بريليانس جالينا بسعر جديد

**magnifico007** · 24-06-2011 03:11 PM

يا خبراء البريليانس

فيه انهاردة إعلان فى ملحق الأهرام من شركة "عربيات" فى المهندسين عارضة جالينا بسعر 99,900 جنيه.

كاتبين إن ده سعر جديد. حد عنده فكرة عن خلفية الموضوع وإذا كان ده لموديل بكماليات أقل عن العادى.

**raedegypt** · 24-06-2011 03:27 PM

الاهم من العربيه .هل منتشرة هل متوفر لها قطع غيار ولا نظام انتظر احنا بعتنا للصين يجبوها وسعاتك تركب موصلات ورامى عربيتك عندهم . هل لو قدر الله وحبيت تبيع لاى ظرف تلاقى 80% من فلوسها ال دفعتها ولا ما تلاقيش . هل عربيه اعتماديه بمعنى تبقى معاك اربع سنوات بدون عطل وزيارة الوكيل تغيير زيوت وفلاتر فقط ولا من اولها تصليح وهى كدة ومعلش وحظك والحكايه والروايه عايزين رد من مستخدمين هذة السيارة علشان الكل يستفاد

**egyptiandiver** · 24-06-2011 03:32 PM

From the outside the car looks nice ... but what's inside the car ...?that's the issue

**magnifico007** · 24-06-2011 07:12 PM

المشاركة الأصلية كتبت بواسطة raedegypt

الاهم من العربيه .هل منتشرة هل متوفر لها قطع غيار ولا نظام انتظر احنا بعتنا للصين يجبوها وسعاتك تركب موصلات ورامى عربيتك عندهم . هل لو قدر الله وحبيت تبيع لاى ظرف تلاقى 80% من فلوسها ال دفعتها ولا ما تلاقيش . هل عربيه اعتماديه بمعنى تبقى معاك اربع سنوات بدون عطل وزيارة الوكيل تغيير زيوت وفلاتر فقط ولا من اولها تصليح وهى كدة ومعلش وحظك والحكايه والروايه عايزين رد من مستخدمين هذة السيارة علشان الكل يستفاد

طبعا متفق معاك. وفعلا يبقى مفيد جدا رد من مستخدمى العربية عن الصيانة واسعار قطع الغيار.

أنا يمكن أكثر حاجة شدت إنتباهى السياسات التسعيرية للتوكيلات وده سبب إنى ذكرت الخبر (مش بسبب إنى بفكر أشترى العربية مع كامل إحترامى لكل اللى عاجباه).

ده أنخفاض 30% على الأقل بإفتراض الفئة الأولى.

**KHALED AYMAN** · 25-06-2011 03:38 AM

العربيه كانت زيرو ب 145 تقريبا ..
فجاه تبقى ب 100 الف
الى اشتراها زيرو ب 145 يعمل فى نفسه ايه طيب ؟؟

**sabbahcenter** · 25-06-2011 03:59 AM

يا جماعه انا معايا العربيه دي واللي عايز يستفسر عن اي شيئ يا ريت يتصل بي علي رقم 0100211660
والعربيه دي يا جماعه جميله اوي وملهاش حل العربيه دي الحمد لله الله اكبر معايا من 2006 والحمد لله مفيهاش اي اعطال خالص

اسلام صباح
0100211660

**goingonlovingu** · 25-06-2011 10:59 PM

اللي اشتراها ب 145.000 لبس اكبر...... في حياته خساره حوالي 80.000 لو فكر يبيع ربنا يكون ف عونه

**akramesg** · 26-06-2011 12:35 AM

مظنش هى هى .... هم عندهم منها موديلات كتيرة عشان الجالينا بتتقفل هنا (الوحيدة فى بريليانس)

كلم فرع الملتقى العربى لو مهتم

**bassem.kamal** · 26-06-2011 05:55 PM

جالينا مين يا عم .. 2000 سي سي و حرق بنزين و الصيف و التكييف و خراب بيوت يا عم .... والله محترمة اوي العربية دي بس انا بالنسبة ليا مش هتبقي النقلة الكبيرة اوي ... و اعتقد كمان سعرها هيقل كمان و كمان لما الوكيل نفسه او الام نفسها بتاعت البريليانس تيجي هنا كمان سنة و نصف ولا حاجة ..... و قطع الغيار هتبقي زي سعر الكوري عادي بتاع الهيونداي و الكلام دة و مش هيبقي في جمارك بقي في الحوار دة

**fineart607** · 27-06-2011 02:16 AM

يا جماعة احنا بنفكر جديا فيها بس هى فعلا بالسعر ده والأمكانيات الى بيقولوا عليها طب ممكن عنوان اى معرض نروح نتفرج عليها دى فخمة جدا وكانت اغلى من كده
معقول عربيه بالحجم ده والفخامه دةى واتوماتيك وامكانيات كتير بالسعر ده؟؟؟؟؟؟؟

الموضوع: بريليانس جالينا بسعر جديد

LinkBack

أدوات الموضوع

عرض

-

-

-

-

-

المواضيع المتشابهه

مساعده فى بريليانس جالينا

بريليانس جالينا السعر الجديد99900

بريليانس جالينا 2007

بريليانس جالينا وخسارة عند البيع

سعر بريليانس جالينا 2007

الكلمات الدلالية لهذا الموضوع

المفضلات

المفضلات

ضوابط المشاركة