فكر غريب جدااا وخطة تسويقية اغرب

**Mohamed.Ramah** · 23-06-2011 08:21 PM

السلام عليكم اعضاء نايل موتورز الكرام

حبيت اطرح فكرة للنقاش بخصوص ضخ التوكيلات لعدد كبير من
السيارات فى مصر بدون رقابة من اى جهة حكومية ولا

على وسائل الامان ولا على ان الطرق بتاعتنا حتستحمل العدد دة
كلة من السيارات او هل هى مؤهلة الطرق لدة ام لا والسيارات

ايضا هل هى مؤهل للسير فى الطرق الاشبة بالتلال والهضاب الغير مستوية والحفر !!
الموضوع بقى فى فكرة غلاء السيارات فقط وعدم الاهتمام بالطرق طب لية الحكومة مش بتفرض ضريبة حكومية على

الوكلاء اكبر خاصة اللى بيرفعو اسعار سيارتهم بطريقة غريبة ويستفيدو بالاموال دة فى تصليح وتشييد الطرق والكبارى ولية مفيش زى ما بنسمع فى اختبارات اوروبية مش

بيقبلو اى منتج غير بمواصفات معينة من الامان وطبعا باسعار مناسبة وطرزات حديثة وفى اهتمام اكثر بالجانب دة اللى

اختزل دورة بالكامل فى سيارات غير مؤهلة تدخل مصر وبيحكم السوق هم الوكلاء والمستوردين بدون ادنى رقابة او

مسؤلية او اهتمام من الدولة حتى فى رفع او انقاص الاسعار لية مفيش الجزئية دة ان يبقى فى مراعاة للدخول فى

مصر حاجة برضو لفتت انتباهى اية الغلاء فى الاسعار دة اللى بيحصل بالظبط بقالة سنة هل موضوع تخفيض الجمارك بقى غير

مؤثر انا ملاحظ ان بقى بيحصل العكس حاليا العربيات بقت اسعارها بتزيد خلال شهور بغض النظر عن فئتها او التكنولوجيا

الموضوعة بها (مفيش اصلا اى تكنولوجيا او كماليات او تحديث بها ) دة بقى بشكل ملفت اكتر من السابق وفى اسعار ارتفعت بمقدار 8 الاف او 10الاف جنية اية اللى بيحصل دة !!

انا من راى حتى الفكرة دة لو اتنفذت مش حنشوف عربيات ملهاش لازمة كتير فى شوارعنا وحنشوف عربيات احدث

وسيارات افضل من القديمة لانها حتبقى فى متناول الجميع حتى التاكسى والمواصلات العامة بدل المتهالكة الحالية ..

**raedegypt** · 23-06-2011 09:04 PM

انا مش عارف الحكومه والمجلس العسكرى الموقر تارك الجمارك ونسوها وهى اكبر مؤسسه من الفاسدين والمرتشيه والمحسوبيات اعتقد هذا الجهاز لازم يعاد هيكلته بالكامل وكشف حسابات العاملين والمهمين بهذا الجهاز هم وعائلاتهم ستجدوا مليارات واملاك وفضايح ..... انا قريب لى ارسل سيارة رينو من السعوديه لمصر اعطوة رقم واحد بالجمرك مقابل 5000 ج خلص له كل حاجه ولعبوا فى الورق وضبطوا الجمرك باقل مايمكن وقاله سعاتك تشرب شاى وتنتظرنى وانا اخلص كل حاجه. دة واحد فمابلك من الالاف السيارات والوكلاء والفساد

**hugan** · 23-06-2011 09:29 PM

كان برنامج راديو مصر
مستضيف خبير في السيارات وصاحب موقع اسمه اوتو ارابيا
شرح الوكلاء وعلي الاخص وكلاء السيارات المجمعه محليا
علي سبيل المثال السياره المرسيدس سي 500
ربحه الصافي كام في تجميع السياره الواحده
900000

**raedegypt** · 23-06-2011 10:06 PM

المشاركة الأصلية كتبت بواسطة ahmedfoud

هههههه ما تشوفلنا رقم الراجل دا يا باشا

الكلام دة من ثلاث سنوات

**Elawany13** · 24-06-2011 12:54 PM

هيه ديه مصر
عندنا الأسعار فى اتجاه الصعود فقط
حتى لو سعر منتج إنخفض عالميا عندنا بيزيد
ارتفع عالميا بنسبة 1% يزيد هنا 20%
اللى بيرخص بس البنى آدم
بثورة أو من غير ثورة