السلام عليكم
الساده الأفاضل برجاء المساعده
انا معايا أكسينت موديل 99 - 1500 و عايز أعمل صيانة للريداتير
الأصحاب نصحونى أشترى جركن ميه خضرا أسمها (إيديا) أسبانى و قالولى بلاش ميه مقطرة و الكلام ده
إيه رأيكم في الميه دى و ألاقيها فين و بكام ؟
السلام عليكم
الساده الأفاضل برجاء المساعده
انا معايا أكسينت موديل 99 - 1500 و عايز أعمل صيانة للريداتير
الأصحاب نصحونى أشترى جركن ميه خضرا أسمها (إيديا) أسبانى و قالولى بلاش ميه مقطرة و الكلام ده
إيه رأيكم في الميه دى و ألاقيها فين و بكام ؟
افضل ميه خضرا طبعا بلا منازع هى مية موبيل ودى نسبة التجمد فيها 33 فى المية بس غالية نار ب 58 جنيه من 6 شهور 4 لتر
يليها ايادا اسبانى ب 30 الجركن على ما اتذكر ونسبة التجمد 5 او 10 فى المية 4 لتر
واحذر الجراكن اللى ب 20 جنيه و25 المجهولة
المية المقطرة حضرتك عشان تزود منها بس الصبح مش عشان تحطها فى الريداتير بديل للمية الخضرا..
ولو حابب تحافظ على عربيتك يبقى تزود مية مقطرة عشان بدون املاح واحذر مية حنفية على المية الخضرا لانك هتبوظ كده كل اللى عملته
معلومة بس لاصحاب حضرتك..
اى مية خضرا عبارة عن مية مقطرةمع بعض المواد الكيميائية والالوان وبتختلف فى نسب التجمد بساقتباس:
و قالولى بلاش ميه مقطرة و الكلام ده
ليه بتقولى أحذر من الجراكن أللى بـ 20 و 25 ؟ .. إيه مشكلتها ؟؟
مع أن الجراكن دى هيا أللى موجودة في كل محطات البنزين
معلشي يا أخى سؤال كمان .. هوا ميه موبيل ينفع تستخدم في عربية مستعملة أو بمعنى آخر أستخدمت ميه حنفيه قبل كده ؟ ولا لازم علشان نستخدمه متكنوشي العربية أتحط فيها ميه حنفيه خالص ؟؟
الزميل رد أجابة 10 على 10 تمام جدا كل الى قالة لك
بص المية الخضراء الى ب 20 جنية و مجهولة الهوية ممكن تاكل المواسير و تبوظ الرادباتير
المية الايديا هى مش أسبانى بس مكتوب عليها كدة و الجركن 5 لتر لو جبتة من التوفيقية ب 25 جنية
http://img842.imageshack.us/img842/4...1020102487.jpg
الاساتذه هشام زكى وحسام ردوا على حضرتك رد وافى
واحذر الجراكن اللى ب 20 جنيه لانها سخنتلى العربية قبل كده وخربتلى الدنيا وربنا ستر ونزلتها بعد ماجبتها علطول
وانا ارشلحك مية موبيل هى اه غالية جدا بس اهى هتقعد معاك سنه ونص ولا حاجة بس محترمة جدا وهتعرف بنفسك وتتاكد من كده وانت بتحطها واهم شىء تنضف دورة التبريد كويس قبل ماتحطها
بس سؤال استاذ هشام
هى فهلا المية الايادا مش اسبانى؟؟
وفعلا هى 5 لتر مش 4؟؟
اصلى شفتها من مده وحده تركيز 3 ب 25 والحمرا تركيز 5 ب 30
بس ينفع ازود منها على مية موبيل اللى حاططها عندى بدل المية المقطرة ولا مينفعش؟؟
أزيك با باشا أهلا بيك
بص أنا جربتها كذا مرة فى العربية عندى و كنت مصور الجركن علشان كدة نزلت صورتة
الى خلانى اقول أنة بالرغم من أن مكتوب عليها أسبانى بس هى مش متعبية فى اسبانيا لان الجركن الغطاء لما بتفتحة مفيش برشام زى جراكن الزيت كدة بس هى مش سيئة و كنت جايبها من محل على مدخل شارع التوفيقية على الشمال و انت داخل الشارع من شارع رمسيس العمومى
هى بتقلل درجة الحرارة تقريبا درجتين و مش وحشة بس بتاعت موبيل افضل طبعا
حا أقولك كام حاجة غريبة شوية بتوع الرادياتيرات المحترمين بينصحو لعدم استخدم المياة الخضراء خصوصا الانواع الرخيصة و لو الرادياتير نحاس
لو الرادياتير الومونيوم بيقولو ممكن بس لما ركبت رادياتير الومنيوم جديد من الراجل بتاع الرادياتيرات و كان بيبع مية خضراء قولت لة ما نحط مية خضراء قالى لا بلاش أستغربت الطبيعى بتاع الرادياتيرات بيحاول يبيعلك المية الخضراء باى شكل خصوصا الانواع التعبانة الى عندة و دة مؤذية للرادياتير و طبعا علشان شارى من عندة الرادياتير مارضاش يحط المية الخضراء التعبانة و قالى لا الرادياتير جديد و لسة مركبة مش عاوز مشاكل من المية الخضراء
.......................................
الخلاصة لو مية نظيفة حطها لو النوع التعبات حذارى ثم حذارى مرة كل الرادياتير النحاس و خلاة مصفة
الايديا مش وحشة بس موبيل افضل
والافضل المبرد الى بيبقى فى علب كانز كدة دى أفضل من المية الخضراء كمان
لو أنت حاطط موبيل الاقضل زود مية موبيل برضو علشان تحافظ على درجة التركيز و المية الحمراء بيقولو عليها حامية شوية و بلاش منها
يا جماعة هو انا علشان اغير مياة الريداتير لازم اعمل دورة غسيل ولا اغير المياه على طول و على فكرة العربية عاملة 35000 كيلو
اشكرك استاذ هشام بجد جدا جدا..وفعلا معلوماتك قيمة اوى واى موضوع بلاقى حضرتك فيه انا بستفاد فعلا..شكرا لذوق حضرتك
بس المشكلة ان مية موبيل خلصت كلها فى اول مرة حطيتها فى الريداتير وبزود مية مقطرة..والمية المقطرة بصراحة مكلفة اوى والازازة باتنين ونص وانا بزود كتير اوى للريداتير وانا معنديش تكييف فى البيت اجيب منه مية مقطرة فمش عارف ممكن يتباع جركن مية مقطرة بسعر كويس فى مكان ما ولا اعمل ايه
لا لازم دورة غسيل عشان تنضف مكان الصدا والاوساخ مطرح المية القديمة وتحط الجديده على نضافةاقتباس:
يا جماعة هو انا علشان اغير مياة الريداتير لازم اعمل دورة غسيل ولا اغير المياه على طول و على فكرة العربية عاملة 35000 كيلو
شخصيا بستخدم الايديا الاسباني و التبريد زي الفل و الجركن ب 30 جنيه تقريبا
طب ينفع تزود بميه معدنيه ماللى اعرفه ان نسبة الاملاح زيرو
والازازة ب 1.75 قرش واخر حلاوة
السؤال الثانى
ماسبب نقص مياه الريداتير
انا شايف افضل مياه ريداتير هيا موبيل
انا بجيب مياه الريداتير جركن 4 لتر من مسيو منصور الصحراوى مياه امريكى بس من الاخر وتقيلة جدا وبتظبط معايا الدنيا
انا عملت الاتى على مدار سنتين
كل دخلت صيف على شهر 5 بنزل المياة القديمة وبحط الجديدة وبعدين بشترى جركن لتر مياه حمراء من موبيل او توتال بحطه فى شطة العربية وبزود منه كل محتاج والحمد لله محتجتش خلال السنتين اللى فاتو غير حوالى نصف لتر او 3/4 مش فاكر
فعشان كدا بسال ماسبب نقص مياه الربداتير وهل غبور مغندوش مياه فى التوكيل سواء خضراء او حمراء لان لو موجود فى التوكيل يبقى ده انضف نوع
وبالنسبه لموضوع الجراكن الاسبانى والايطالى كل ده هكس وبيتعبى تحت السلم وبياخد لون وبيبوظ الدنيا
والكلام ده فعلا سمعته من كذا واحد حبيبى شغالين فى بنزينة
والله المستعان
بالنسبه للسؤال الأول
مينفعش للأسف لأن الميه المعدنيه غنيه بالأملاح و المعادن إشي كاسيوم علي صوديوم علي بيكاربونات يعني خيرات ربنا يدمها نعمه و يحفظها من الزوال
بالإضافه إلي إننا مبنحطش مياه التبريد علشان مفيهاش أملاح فقط
لا
علشان بتعمل عملية تزييت للدوره و طلمبة الميه و الخراطيم و غيره
درجه حرارة الغليان لمياه التبريد و درجة تجمدها مختلفه عن أي مياه شرب
إجابة السؤال الثاني
إن النقص ليه أسباب كثير
أولها البخر (علي المدي البعيد بتنقص شويه في شويه) و ده يا أما درجة حرارة الجو عاليه أو الموتور بيسخن لسبب أو لآخر
و التسريب طبعا
و تمام جدا تغير المياه كل سنه و ده بينصح به الكتالوج (هيونداي)
و غبور عندهم مياه تبريد و بيغيرها كمان كل 40000 كم
و إن شاء الله طالما المياه بتكون ماركه عالميه و مسجله و من مصدر موثوق فيه هاتبقي تمام و تؤدي وظيفتها
و هي حمرا أو خضرا أو زرقا ده علي ما أعتقد بيتوقف علي درجة تجمدها يعني كل درجه لها لون
و كان في عونك و عوننا من أستعنت به
انا حطيت عندى ميه خضرا ماركة Prestone امريكى الجركن 4 لتر الا حاجة بسيطة ب 55 جنية و مكتوب فى التعليمات على الجركن ان ممكن ازود منها على اى نوع تانى من غير ضرر.
يا باشا كتر 1000 الف خيرك على ذوقك الجامد دة تسلم يا باشا
و على خبرة و الله انا بتعلم كل يوم جديد و المعلومة ممكن جدا تكون من صنايعى مش عيب بس لو شاطر و مس نصاب هههههههههه
اقولك حاجة تضحكك و جديدة انت عارف لما بتروح لبتاع الرادياتيرات بعد ما بينظف الدورة بيحط فى الدورة زى بودرة كدة شبة الردة بتاعت العيش البلدى و بيقول للزباين دى مادة بتمنع التسريب عارف دى اية ؟
دى يا باشا البذور بتاعت الكتان بيطحنوها و بيحطها مع الدوة هى بتمنع فعلا و بتسد الخروم الصغير جدا نسبيا لكن لو ما كانتش مطحونة كويس ممكن تسد لك الدورة لو اتغابى الصنايعى و حط كتير
شوفت بقى الاشتغلات يقولك مادة مانعة للتسريب و هى شوة بذور كتان محطونين
ممكن حد عمل صيانة ال 40 الف اللى بيغيروا الميه فى التوكيل يقولنا بكام ؟
السلام عليكم
شكرا جزيلا للأخوة المحترمين أللى أهتموا بالرد على الموضوع
و انا روحت فعلا عملت دورة التنظيف في محطة وطنية أللى على الأتوستراد و نزلت الميه القديمة و حطيت بدلها عبوتين مانع صدأ و أشتريت جركن مياه خضرا وطنية 5 لتر بـ 25 جنيه و مليت بيه الريداتير و القربة ، أنا كنت عايز اجيب جركن موبيل بس هوا غالى حبتين