وحوش اللوجان فى اهرام السيارات ولمدة ثلاثة اسابيع على التوالى و لأكثر من معرض اعلان عن رينو لوجان رومانى بها abs نصف 72000 كاملة 75000 ياترى حد عندة معلومة او اي إفادة ؟؟
عرض للطباعة
وحوش اللوجان فى اهرام السيارات ولمدة ثلاثة اسابيع على التوالى و لأكثر من معرض اعلان عن رينو لوجان رومانى بها abs نصف 72000 كاملة 75000 ياترى حد عندة معلومة او اي إفادة ؟؟
دي شحنة التوكيل مستوردها لتغطية احتياجات السوق نظرا للإقبال الشديد على اللوجان
وهل الفرق فى السعر ما بين الرومانى والمغربى حوالى 5000 جنية فقط طيب أذاى لو دة فعلا حقيقى يبقى التوكيل مغلي علينا قوى اللوجان المغربى والمفروض المغربى تكون أرخص من كدة كتيير
يا ريت توضيح من الآخوة على فرق السعر دة معناة أية وأذاى
وجزاكم الله خيرا
اساسي ياباشا ديا نصب علني نهيك عن جودة الروماني اهو اوربي ولا يقارن بالمغربي بس هل ياترى نفس المحرك ولا 16 اسطوانة زى إلى بينزل فى بعض الدول دة لو كدة مع ال abs تبقى صفقة ....
أنا شفت الإعلان في الأهرام فعلاً .... ودمي اتحرق !!!!
فعلا حاجة تحرق الدم لو كان الموضوع حقيقى والسعر الموجود ده سعر الرومانى يبقى احنا اتنصب علينا بجد وخرطونا للوز
المعلومة الأكيدة من توكيل رينو الأسكندرية دون تاون رومانى كاملة 76500 و نصف 72500 عدد 2 ايرباج و abs وتقفيل ممتاز مع تلافى جميع مشاكل المغربي على حد قول الموظف وحتفضل تنزل بجوار المغربي وللعميل حرية الأختيار والتسليم فوري ويوجد فى المعرض النصف كمليات الأن فقط وبكدة الميزانية هى الفيصل للمشتري
ده كده فعلا سعر اللوجان المغربى المفروض يبقى اقل من كده كتير جدا
دى كده سرقة مش مفيش رقيب على التوكيلات و على تطبيق الاتفاقيات الى الدولة كانت موقعاها
و لا رقابة على الاسعار لازم بجد الناس دى تحس ان البلد اتغيرت
و ان عهد الاستغلال انتهى و مش هيرجع تانى
طبعا سرقة لان قيمة الجنية قلت 5% كمان
لو المغربى بالسعر القديم يبقى الفرق كده معقول شويه
والروماني طبعآ احسن من المغربى خصوصآ فى التقفيل
يا جماعة أنا مستغرب من حاجة .. لوجان روماني - على حد علمي - معناه إنها جاية من رومانيا ! يعني المفروض اتفاقية أغادير لا تنطبق عليها , وبالتالي لازم تدخل بالجمارك , وبالتالي مادامت المغربي بـ70 ألف - فول أوبشن - ف ازاي تكون الفول أوبشن الروماني بـ77 فقط؟؟ يعني جمارك اللوجان 7 آلاف جنيه بس ؟؟؟؟؟؟ دة كلام منطقي ؟؟ طب بلاش دة .. شحن اللوجان من رومانيا لمصر مش المفروض بيكلف أكتر من شحنها من المغرب لمصر ؟؟؟
باختصار وبناءا على ما تقدم من شكوك فإحنا قدام احتمالين : إما إن التوكيل بتاع اللوجان يكون بيبالغ في سعرها والمفروض المغربي تكون أرخص من كدة .. ودة احتمال مستبعد لإني بحثت وعرفت إن اللوجان بتتباع ف المغرب - فول أوبشن - بتقريبا 10 آلاف دولار.. يعني 60 ألف جنيه ..
يا إما حوار اللوجان الروماني دة حوار فاكس واشتغالة , والأجانسات ومراكز البيع بتقول الكلام دة علشان تبرر سبب رفع سعر العربية ..
ولا انتوا رأيكوا ايه ؟؟؟
انا اسف بس ده كلام غير منطقى ليه:
اولا: اللوجان الرومانى نزلت قبل كده والفرق فى السعر بينها و بين المغربى كان هو هو 2008-2009.
ثانيا: على صفحة الفسبوك بتاعة رينو الادمين اكد معلومة اللوجان الرومانى و برر فرق السعر عن المغربى بانها مدعومة من رينو فرنسا و من الوكيل ضمن صفقه كبرى.
وعموما راى الشخصى ان الفرق فى السعر قليل جدا و الرد بتاع الادمين عن هذا الفرق غير مقنع نهائيا لان الفرق اصلا مش عشان ده رومانى لكن عشان فيها abs و 2 ايرباج - يبقى فين الجمارك و الاغرب ان التوكيل اللى مش بيدعم اسعار قطع الغيار هيدعم السيارات بالالفات - يا سلام ايه الحلاوة ده و كمان شكلى كده هبكى من هذه التضحيه العظيمه.
و بصراحه انصح اى حد انه يشترى الرومانى لانها بمواصفات اعلى وتقفيل بلدها و مش مضحوك عليك فى تمنها كفايه انها مدعومه من فرنسا و الوكيل (يعنى معونه اجنبيه لاصحب اللوجان العالميين).
ياجماعة ببساطة هي لو رماني فعلا لازم تبقي موجودة في الافراج الجمركي وانت بتشتري العربية ان بلد المنشأ رومانيا