هزه في الدركسيون مع دوس الفرامل بعد 80

العربيه فيها هزه في الدركسيون مع دوس الفرامل بعد 80 وكمان في شوية حجات عايز اسأل عليها
انا كنت فاكك الطبلون من فتره طويله جدااا
لقيت المبات الي هي بتاعت الزيت والبطريه والهاند وفي جمبها كام لمبه مش شغلين تانين زي الحزام وال (abs) محدش يوقلي فيها (ABS) وشوية لمبات تانيه
يا ريت حد يقولي اشغل المبات دي ازاي
وبالنسبه لحساس الحراره الي الازاز الخلفي بيشتغل ازاي؟؟
وفي حاجه شوفتها في الفتيس عايز اسأل عليها
http://www8.0zz0.com/2011/06/23/15/260580979.jpg
دي ليها غطه اسود
http://www14.0zz0.com/2011/06/23/15/793241785.jpg
طبعا زي مانتو شايفين العربيه وسخه بسبب انها كانت مكونه فتره طويله لسه بادئ اطلعها من اسبوع

هزة مع الفرامل على سرعة يبقى طنابير

اقتباس:

---

المشاركة الأصلية كتبت بواسطة ahmed.fahmy

هزة مع الفرامل على سرعة يبقى طنابير

---

انا بردك عندى المشكله بس حضرتك بتقول طنابير مع العلم انا مغير الطنابير و مركب طنابير الالمانى زيرو و فرامل كورى و ماستر جديده وبردك لما بجى ادوس فرامل على مابعد 80 كيلوفعلا بيبقى فى هزة فى الدركسيون ايه سببها مش عارف
ياريت لوحد عند هخلفية يقولنا الموضوع ده بالنسبالى جديد.

مش عارف واللهي انا عايز اعرف هل ممكن تاثر علي العربيه وانا ماشي عشان لو كده اركن العربيه ونقضيها في الباص

طيب روح اعمل ترصيص

باشا الموضوع ده كان عندى بس الهزه الجامده دى كانت بتحصل على سرعات ما بين 80 _ 120 اقل من الـ 80 او اعلى من 120 مكنتش بتحصل

وروحت ظبطت زوايا ورصصت وموضوع الهزه الجامده مع دوست الفرامل من سرعه 80 إلى سرعه 120 تحديداً

راحت خااااالص وبعد يومين فقط ... رجعت نفس الرعشه الررررررررررخمه الجامده مع الفرامل على سرعة 80 لـحد 120

بس انا شكيت ان الموضوع رجع تانى عشان انا مرصص وظابط زوايا والكاوتش عندى اصلاً فى الوقت بدل الضايع

الكاوتش عندى خرباااااااان ولسه ناوى اجنط واركب كاوتش نضيف ان شاء الله وارصص واظبط زوايا على نضافه


للعلم .. ناس كتير كانوا بيشتكوا من نفس الرعشه ... وقالوا انها اختفت تماماً بعد الكاوتش والترصيص وظبط الزوايا


على فكره انا رصصت لزق

طيب انت بتسال على ايه فى الصوره دى يعنى مش فاهمك

الفاتحه الي موجوده في الصوره دي في الفتيس دي لزمتها ايه؟؟؟

اقتباس:

---

المشاركة الأصلية كتبت بواسطة engahmedsayed

انا بردك عندى المشكله بس حضرتك بتقول طنابير مع العلم انا مغير الطنابير و مركب طنابير الالمانى زيرو و فرامل كورى و ماستر جديده وبردك لما بجى ادوس فرامل على مابعد 80 كيلوفعلا بيبقى فى هزة فى الدركسيون ايه سببها مش عارف
ياريت لوحد عند هخلفية يقولنا الموضوع ده بالنسبالى جديد.

---

كان عندى نفس المشكلة و هى رعشة فى الطارة مع الفرملة على سرعة 80 و اتضح سبب العيب فى اعوجاج السرة الحديد فى العجلة المتصلة بالكوبلن اللى متصل بالاكس وبعد رفع العربية و تعشيق الغيار الاول لاحظت ان حركة دوران الاكس فيها طالع/نازل و لما تيجى تفرمل التيل بيعمل فى الطنبورة عالى و واطى و كان ده سبب تلف الطنابير.
التصليح تم كالاتى:

- تغيير سرة العجل ( الكشف عليها عند الخراط اولا )
- تغيير الطنابير
- مش لازم تغيير التيل تركته فترة لغاية ما اتطبع

شكر ا علي الافادة
بس انا راكن العربيه مش بركبها ولما بركبها يا دوب مشوار 4 كيلو بالكتير وبرميها في الجراش تاني مش ليها لزمه اني اعملها مدام انا مش بستعملها