3-تغير بطارية الريموت العادي والمفتاح الذكي....

اخواني انا عارف ان الموضوع بسيط وسهل ولكن صادفت شخص وكان هيروح النوكيل علشان مش عارف بيتغير ازاي فقلت مش هنخسر حاجه لو اكدنا وساعات حاجات صغيره وبتفرق.....

1- الريموت العادي:
بيتم فتحه بعمله معدنيه بتدخل مابين الطرفين
ونشيل البطاريه
ونحط الجديده بعد التاكد من السالب والموجب
http://www.nileup.com//uploads/image...f3f058aeff.jpg

المفتاح الذكي
بيتم فتحه عن طريق مفك عاده صغير
http://www.nileup.com//uploads/image...993344d104.jpg

[OVERLINE]
اهم حاجه ان لانلمس الدائره بايدينا ونتاكد من وضع البطاريه في الوضع الصح
[/OVERLINE]

تسلم ايدك ياكومندا على الموضع الجميل ده

بس بعد ما نغير البطارية بتاعت الريموت .. هل الريموت بيحتاج تكويد من تانى ولالا

جزاك الله خيرا على الموضوع المفيد ده

شكرا علي ردك وتشجيعك وبالنسبه للريموت العادي فانا غيرته كذا مره ولايحتاج اما المفتاح الذكي فده محتاج تاكيد من حد عمله
ولكن علي حد علمي في البرمجه واعادة التكويد انه بيبرمج نفسه بمجرد الاقتراب وفي انتظار رد منحد يكون غير بطاريه المفتاح الذكي....

وهو ده قصدي من المواضيع ...ساعات حاجه بسيطه بتجيب معلومه ورا معلومه والكل هيستفيد......

شكرا يااحمد .... وريح بقي شويه يابني ده من امبارح 11 مساء لغايه 8 صباحا علشان خاطرنا
ربنا يحميك ويقويك....
في انتظار التاكد

شكراً يا باشا موضوعك مهم اوى انا بفكر اغير بطارية الريموت علشان ضعفت بس هل البطارية لها رقم معين ولا اى بطاريه نفس الحجم وخلاص؟

اقتباس:

---

المشاركة الأصلية كتبت بواسطة fady_anis

شكراً يا باشا موضوعك مهم اوى انا بفكر اغير بطارية الريموت علشان ضعفت بس هل البطارية لها رقم معين ولا اى بطاريه نفس الحجم وخلاص؟

---

لاشكر علي واجب
البطاريه لها حجم ورقم معين
وهو CR2025
وبلاش الصيني واحسن الانواع
Varta-Panasonic-energizer
الاصلي مش التقليد

وفي انتظار ملاحظتكم وياريت حد يفيد في التوليف او التكويد
وعموما فصل البطاريه او طريقه اعادة التوليف (on-off-on-off-on) يمكن تفيد
وفي انتظار التاكيد

ايه الناس اللي صاحية من الفجر ديه ؟؟ :)))))) بصراحة اعضاء زي العسل

اولا بشكرك كابتن سامي علي الموضوع الهايل ده
وفعلا لما كان ريموت العربية يعلق معايا كنت بعمل "on-off-on-off" و كان يشتغل
شكرا لتأكيدك المعلومة لأني مكنتش متأكد منها

اقتباس:

---

المشاركة الأصلية كتبت بواسطة peaceman

ايه الناس اللي صاحية من الفجر ديه ؟؟ :)))))) بصراحة اعضاء زي العسل

اولا بشكرك كابتن سامي علي الموضوع الهايل ده
وفعلا لما كان ريموت العربية يعلق معايا كنت بعمل "on-off-on-off" و كان يشتغل
شكرا لتأكيدك المعلومة لأني مكنتش متأكد منها

---

ياباشا زبنا يخليك... وشكرا لتفاعلك وان شاء الله كلنا نفيد ونستفيد

تسلم اخوي الكريم على الموضوع المفيد :)

اقتباس:

---

المشاركة الأصلية كتبت بواسطة darkmagician

تسلم اخوي الكريم على الموضوع المفيد :)

---

اتمني ان يكون فعلا مفيد واشكرك لذوقك

موضوع رااااائع يا كومندان.... مع اني بره البيت ومشوفتش الصور... بس اكيد حاجة الناس هاتستفيد وانا هاستفيد بيها اووي
جزاك الله عنا خيرا ياكومندان
سؤال
ساعات ابقي واقف جنب العربية وافتحها بالريموت.. يعذبني
وساعات تاني افتحه من اابلكونة في السابع.. ماشاء الله
ده ليه علاقه بايه?????

اقتباس:

---

المشاركة الأصلية كتبت بواسطة sonasteel

موضوع رااااائع يا كومندان.... مع اني بره البيت ومشوفتش الصور... بس اكيد حاجة الناس هاتستفيد وانا هاستفيد بيها اووي
جزاك الله عنا خيرا ياكومندان
سؤال
ساعات ابقي واقف جنب العربية وافتحها بالريموت.. يعذبني
وساعات تاني افتحه من اابلكونة في السابع.. ماشاء الله
ده ليه علاقه بايه?????

---

مكان جهاز الاستقبال في اغلب العربيات بيكون موجود قدام في المقدمة بتاعة الطابلوه فلو انت واقف يمين شمال او ورا ممكن يبقى في ضعف في الاشارة قدام وفوق بيبقى افضل

اقتباس:

---

المشاركة الأصلية كتبت بواسطة SonaSteel

موضوع رااااائع يا كومندان.... مع اني بره البيت ومشوفتش الصور... بس اكيد حاجة الناس هاتستفيد وانا هاستفيد بيها اووي
جزاك الله عنا خيرا ياكومندان
سؤال
ساعات ابقي واقف جنب العربية وافتحها بالريموت.. يعذبني
وساعات تاني افتحه من اابلكونة في السابع.. ماشاء الله
ده ليه علاقه بايه?????

---

كنت لسه هاقول ان حسين لازم يكون في المعرض وبعدين قلت لا السبت...

شوف ياحسين كل ريموت وله مدي زي التليفونات اللاسلكي كل له مدي radio wave ففي بتاعتها high , ultra range وفيه العادي وكله يعتمد علي المجالات المتداخله مع wave فلو في منطقه مفتوحه حتي لو الrange العادي هتلاقي الترانسميت مابينهم ممتاز ويفتح ويقفل وساعات في نفس المكان بس المدي يكون متداخل يبقي لازم تقرب قوي وتجرب وساعات تفتح معاك من الشقه..... انما لو متكرره مش بيفتح يبقي نغير البطاريه ياحلو زي الموضوع
ولو نزلت القاهره هاعدي عليك في المعرض ان شاء الله.......
ودائما في بالي بالخير......