صوت تكتكة جامد مستمر جاي من ناحية الكبوت

**zater213** · 24-06-2011 03:18 PM

المشاركة الأصلية كتبت بواسطة darkmagician

بص هو في حاجتين بيسببو الصوت ده السخونة او الشوائب بتاعة البنزين لو الشوائب بتاعة البنزين الظاهرة دي اسمها knocking وهي ظاهرة غير مرغوبة وتدل ان البنزين مش نضيف بس دي تمسعها وانت ماشي بالعربية كان في خبط في معدن المكنة والظاهرة دي شرحها طويل جدا فمتقلقش لكن ما دام الصوت بعد قفل العربية يبقى زي ما قلنالك دي ناتجة عن فرق سخونة المكنة والجو وان شاء الله لو رحت الصيانة اطمن برضو بس متحطش الموضوع في دماغك لحد الصيانة لان لحد دلوقتي اتنين قالولك الصوت ده طبيعي فاطمن بقى

بس انا بحط بنزين 92 وماكنتش بسمع الصوت دة قبل ما اروح صيانة الالف

**DarkMagician** · 24-06-2011 03:21 PM

المشاركة الأصلية كتبت بواسطة zater213

بس انا بحط بنزين 92 وماكنتش بسمع الصوت دة قبل ما اروح صيانة الالف

انا غلطان اني اقولك معلومة تطمنك

انا قلتلك لو انت ماشي بالعربية وسمعت صوت خبط يبقى ده من البنزين

لو بعد ما بتقفل العربية يبقى زي ما الشباب قالولك عادي متقلقش

**DarkMagician** · 24-06-2011 03:51 PM

المشاركة الأصلية كتبت بواسطة samsong

+1111111
لاتقلق ده الصوت عندنا كلنا وعندي في التيدا والصني والهوندا وري مقلتلك تلاحظه في الشتاء اوبالليل اكتر او الصبح بدري
لاتقلق

هو يمشي في الباركن بتاع كارفور كده وحيسمع مزيكة من الصوت ده

**DarkMagician** · 24-06-2011 03:59 PM

المشاركة الأصلية كتبت بواسطة samsong

فكره تحفه بس هو كده خلاص اطمئن لثقته في المنتدي
وتحت امره دائما

**ahmedhawas** · 24-06-2011 04:39 PM

أولا الصوت ده طبيعي وميعتبرش مشكلة.
والصوت ده بالذات في اتنين فسروه تفسير مقنع (جدا):
1- لو الصوت ده من ناحية مانيفولد العادم (تحت العربية): يبأى العازل الحراري"heat shield" الألومنيوم اللي حوالينه وحول ماسورة العادم وهو بيفقد الحرارة بعد طفيان الموتور. وده زي ما قال م/حاتم فوزي.
وصاحب الموضوع هو أقدر واحد إنه يحدد مصدر الصوت من تحت ولا لأ.
2- كان في مشاركة لأستاذنا سبعاوي من زمان (بس مش فاكر موضوعها بالظبط) : كان بيقول ان ده صوت تفريغ البنزين من الرشاشات بعد طفيان الموتور مباشرة.

والله أعلم.

**melbeltagy** · 24-06-2011 04:45 PM

لو مشغل التكييف ده صوت المياه اللي في التكييف لأن حصل عندي وأتأكدت إنه التتكيف

**Ahmed.TV** · 24-06-2011 05:04 PM

المشاركة الأصلية كتبت بواسطة ahmedhawas

أولا الصوت ده طبيعي وميعتبرش مشكلة.
والصوت ده بالذات في اتنين فسروه تفسير مقنع (جدا):
1- لو الصوت ده من ناحية مانيفولد العادم (تحت العربية): يبأى العازل الحراري"heat shield" الألومنيوم اللي حوالينه وحول ماسورة العادم وهو بيفقد الحرارة بعد طفيان الموتور. وده زي ما قال م/حاتم فوزي.
وصاحب الموضوع هو أقدر واحد إنه يحدد مصدر الصوت من تحت ولا لأ.
2- كان في مشاركة لأستاذنا سبعاوي من زمان (بس مش فاكر موضوعها بالظبط) : كان بيقول ان ده صوت تفريغ البنزين من الرشاشات بعد طفيان الموتور مباشرة.

والله أعلم.

الله يفتح عليك يا بوحميد .. هو ده الكلام انت جبت من الاخر

صاحب الموضوع بخصوص انك مكنتش بتسمع قبل كدا لانك مكنتش بتدى ودنك معاه .. ولما لمحت الصوت ده ابتديت تركز فبقيت تسمعه .. لكن هو طبيعى جداا