معلومات مهمة جدا حول سوق البايكس - عتريس
بالصدفة كنت بتكلم في التليفون مع واحد صاحبي علي شراء بايك - وكان السواق بتاعي معايا في العربية
المهم بعد ما خلصت التليفون قالي - هو انت يا باشا عايز مكنة ؟؟؟؟؟
قولتله اه بس مش صيني - قالي اة يا باشا منا عارف
قولتلة لي ؟؟؟
قالي اصل انا ابن عمي عندة معرض موتوسيكلات من الغالية بتاعت برة زي الهارلن كدة ( واخدين بالكم من هارلن دي :)
قولتلو تمامممممممممممم
قالي يا باشا دة انا اخدمك بعيني - قولته كلمة واسالة
كلمت محمود ( صاحب المعرض قريب السواق ) مش فاكر المعرض اسمة اية بس هو في جشر السويس
المهم قعدنا نهرج شوية وقولتلة عايزين مكن استيد 400 او 600 زي ما انتم عارفين وكان الرد كالتالي
كل المكن اللي عندة افراج فقط - معندوش معلق نمر لانة هو اللي بيجيب المكن من برة حسب الطلب والسوق
المكن عندة اقل حاجة 750 سي سي - مبيجبش اقل من كدة عشان بيخسر معاة
المهم بقي ان محمود دة شخص فاهم كويس مش من الناس التجار اللي بتفتي وخلاص ودي المفاجاة - كنت فاكرة صنايعي وبيسترزق بي طلع فهم قوي وكمان بيعلم سواقة وعندة ميكانيكي وكمان رش وسمكرة
وصيتة علي المكن وقولت اعرفكم لو حد عايز اساله علي حاجة
دة مش اعلان لاني نش حقول علي اي بينات لية - ممكن بعد كدة اللي عايز اديلة نمرة تليفونة للسؤال علي حاجة
في معلومة قالهالي غريبة شوية
في واحد اسمة هشام معروف قوي في بورسعيد بقالة 3 اشابيع بينزل القاهرة يلم المكن الهوندا بتاع الناس اللي معلقة نمر ويشحن علي بورسعيد ويبيع هناك - الغريبة اني قولتله دة المفروض ان القاهريين يروحة يجيبو من هناك مش العكس
رد عليا قالي الباشا بيلم المكن عشان مبيجبش من برة وبالتالي بغد كدة يرجع يبيع بالسعر اللي عايزه للزباين
واغلب المكن اللي اتلم الاسبوعين اللي فاتو الهوندا الريس بانواعة وكمان الشادو ال 400 وال 750
خلو بالكم بقي
وانا تحت امركم في اي استفسار من الراجل اللي قولتلكم علية
عتريس ابو العافية - موفد قطاع الدراجات النارية - القاهرة :)))))))))))))))))
