الموضوع: يا ريت اللي حصلت معاه مشكلة في الصني وعرف حلها يدخل يفيدنا

بسم الله الرحمن الرحيم

اخواني الاعزاء ف المنتدي.............
السلام عليكم ورحمة الله وبركاته
عاوزين نعمل ارشيف لمشاكل النيسان اللي بتقابلنا علطول حتي في كل صيانة دورية يا ريت المشكلة اللي عندك تسأل المهندس عليها في مركز الصيانة اتحلت ازاي وده حقك ....... احنا طبعا مش هنشتغل ميكانيكية بس دا من باب العلم بالشئ ... وعندنا في الطب بيقولو " التشخيص نصف العلاج "
فــ يا ريت اي حد منا قابل او سمع عن اي مشكلة ف العربيات النيسان عموما وفي الصني تحديدا يدخل يقولنا عن خبراته وازاي اتحلت المشكلة دي وفين حلها وتكلفتها كام.
وبعد قراءة الموضوع ده الواحد يحس انه ملم باكبر قدر من المعلومات عن المشكلة ويروح للمهندس علطول يقولو علي مكان المشكلة بالظبط بحيث هم في مركز الصيانة مايقعدوش يدورو وخلاص. وخصوصا لان مشاكل العربية النيسان أغلبها متشابهه.
الموضوع ده استوحيته من موضوع د. احمد عن مشكلته في عربيته بسبب خبطة ف الفرامل وحلها ازاي.

أبدا أنا باسم الله :

السيارة : نيسان صني 2011 مانيوال abs

المشكلة :
1- ترشيح زيت من مكان الفتيس بعد صيانة ال 5000 مباشرة .
2- الفانوس القدامي شمال بيفصل .
3- خبطة في العجل القدامي مع المطبات.

الحل :
1-كشفت عليها عند الميكانيكي قالي ان المشكلة في حتة جلدة في الكوبلن اسمها الاولسيه بتاع الكوبلن.وكلمتهم في السبع بتاع المعادي وقولتلهم ع المشكلة وغيرولي الجلدة دي هناك ببلاش . ما اخدتش وقت خالص.
2- كان فيه قفلة ف الذراع بتاع الاشارات وفكوه ف السبع وصلحوه .....مجانا.
3- فكو علبة الدريكسيون وربطوا الصامولة بتاعتها كويس ..... الخبطة راحت والدريكسيون تقل شوية بس عادي......مجانا

اتمني ف النهاية يكون الموضوع ده مفيد
ومتأسف ع الاطالة