الموضوع: اسئلة مشروعة

المشاركة الأصلية كتبت بواسطة abou_ruqi

من الاخر بلاش الاخوان والسلفيين يمسكوا ويطبقوا شرع الله ، يمشي معاكم مشايخ الازهر?
لو ماينفعش برضه طب نعمل ايه? اكيد الحل مش في الدولة العلمانية علشان انت قلت انك بتحب شرع ربنا

بصراحة آه أنا شايف إن ناس كتيرة منهم أنا حنرتاح لو جبتلهم اخوة ازهريين مشهود ليهم
وإن كنت لا أمانع عن نفسي إن اخواني يمسك بس يكون برده مشهود له

عندك مشكلتين..المنهج والمطبق للمنهج ده
المنهج اعتقد والله أعلم مفيش عليه أي خلاف
انما المطبق هو بيت القصيد
تعرف حضرتك لو كان الشعراوي عايش وحيترشح كنت حكون أول واحد اديله صوتي
وانا عارف إنه كان بعيد عن السياسة بس ده مثال افتراضي

المشاركة الأصلية كتبت بواسطة angeliccore

بصراحة آه أنا شايف إن ناس كتيرة منهم أنا حنرتاح لو جبتلهم اخوة ازهريين مشهود ليهم
وإن كنت لا أمانع عن نفسي إن اخواني يمسك بس يكون برده مشهود له

عندك مشكلتين..المنهج والمطبق للمنهج ده
المنهج اعتقد والله أعلم مفيش عليه أي خلاف
انما المطبق هو بيت القصيد
تعرف حضرتك لو كان الشعراوي عايش وحيترشح كنت حكون أول واحد اديله صوتي
وانا عارف إنه كان بعيد عن السياسة بس ده مثال افتراضي

الحمد لله ان ده محصلش و الا كانت الألة الإعلامية نهشت في لحمه رحمه الله

المشاركة الأصلية كتبت بواسطة otefa

ده موضوع يجاوب على تساؤلا ت لشكل الدولة الأسلامية في العصر الحديث
دولة مؤسسات تحتكم لشرع الله

http://www.nilemotors.net/nile/227491-25.html

يافندم دا كله كلام جميل،والكلام سهل والفعل صعب، وممكن اعملك خطة متخرش المية عن الطموحات والامال في تحقيق العدالة الاجتماعية والرخاء الاقتصادي الخ الخ بلا بلا...... لكن انا سؤالي بيقول هل في نموذج طبق حكم اسلامي معاصر ونجح؟ اي بلد في العالم نجح ؟ هل السؤال صعب اوي كدا؟ بلد واحد بس مش عايزين اكتر من كدا!

مهو لو مفيش ولا نموذج واحد، يبقى معلش انا مش موافق اننا نبقى حقل تجارب للسلفيين والاخوان عشان يطبقوا فكر محدش طبقه غيرهم ومحدش مقتنع بيه غيرهم، لكن لو في نماذج موجودة، يبقى ندرسها الأول وبعدين نعلق عشان منحكمش على حاجة بجهل او دون علم.

وشكراً.

كنت هاكتب

فعلا من غير أي شك

بس فكرت ثانية ولقيت إني مسمعتش حاجة وحشة في حق أبواسماعيل ولا أبوالفتوح ولا العوا
اللي نهار وليل بيتنهش في لحمه وربنا معاه البرادعي
أو يمكن أنا اللي حظي كده فالقراية

اولا احنا جربنا الديموقراطية ايام الوفد والنحاس والملك
وجربنا الاشتراكية ايام عبد الناصر
وجربنا المهلبية بتاعة السادات
وجربنا العلمانية المستترة بتاعة مبارك
طيب ما تدينا فرصة نجرب الإسلامية ؟؟

وبعدين لو عاوز نموذج ناجح للمدنية ذات المرجعية الإسلامية , عندك ماليزيا , دي بلد نفسنا نبقى ربعها ( مع مراعاة المكان و الديموغرافيا)

المشاركة الأصلية كتبت بواسطة otefa

مش فاهم أيه ألي مش واضح في تساؤلاتك؟

الدولة الاموية والعباسية و العثمانية كانوا اصحاب تقدم وعلم و احترام حقوق انسان؟ طيب لما هما كدا، ليه كانت الثورات بتقوم ضدهم ؟ وهل اصبح بنو امية والعباسيين الذين نكلوا بهم تنكيلا لما طردوهم وقتلوا منهم من قتل مثالا نحتذي به؟! بنو امية قتلة ال البيت هناخدهم مثال نحتذي بيه عشان نعمل دولة ديموقراطية تحترم حقوق الانسان ومتطورة؟


مش برضو ياافندم في تناقض كبير جدا في كلامك؟ انك جايب دول من قرون مضت وكانوا بيقتلوا بعضهم البعض وعايزنا نحتذي بهم؟

يافندم هو حضرتك مقتنع بالكلام دا فعلاً؟ ياريت تجيب دليل واحد ان الدول دي تقدمت في أي حاجة او عالم واحد خرج منهم وعمل نظرية علمية اتسمت بإسمه؟ او كان عندهم اي احترام للاخر في اي اي حاجة؟

واحنا هنمهد لباقي الدول عشان نعمل نظام خلافة؟ يعني احنا هنعمل ايه بالظبط مش فاهم؟ هنستنى ليبيا وباقي الدول تبقى اسلامية زينا وبعدين نعمل نظام الخلافة ؟ طيب يافندم هو مش نظام الخلافة دا النبي عليه الصلاة والسلام قال عنه في حديث صحيح :

" ‏ الخلافة في أمتي ثلاثون سنة ثم ملك بعد ذلك " رواه الترمذي وأحمد.

وفعلا دا اللي حصل بعد كدا؟ هل ياترى هننجح اننا نعمل خلافة مش ملكية رغم وضوح الحديث بالتنبؤ بما حدث ويحدث؟


أما ماليزيا، فحضرتك فاهم ماليزيا غلط، هل حضرتك قرأت عن ماليزيا اصلا عشان تقول عنهم بلد اسلامي؟

لو النموذج الماليزي اسلامي وتحب تطبقه.فانا موافق جدا واول واحد يوافق عليه هو العبد لله. ولكن احب اوضح لحضرتك كام نقطة بخصوص ماليزيا اللي انت شايفها اسلامية (في حقيقة الامر هي بلد علماني حتى النخاع )

اولاً ومن ويكيبيديا بالمصادر:


الإسلام هو الدين الرسمي في أغلب الولايات الماليزية وأكبر الأديان في ماليزيا، على الرغم من أن المجتمع الماليزي مجتمع متعدد الأديان. وفقاً لتعداد السكان والمساكن عام 2000، ما يقرب من 60.4% من السكان مسلمون، بينما تشكل البوذية 19.2%، 9.1% مسيحيون، الهندوس 6.3%، و 2.6% يمارس الكونفوشية والطاوية وغيرها من الديانات التقليدية الصينية. ما تبقى من الأديان، هي الإحيائية والدين الشعبي، والسيخية بينما أفاد 0.9 ٪ بأنهم إما ملحدون أو لم يقدموا أية معلومات.

هل حضرتك يا افندم تقبل وجود هندوس وكونفوشية و ديانات صينية ؟ هل لو بلد يطبق حكم اسلامي اصلا هيقبل بوجود الاصنام دي والتعددية دي؟ مش برضو طالبان اللي عايزين يرجعوا الخلافة هدموا تماثيل بوذا؟ مش برضو لما مفكر مصري من يومين بس قال لازم نعترف بالبوذية قامت الدنيا ولم تقعد؟

دا بالنسبة للتعددية.

بالنسبة للقوانين وهي الامر الفيصل والدليل القاطع انهم لا يطبقوا شريعة اسلامية ولا يحزنون وانهم بلد اسلامي قولا فقط "زينا كدا" :


يضمن الدستور الماليزي الحرية الدينية. يجب على المسلمين متابعة قرارات المحاكم الشرعية عندما يتعلق الأمر بالمسائل المتعلقة دينهم. يفترض بالقضاة الشرعيين اتباع المذهب الشافعي، والذي هو المذهب الرئيسي في البلاد، في أحاكمهم.[79] تقتصر أعمال هذه المحاكم على مسائل المسلمين فقط مثل الزواج والميراث، والردة وتحول الدين، والحضانة وغيرها. لا تخضع الجرائم الجنائية أو المدنية لاختصاص المحاكم الشرعية، التي لها تسلسل هرمي مماثل للمحاكم المدنية. رغم كون المحاكم المدنية هي المحاكم العليا في البلاد، فإنها لا تستطيع (بما في ذلك المحكمة الاتحادية) من حيث المبدأ نقض أي قرار يتخذ من قبل المحاكم الشرعية.

يعني يا افندم زينا تماما بالظبط، للمواريث والزواج وخلافه وحضانة الاطفال الخ......اما الجرائم الاخر فتطبق عليها القوانين التي وضعها البشر زينا زيهم وزي امريكا وزي فرنسا وزي كل الدول التي تحتكم لاحكام هذا العصر ولا تحتكم للشريعة الاسلامية.

فياريت يا افندم تقولي فين الدولة الماليزية الاسلامية اللي بتتحدث عنها دي؟ لاني ملقتش فيهم خالص فكر الدولة الاسلامية اللي حضرتك تقصده؟


نرجع بقا للكلام عن الدول التي انتهت منذ 1000 سنة، هل ينفع ناخد دول انتهت منذ 1000 عام كمثال رغم فشل الدول دي وانتهائها، ولانها لو كانت دول ناجحة لما كانت انتهت بهذا الشكل المهين ولكانت فضلت زي ما هيا؟ ناهيك عن فظاعة ما قام به خلفاء هذه الدول ( او لنكن اكثر دقة سلاطين هذه الدول-حيث ان لقب خليفة لم يعطى سوى لابناء قريش وغير ذلك تم تسميتهم بالسلاطين).


ويظل السؤال حائرا يا أفندم، هنطبق فكر الدول التي فشلت وانتهت بلا رجعة ازاي يافندم لو كنا عايزين نتقدم؟ وازاي نطبق فكر بقاله 1000 سنة والفكر دا افشل تلك الدول وادى للقضاء عليها. هل هو دا اللي حضرتك عايزه لمصر فعلاً؟

وليه مفيش ولا دولة طبقت الفكر دا طالما هو فكر ناجح كدا وكان قوي ؟ هل كل دول العالم اغبياء للدرجة دي واحنا اكتشفنا الاكتشاف الخطير دا؟

اعذرني يا افندم، لكن كلامك مردود عليه رد قوي، اما ان تستطيع ان تجيب على اسئلتي او ارجوك ان لا تدافع عن شيء انت غير قادر على الرد على استفسارات الغير عليه.


العلمانية والديموقراطية وغيرها من الاسماء ليست موضوعنا فرجاء متحرفش الموضوع...هل انا جبت سيرة اي حاجة من الحاجات دي وقلت انها احسن من حكم الخليفة الاسلامي؟ رجاء متحطنيش في موضع دفاع عن حاجات انا مجبتش سيرتها ( لحد دلوقتي بس :)



واشكر لك صبرك عليا و دماثة خلقك في الحوار .