عايز اجيب تيل فرامل امامي ياريت اصلي للنيسان تيدا 2010
لو من برة التوكيل منين وبكام وياريت يكون قريب لمصر الجديدة
ارجو من وحوش التيدا المساعدة
ولا اقصر وجيبوا من التوكيل عملوا 465 والمصنعية 50 كله قبل الضريبة
وشكرا
عرض للطباعة
عايز اجيب تيل فرامل امامي ياريت اصلي للنيسان تيدا 2010
لو من برة التوكيل منين وبكام وياريت يكون قريب لمصر الجديدة
ارجو من وحوش التيدا المساعدة
ولا اقصر وجيبوا من التوكيل عملوا 465 والمصنعية 50 كله قبل الضريبة
وشكرا
اخي الكريم
لاانصحك بذلك ..طالما قررت الاصلي يبقي التوكيل
1-ضامن انه اصلي
2-ضامن طريقة التركيب صح وعن تجربه لاني مر ركبته بره لاني مستعجل فجبت التيل من منفذ مودرن موتورز ورحت وفك المسمار الي فوق وبالعافيه وقال لي ان ده عيب وبعدين في التوكيل طلع العكس لان الدراع بيسند لفوق
3-الفرق سيكون غير مجدي ماديا
4-السرعه والدقه في تركيبه
اهم نقطه انه اصلي....
ودي اهم نقطه علشان تريح بالك
ونسيت اقولك ان تيل الفرامل التيدا بيقعد كتير وليس 15-20 الف ولذلك اكشف عليه الاول
اسال فى مصر الجديدة
فى محلات هناك كتير لنيسان
لو مش عايز اصلى حتلاقى فى بدائل اخرى بحوالى 150 جنيه تقريبا
او اسال على الاصلى عند محمد جابر فى شارع دمشق بردوا شوفه بيبعه بكام .. وهل فى بدائل عنده محترمة تانية غير الاصلى ولالا ,, لانه محل مضمون ومحترم
تحياتى
تمام غيرته فى التوكيل بـ ٤٥٠ جنية و٦٠ مصنعية + ١٠٪ ضريبة
لكنى عملته فى يونيتد جروب "أول مرة أروح هناك بالتالى مفيش ولا نكلة خصم والخصم للعملاء القدام"
طبعا فى السبع كانوا هيعملوا خصم تمام
بس انا حبيت اروح هناك عشان مشكلة صوت الطأطأة عند دوس الفرامل والعربية باردة
وأسمع رأي تاني
وكمان عشان أضاف عندهم فى قائمة العملاء لاني الجميل فى الموضوع انهم كل فترة بيعملوا خصومات على قطع الغيار بعيدا عن نيسان الام
ولكن للعملاء بتعهم فقط
خاصة انه افرب لي من السبع وانشاء الله هعمل موضوع على المشكلة بتاعتي وراى المهندسين فيها
مبروك واحسن حاجه عملتها وريحت دماغك وضامن اصلي
اوعى تكون روحت يوم الاتنين اللى فات انا كنت هناك فى التوكيل .. وكان فى تيدا موف بتعمل صيانة هناك
كنت تقولى واخليهم يعملولك خصم فى يونايتد
على العموم الف مبروك تغيره
17 الف قليل جدا .. هو ممكن يقعد 20 او 25 الف .. ويستحسن يتغير وميقعدش الى 30 عشان ميكنش جايب اخره ويقصر على الطنابير .. ودايما غيره قبل ما يكون جايب اخره
اعرف ناس فى التيدا غيروا تيل الفرامل على 55الف كيلو كمان
بس الفكرة ان مرة على مرة لما نسيب التيل للاخر اكيد حيكون ليه تاثير سلبى على الطنابير
هو التيل يقعد لغاية 35 او 40 الف .. بس انا بشترى دماغى .. وبريح العربية وبغيره كل 25 الف كيلو حلو عليه ولان انا بجرى بالعربية وبستخدم الفرامل بعنف
يا جدعان والله سواقتي معقوله يعني ضحكوا عليا والتيل لسة فيه ولا ايه
هو كان المهندس محمد عبد المنعم مدير ورشة السبع هو اللي نصحني بتغيره وانا عامل ١٥ الف
مشعارف عامة انا رايح بكرة يونايتد ٩:٣٠ صباحا قبل اشغل في السريع عشان موضوع الصفارة دي
علي فكرة يا احمد انا كنت هناك السبت اللي فات عربيتي اسود هاتش باك
ايه ده يا جدعان
انا غيرت التيل اول مرة على 65 الف
و لما فكيته لقيته لسه فيه (حبه حلوين)
انا طرقى كلها طوالى ممكن يكون ده السبب