · 26-06-2011 12:54 PM

اللى زى الراجل ده بيكونوا زى الكنز من المستحيل انك تلاقيهم الايام دى

**MohamedBebars** · 22-07-2011 03:44 AM

يا جمااعه انا عاوز اقول بجد الف شكر انكو عرفتونى على عم زكريا الراجل محترم جدااا هوا وا اولاده محمد ونور وبجد بيفهم جداا جداا
انا معايا ابيزا 98 وكان عندى نفس مشكله الار بى ام انو بيعلى ويوطا مع التكيف وهو ماشاء الله ظبطهولى وغيرلى سير كتينه وسير دنمو فى ساعتين وانا قاعد معااه , واخويا معاه بى ام دبليو 525 بس موديل 90 وكان عندو مشكله فيها ومكانش حد عارف يعملو اى حااجه ما شاء الله ظبطلو العربيه تماام وانا عربيتى الحمد لله بقت زى الفل بجد راجل جامد جدااااا وبجد ألف شكر لـــ agaty1st أنك عرفتنى عليه

**ehab_mansour** · 23-07-2011 07:48 PM

المشاركة الأصلية كتبت بواسطة mohamedbebars

يا جمااعه انا عاوز اقول بجد الف شكر انكو عرفتونى على عم زكريا الراجل محترم جدااا هوا وا اولاده محمد ونور وبجد بيفهم جداا جداا
انا معايا ابيزا 98 وكان عندى نفس مشكله الار بى ام انو بيعلى ويوطا مع التكيف وهو ماشاء الله ظبطهولى وغيرلى سير كتينه وسير دنمو فى ساعتين وانا قاعد معااه , واخويا معاه بى ام دبليو 525 بس موديل 90 وكان عندو مشكله فيها ومكانش حد عارف يعملو اى حااجه ما شاء الله ظبطلو العربيه تماام وانا عربيتى الحمد لله بقت زى الفل بجد راجل جامد جدااااا وبجد ألف شكر لـــ agaty1st أنك عرفتنى عليه

الحمد لله ومبروك علي حل مشكلتك
ياريت تقلنا هو أخد منك كام في الحوار ده ( تغيير السيور و ضبط العربية )
وجزاك الله خيرا انت وصاحب الموضوع

-

الموضوع: كهربائي أسطوره

LinkBack

أدوات الموضوع

عرض

-

-

-

-

المواضيع المتشابهه

كهربائي

كهربائي نضيف

كهربائي bmw

كهربائي عدادات

كهربائي فاهم

الكلمات الدلالية لهذا الموضوع

المفضلات

المفضلات

ضوابط المشاركة