المشاركة الأصلية كتبت بواسطة ehabvet
بصراحة مكنتش حاسس بأي فرق
سؤال يا عم احمد .. هو انت مفيش حد إلا اما لازم تخدمه .. حتى لو كان في آخر الدنيا؟
عمال انت بس تلم حسنات من ورانا .. مبتضيعش وقت .. ماشي يا سيدي .. مش خسارة فيك والله
ياايهاب باشا لو اى حد كان فى المريخ .. وفى ايد الواحد يخدم .. مش بيتاخر على حد .. وخصوصا لو كان اخ محترم وصديق مثلك ويستاهل كل خير .. وكمان بقا عضو اصيل ومستمر معانا وبيفيد الاعضاء .. وبقا صقر اصيل من صقور نيسان
المنصورة الحمد لله مش بعيدة
بس في سؤال تاني عالماشي إيه رأيك في بتوع شبين؟ .. هما أقرب .. أهو حتى كنا نروح نغتت على بيشوي شويه ونخليه يعزمنا عند صفصف
شبين قريب بردوا ولو عايز اى خدمة من هناك مفيش مشكلة كلمنى وانت رايح وانا عنيه ليك وتحت امرك
وبخصوص الاكل عند بيشوى ابقا كلى معاك .. مع ان معرفش صفصف ده بتاع ايه
سؤال تالت: هو المفروض الصيانة الجايه تبقى إمتى؟
انت عملت صيانة ال50 الف .. يبقا اعمل صيانة ال55 الف .. مع انها بسيطة ومش حيعملوا حاجة .. بس اسمك رجعت داومت على الصيانات مرة تانية
وياريت يكونوا خاتموا كتاب الضمان فى الاتحاد الوطنى .. وياريت تكلم 16244 وتتاكد من الكلام اللى قولتهولك .. وكمان فوق منهم كلم السبع فى التليفون واتاكد
سؤال رابع: هو العرض اللي كنت سألتك عليه لسه شغال؟
لسه شغال وحينتهى اخر شهر 6 .. ول حتيجى تعمله قولى قبلها عشان اكون معاك .. عشان تبقا فرصة اتعرف عليك كمان
سؤال خامس: انت بتجيب الوقت إنك تخدم الناس دي كلها وترد على الأسئلة دي كلها منين؟؟؟؟؟
والله انا دلوقتى حاسس انى مقصر يا ايهاب فى الردود , وخدمات الناس .. لان القسم عندنا بقا فى موضوعات اكبر من زمان وفى اعضاء اكتر .. والموضوعات والخدمات والمشاكل بتزيد ..
وبحاول اشوف وقت وانا فى الشغل او لما بروح وارد على الناس , ونحاول نخدم لوجه الله
وصدقنى هى بتيحى بالحب
لان الاعضاء اللى معانا فى القسم واللى الواحد اتشرف بيهم يستاهلوا كل خير .. ووجودهم معانا بيعطى لينا دافع اكبر لزيادة الحافز ليهم وتقديم كل ما هو مفيد للاعضاء
والدليل اهو .. مكسبنا بوجودك معانا .. فاكيد ده بيحملنا مسئولية كبيرة .. لتقديم كل جديد ومفيد لايهاب وكل الاعضاء المحترمة اللى زى ايهاب
وربنا يديم المعرفة والصداقة والود بينا والحب فى الله
وان شاء الله اتشرف بيك فى اقرب فرصة باذن الله
تحياتى