::: سنة أولى صنى ::: معلومات عن اجراءات ترخيص صنى بعد السنة الاولى

تم بحمد الله تعالى اليوم تجديد رخصة عربيتى النيسان صنى مو 2010 لمدة سنة واحدة فقط لا غير على ذمة جواب البنك مع الابقاء على حظر البيع لحين سداد كافة الاقساط
وبعد مضى عام كامل بحلوه ومره وصياناته وحركاته فى ابو غالى والسبع مرورا بيونايتد جروب وقطع ما يقرب من 40.000 كم بالتمام والكمال
تم اليوم دفع رسوم 350ج (110ج تأمين اجبارى بعد زيادته 30ج مرة واحدة عن السنة اللى فاتت + 240ج ضريبة واتاوات منها 10ج رسم تنمية وتطوير حاسب آلى مرور القليوبية ) وشهادة مخالفات ( زيرو ) بالرغم من انى متصور رادار والفلاش ضرب فى المراية - ههههههههههههه - فى اول مايو اللى فات وتستعجب لما تلاقى الرد انه عشان العربية جديدة واول سنة يا بيه مافيش مخالفات
المهم احب اقولكم ان الروتين والبيروقراطية والمحسوبية والشاى والسكر والسجاير لسه موجودين وتحيا مصر حرة مستقلة
وكل ده تم من الساعة 10:30 ص وحتى 1:00 ظهرا وطبعا دفعت الفلوس وقدمت الورق وروحت قضيت مشاوير ورجعتلهم على استلام الرخصة :36_1_50[1]:

الف مبروك ياباشا التجديد و ربنا يديك خيرها علي طول

مبروك التجديد وان شاء الله تكون مبسوط من العربيه
ومعلش الموظفين هما هما وكل حاجه لازم تاخذ وقتها في التغير للاحسن ان شاء الله
مبروك وبلاش رادار يعني بلاش جري وربنا يستر....

مبروك ياباشا التجديد وعقبال تجديدها 3سنين ودفع كل اقساطها

مبروك تجديد رخصة العربيه ويارب تفضل الصنى معاك على طول
ومعلش التغيير هياخد وقت كبير يا باشا اللى اتعمل فينا 40 سنه عمره ما هيقل ويختفى فى 5 شهور ادعى بس ربنا يسترها معانا

ايه ده ماشاء الله 350 جنيه بس.... انا فاكر اني دفعت حوالي 700 جةيه... بس بصراحة مش فاكر ليه
وداخل علي ترخيص... طيب والطفاية والكلام ده ايه ظروفه
جزاك الله خيرا
والف الف شكر علي التقرير الطيب ده وعقبال ما تتم اقساطها بكل خير يارب العالمين

الف مبروكككككككككككككك

وعقبال ما ترخص نيسان جوك باذن الله

اقتباس:

---

المشاركة الأصلية كتبت بواسطة peaceman

الف مبروك ياباشا التجديد و ربنا يديك خيرها علي طول

---

الله يبارك فيك يا باشا ولك بمثل ما دعوت باذن الله

اقتباس:

---

المشاركة الأصلية كتبت بواسطة samsong

مبروك التجديد وان شاء الله تكون مبسوط من العربيه
ومعلش الموظفين هما هما وكل حاجه لازم تاخذ وقتها في التغير للاحسن ان شاء الله
مبروك وبلاش رادار يعني بلاش جري وربنا يستر....

---

الله يبارك فيك يا ريس وعقبالك يارب
الحمد لله العربية جميلة ماشاء الله عدا تعبى من القعدة على الكرسى وانا مسافر مسافات طويلة
هههههههههههه
ما تقلقش انا اخرى 120 كم وساعات قليل اوى اوصل ل140 كم لما الطريق يكون فاضى على الاسماعيلية الصحراوى واغلب سواقتى 90-110 كم

اقتباس:

---

المشاركة الأصلية كتبت بواسطة aboamr

مبروك ياباشا التجديد وعقبال تجديدها 3سنين ودفع كل اقساطها

---

الله يبارك فيك ياباشا

اقتباس:

---

المشاركة الأصلية كتبت بواسطة fady_anis

مبروك تجديد رخصة العربيه ويارب تفضل الصنى معاك على طول
ومعلش التغيير هياخد وقت كبير يا باشا اللى اتعمل فينا 40 سنه عمره ما هيقل ويختفى فى 5 شهور ادعى بس ربنا يسترها معانا

---

الله يبارك فيك ويااااااااارب نعيش ونشوف التغيير ده بعينينا وربنا يسترها علينا
شكرا لمشاعرك الطيبة فعلا الواحد بالعشرة بيرتبط بعربيته ويبقى مش عاوز يغيرها بس ماحدش عارف بكرة فيه ايه

اقتباس:

---

المشاركة الأصلية كتبت بواسطة sonasteel

ايه ده ماشاء الله 350 جنيه بس.... انا فاكر اني دفعت حوالي 700 جةيه... بس بصراحة مش فاكر ليه
وداخل علي ترخيص... طيب والطفاية والكلام ده ايه ظروفه
جزاك الله خيرا
والف الف شكر علي التقرير الطيب ده وعقبال ما تتم اقساطها بكل خير يارب العالمين

---

يا اخ حسين العفو على ايه احنا كلنا هنا عيلة واحدة بتجمعنا النيسان صنى وربنا يباركلنا فيها
انا السنة اللى فاتت فى اول ترخيص دفعت 700ج عشان الطفاية والمثلث والشنطة وورق الفحص وخلافه انما فى التجديد بتدفع الضريبة والتأمين وورق التجديد وبس ومخالفات ان وجد
والطفاية والمثلث دول مع كل فحص كل 3 سنين

اقتباس:

---

المشاركة الأصلية كتبت بواسطة ahmed.tv

الف مبروكككككككككككككك

وعقبال ما ترخص نيسان جوك باذن الله

---

الله يبارك فيك يا زعيم وباذن الله نرخصها سوا ونطلع بيها على شرم ولا الغردقة سفارى
هههههههههه

وده تقرير شافى وافى عن صيانة ال40.000 كم فى السبع - المعادى
http://www.nilemotors.net/Nile/23029...post3873623188

تفعيل الموضوع لافادة الاعضاء الجدد والاعضاء
وبالتوفيق .. وان شاء الله افادة موفقة للجميع
تحياتى