سكودا فيليشيا 1997 للبيع

**SCORPION** · 23-06-2011 10:46 PM

عربية سكودا فيليشيا موديل 1997 glx
اللون زيتى ميتالك
فبريكة دواخل بالكامل وكبوت وسقف وشنطة يعنى رشة من الجنب من الخارج فقط والحالة العامة للصاج جيدة جدا
مشكلة السخونة المنتشرة فى الفليشيا غير موجودة على الإطلاق
ردياتير نحاس 3 ماسورة
تكييف اصلى (بحاجة الى تنظيف واعتقد شحن لأنى ما استخدمتوش من سنتين)
سنتر اصلى
مرايات كهربا اصلى
بطارية جافة 70 امبير جديدة
كاوتش تيوبلس
الصالون بحالة ممتازة
العداد 144 الف كم
بستعمل بنزين 92
رخصة 3 شهور
السعر 30 الف جنيه (طبقا لموضوع التسعير هنا بالمنتدى)

صور من جميع الإتجاهات

**amz2011** · 24-06-2011 03:00 AM

العربية الفليشيا كان معايا منها و بعتها بس انا بخاف اشترى مستعمل
هل عند حضرتك استعداد انى اجيب حد يكشف عليها؟
هى تبع مرور ايه؟
هل الكمبريسور بتاع التكييف شغال و لا فى مشكلة
ياريت تبعتلى السعر النهائى على الخاص و انا على استعداد انى اخلص فيها

**medo_egypt86** · 24-06-2011 03:03 PM

بص حضرتك انا جاد فى الشراء بس ان شاء الله على 27000 انا كانت معايا نفس العربية وبعتها لظروف العربية جيدا جدا بس مشكلتها قطع غيارها غالية وسعر اعادة البيع اقل و تقيلة فى بيعها لو حضرتك موافق اجيب الفلوس ونرفعها فى بنزينة ونخلص على طول بإذن الله
يا ريت لو حضرتك موافق تبعتلى رقمك على الخاص

**SCORPION** · 24-06-2011 03:14 PM

المشاركة الأصلية كتبت بواسطة amz2011

العربية الفليشيا كان معايا منها و بعتها بس انا بخاف اشترى مستعمل
هل عند حضرتك استعداد انى اجيب حد يكشف عليها؟
هى تبع مرور ايه؟
هل الكمبريسور بتاع التكييف شغال و لا فى مشكلة
ياريت تبعتلى السعر النهائى على الخاص و انا على استعداد انى اخلص فيها

تم الرد على كل الأسئلة على الخاص

**SCORPION** · 24-06-2011 03:20 PM

المشاركة الأصلية كتبت بواسطة medo_egypt86

بص حضرتك انا جاد فى الشراء بس ان شاء الله على 27000 انا كانت معايا نفس العربية وبعتها لظروف العربية جيدا جدا بس مشكلتها قطع غيارها غالية وسعر اعادة البيع اقل و تقيلة فى بيعها لو حضرتك موافق اجيب الفلوس ونرفعها فى بنزينة ونخلص على طول بإذن الله
يا ريت لو حضرتك موافق تبعتلى رقمك على الخاص

السعر اللى بتقترحه ده غير عادل على الإطلاق وانا ما حبيتش ازود عن سعرها واعمل حساب الفصال زى ما كتير بيعملوا ، انا بدأت بسعرها الحقيقى من اول كلمة لأنى مش تاجر
وبالنسبة لقطع الغيار فهى متوفرة وبأسعار رخيصة ، مافيش فيها اى حاجة غالية خالص مقارنة بالعربيات الاخرى اللى فى نفس فئتها
وسعر اعادة البيع مرتبط بسعر سوق المستعمل زى اى عربية تانية
ولو فيه عند حضرتك فرصة للتفكير فى السعر مرة اخرى ممكن ناخد خطوات جدية ان شاء الله

**medo_egypt86** · 24-06-2011 06:19 PM

على فكرة وانا كمان مش تاجر بس موضوع قطع الغيار ده انا متأكد منه على فكرة انا قلت لحضرتك انا كان معايا واحدة من شهور وبعتها لظروف وكنت بجيب لها كل قطع الغيار الاصلية من محل فى المعادى وعلى سبيل المثال زراع النور كنت جايبه ب 350 ج
وبالنسبة إعادة البيع العربية تقيلة فى بيعها الا اذا نزلت فى سعرها جامد وساعتها بتلاقى حد يشترى انا عربيتى كانت نفس المواصفات فيما عدا المرايات الكهرباء وكانت عاملة 160000كم وبعتها ب 25500 مع انها كانت واقفة عليا ب 36000
وفى الاخير ممكن حضرتك برضه تبعت لى اخر السعر اللى يرضيك على الخاص وربنا ييسر للى فيه الخير

**bmwx5n** · 24-06-2011 09:27 PM

ممكن اعرف مكان العربية
و السعر النهائى على الخاص و رقم المحمول

**eletr** · 24-06-2011 11:27 PM

ربنا يحسنلك بيعها

**SCORPION** · 25-06-2011 09:34 PM

المشاركة الأصلية كتبت بواسطة medo_egypt86

على فكرة وانا كمان مش تاجر بس موضوع قطع الغيار ده انا متأكد منه على فكرة انا قلت لحضرتك انا كان معايا واحدة من شهور وبعتها لظروف وكنت بجيب لها كل قطع الغيار الاصلية من محل فى المعادى وعلى سبيل المثال زراع النور كنت جايبه ب 350 ج
وبالنسبة إعادة البيع العربية تقيلة فى بيعها الا اذا نزلت فى سعرها جامد وساعتها بتلاقى حد يشترى انا عربيتى كانت نفس المواصفات فيما عدا المرايات الكهرباء وكانت عاملة 160000كم وبعتها ب 25500 مع انها كانت واقفة عليا ب 36000
وفى الاخير ممكن حضرتك برضه تبعت لى اخر السعر اللى يرضيك على الخاص وربنا ييسر للى فيه الخير

يمكن حضرتك كنت بتشترى من محل اسعاره مبالغ فيها بس دراع النور بـ 160 جنيه وانا كنت شاريه قبل كده و العربية بقالها معايا 4 سنين ومن خلال السنين دى اقدر اقول ان قطع الغيار اسعارها رخيصة
ولو حضرتك بايع موديل 97 ب 25500 يبقى على كده موديل 95 فاضية تتباع بكام؟

والسعر النهائى هو اللى بدأت بيه ، زى ما قولت فى رد سابق انا ما بدأتش بسعر عامل فيه حساب الفصال وبدأت بالسعر العادل لأن مش من المفروض انى اجى على المشترى ولا المشترى ييجى عليا
وغير كده انا محتاج الفلوس دى لظروف هامة و خاصة جدا ولولا الظروف دى انا ما كنتش افكر انى ابيعها لأنى ما بشتكيش من العربية نهائى والحمدلله وربنا يقدم اللى فيه الخير للجميع

**misoalex** · 25-06-2011 09:37 PM

المشاركة الأصلية كتبت بواسطة SCORPION

السعر اللى بتقترحه ده غير عادل على الإطلاق وانا ما حبيتش ازود عن سعرها واعمل حساب الفصال زى ما كتير بيعملوا ، انا بدأت بسعرها الحقيقى من اول كلمة لأنى مش تاجر
وبالنسبة لقطع الغيار فهى متوفرة وبأسعار رخيصة ، مافيش فيها اى حاجة غالية خالص مقارنة بالعربيات الاخرى اللى فى نفس فئتها
وسعر اعادة البيع مرتبط بسعر سوق المستعمل زى اى عربية تانية
ولو فيه عند حضرتك فرصة للتفكير فى السعر مرة اخرى ممكن ناخد خطوات جدية ان شاء الله

على فكره السعر اللى الراجل كتبه ده هو سعر السوق وقبل الثوره ولو حضرتك مش مصدق دور فى اعلانات البيع القديمه سواء هنا فى المنتدى او فى مواقع اخرى

ال 97 لو glx ومفهاش كلمه وفابريكه بره والتكيف شغال كبيرها 30 الف متزيدش عن كده وحضرتك التكيف عندك مش شغال وراشه حزام يعنى 27 كويس ده غير ساعه الكشف على العربيه اكيد حيطلع فيها كام حاجه صغيره لان مهما كان دى عربيه مستعمله واكيد فيها حبه شغل

على فكره انا مش تاجر بس انا متابع اسعار الفليشيا من فتره وخصوصا انها منتشره عندنا فى اسكندريه اكتر من القاهره بكتير جدا وحبيت انصح حضرتك واقولك لو جابت 27 الف بيع