انفراد لموقعنا نايل موتورز .. اول السنة نزول نيسان جـوك مصر .. والقاشقاى الاتوماتيك

**الغزالى** · 23-06-2011 08:44 PM

الله ينور عليك يا مستر احمد ( اخ كياوى ) بس عاشق للقشقاى والجوك ,,, وعلى فكرة انا شوفت الجوك فى مصر فى المهندسين كانت مركونه هناك ,,, كل لما اكون هناك اعدى اتفرج عليها شويه ,, بسم الله ماشاء الله ,,,, ربنا يبارك لصحابها فيها ,,,,

**samoevil911** · 23-06-2011 09:11 PM

سيارة من الفضاء

بجد شكلها جديد .. ومن جوا تحفة

**zizzo_me** · 23-06-2011 10:47 PM

تقرير جميل من كبير صقور النيسان وده طبعا مش جديد عليه
الجوك دى ما شاء الله عليها عربية بجد وهم وأنا شايف انها تستاهل اللى يدفع فيها بس بقى اللى معاه!!!!
وكمان خبر القشقاى حلو بس يا ترى هنكون بكام؟!!!!!!!!!!

**DarkMagician** · 23-06-2011 11:19 PM

بسم الله الرحمن الرحيم

اول حاجة احب اشكر اخوي وحبيبي احمد على التقرير الجميل ده

وانا بالفعل كان عندي خبر من واحد صديق عايش في التشيك وقريبو شغال في تصدير السيارات ان ممكن السيارة دي تنزل مصر قريب

بس طبعا السيارة حتكون اكيد مختلفة في بعض الاشياء لكن هي اي محدش متاكد

عندي كم ملاحظة في ناس مش عاجبهم السعر احب اقلهم ان السيارة دي نازلة منافس كبير لميني كوبر كونتري مان في اوروبا وبالذات في انجلترا

السيارة دي وقفت سوق الكونتري مان في اوروبا وحققت مبيعات تجاوزت نصف مليون سيارة

بسبب جودتها قوتها والسعر المناسب

في ناس متخيلة ان العربية دي شبه الكيا سول احب اقلهم ان السيارة قمة العناية بالتقفيل والمفروض انها تعتبر سبورت

وفيها زرار انا شفتو في رنج روفر اللي هو درايف مود "drive mode " تقدر تخليه سبورت وطبعا بتفرق جدا فقولو يارب تنزل بالحكاية دي

كفاية وزنها محركها شكلها الهجومي ده واخدة من انفينيتي من ورا يا جماعة شيلو نيسان وحطو انفينيتي مش حتحسو بفرق

عاوزين تعرفو العربية كمان ونجاحها شوفو الفان بتوعها في الفيس قد ايه وشوفو بيقولو ايه ا

سعرها انا شايفو قليل عليها بالذات لو نزلت اوتوماتيك

احنا داخلين على مشكلة بنزين كمان على فكرة والناس بتوع اوروبا بقو يبعدو عن حكاية 2000 سي سي وفوق

فبقت شركات السيارات بتعمل عربيات 1600 وبمحرك فعال وتقريبا انا شايف اقوى محرك او من اقوى المحركات 1600 سي سي
في العربية دي

معلومة اخيرة السيارة دي بتتصنع في انجلترا في مصنع القشقاي

واخيرا احب اقول ان الكمال لله وحده بس قبل ما حد ينتقد العربية دي في حاجة غير الشكل لان دي الحاجة الوحيدة اللي بين ايدينا ياريت يكون عندو معلومة اكيدة لان في ناس هنا ممكن تعمل حسابها على الجميلة القادمة جوك

**تامر.محمد** · 24-06-2011 12:05 AM

معلش يا جماعة و يا رب ماحدش يزعل مني و دي ازواق في الآخر
:(
انا عندي تحفظين شكليين
1- الفوانيس محسساني انها متحركة من مكانها
2- مش عاجبني الكونسول المرشوش دوكو اللي حوالين الفتيس

**Mzeid** · 24-06-2011 12:24 AM

العربية لو نزلت تيربو

إستهلاكها مانيوال : 9.8 / 7.58 ليتر لكل 100 ك
أوتو cvt : غ8.71 / 7.35 ليتر لكل 100 ك

السرعة القصوى : 200 كيلو
الفرامل من 60 ميل في مسافة 38 متر

و المفاجأة تسارع العربية في خلال 6.8 ثوان
يعني ضربت الجولف و الشيروكو في مقتل و تكاد تقارع البي ام ال 330 و المرسيدس c300 و طبعا اخواتهم الكبار في التسارع

و لكن تبقى مشكلة السيارة بالنسبة لي هي الثبات نظرا لأنها خفيفة و في نفس الوقت عالية عن الأرض

و جزاك الله يا أستاذ أحمد على الحصريات اللي مبتخلصش :)