يا خبراء البريليانس
فيه انهاردة إعلان فى ملحق الأهرام من شركة "عربيات" فى المهندسين عارضة جالينا بسعر 99,900 جنيه.
كاتبين إن ده سعر جديد. حد عنده فكرة عن خلفية الموضوع وإذا كان ده لموديل بكماليات أقل عن العادى.
:shyy:
عرض للطباعة
يا خبراء البريليانس
فيه انهاردة إعلان فى ملحق الأهرام من شركة "عربيات" فى المهندسين عارضة جالينا بسعر 99,900 جنيه.
كاتبين إن ده سعر جديد. حد عنده فكرة عن خلفية الموضوع وإذا كان ده لموديل بكماليات أقل عن العادى.
:shyy:
الاهم من العربيه .هل منتشرة هل متوفر لها قطع غيار ولا نظام انتظر احنا بعتنا للصين يجبوها وسعاتك تركب موصلات ورامى عربيتك عندهم . هل لو قدر الله وحبيت تبيع لاى ظرف تلاقى 80% من فلوسها ال دفعتها ولا ما تلاقيش . هل عربيه اعتماديه بمعنى تبقى معاك اربع سنوات بدون عطل وزيارة الوكيل تغيير زيوت وفلاتر فقط ولا من اولها تصليح وهى كدة ومعلش وحظك والحكايه والروايه عايزين رد من مستخدمين هذة السيارة علشان الكل يستفاد
From the outside the car looks nice ... but what's inside the car ...?that's the issue
طبعا متفق معاك. وفعلا يبقى مفيد جدا رد من مستخدمى العربية عن الصيانة واسعار قطع الغيار.
أنا يمكن أكثر حاجة شدت إنتباهى السياسات التسعيرية للتوكيلات وده سبب إنى ذكرت الخبر (مش بسبب إنى بفكر أشترى العربية مع كامل إحترامى لكل اللى عاجباه).
ده أنخفاض 30% على الأقل بإفتراض الفئة الأولى. :majd(4):
العربيه كانت زيرو ب 145 تقريبا ..
فجاه تبقى ب 100 الف
الى اشتراها زيرو ب 145 يعمل فى نفسه ايه طيب ؟؟
يا جماعه انا معايا العربيه دي واللي عايز يستفسر عن اي شيئ يا ريت يتصل بي علي رقم 0100211660
والعربيه دي يا جماعه جميله اوي وملهاش حل العربيه دي الحمد لله الله اكبر معايا من 2006 والحمد لله مفيهاش اي اعطال خالص
اسلام صباح
0100211660
اللي اشتراها ب 145.000 لبس اكبر...... في حياته خساره حوالي 80.000 لو فكر يبيع ربنا يكون ف عونه
مظنش هى هى .... هم عندهم منها موديلات كتيرة عشان الجالينا بتتقفل هنا (الوحيدة فى بريليانس)
كلم فرع الملتقى العربى لو مهتم
جالينا مين يا عم .. 2000 سي سي و حرق بنزين و الصيف و التكييف و خراب بيوت يا عم .... والله محترمة اوي العربية دي بس انا بالنسبة ليا مش هتبقي النقلة الكبيرة اوي ... و اعتقد كمان سعرها هيقل كمان و كمان لما الوكيل نفسه او الام نفسها بتاعت البريليانس تيجي هنا كمان سنة و نصف ولا حاجة ..... و قطع الغيار هتبقي زي سعر الكوري عادي بتاع الهيونداي و الكلام دة و مش هيبقي في جمارك بقي في الحوار دة
يا جماعة احنا بنفكر جديا فيها بس هى فعلا بالسعر ده والأمكانيات الى بيقولوا عليها طب ممكن عنوان اى معرض نروح نتفرج عليها دى فخمة جدا وكانت اغلى من كده
معقول عربيه بالحجم ده والفخامه دةى واتوماتيك وامكانيات كتير بالسعر ده؟؟؟؟؟؟؟
كلام ثقه المعرض ده عمل صفقه مع برليانس واخدت 450 عربيه جالينا وبنسبه 99 في الميا بقى الحصري الي يبيع الجالينا
والعربيات كلها زيرو بس في منها موديلات قديمه سنه بس زيرو ومش اتباع ومتسجل 2011 بس مفيهوش عيوب
عن نفسي الجالينا مع صديقي اخدها مستعمل من التوكيل وتقسيط وبدون فوايد كمان
العربيه دي جامده فعلا بس اكبر مشكلتين فيها يدايقوا جامد العفشه الناشفه اوي اوي والبرجل بتاعها لا يساعد على المشي في الزحمه ولا اليوترن لازم بقى تقعد توسع لنقسك وتلف على الواسع ولا غلط في التقدير في الغالب اتسوحت بس صاحبي خلاص اتعود عليها بس غير كده العربيه مالهاش حل في الثبات والوسع والتقفيل كويس جدا جدا
انا رحت مخصوص اتفرجت عليها ما شاء الله طبعا تحفة بس فى عربيه المندوب فرجنا عليها طبعا هى زيرو بس عددها كان عامل حاجه وسبعين كيلو وفوقه رقم تانى 2000 كيلو وكمان كان استيك الى بيكون فى ظهر الكراسى الأماميه كان مبهواء وجلد الفتيس مش مريح والماتور كان من تحت فيه شىء كانه مصدى غريبه جدا حبينا نتفرج على الفيرناى الى كانت واقفه قال متباعة بس بصراحة ازاى نعرف انها 2011 ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟
العربيه ملهاش حل بصدق بس الى شفناها مش مطمئنة اوى الى كانت داخل المعرض كانت حلوه
والأسعار ممتازه مين يعرفنا ازاى نفرق بين 2011 بجد والى كانت مركونه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
هى كان فى جالينا ب100000
وفى ب102 الى هى لونان والصراحة شكلها كان تحفة فى ماعاد الملاحظات الى قلت عليها وعندهم رينو سكالا وكيا كلها هما موزعيين معتمدين لرينو واعتقد كيا
ومافيش اخبار عن fsv نازلة امتي وياتري حيبقي سعرها كام