عرض للطباعة
طب انا دلوقتى بفكر اشترى لانسر جديدة
قولت ادخل على المنتدى الجميل بتاعنا اشوف ايه الاخبار
لقيت حاجة لذيذة جدا
واضح انه فيه 100 نوع من اللانسر
لانسر مكوة و لانسر كريستاله و لانسر بطه ولانسر ارنبه ولانسر شارك ولانسر بومة
فانا كده مش فاهم ايه الفرق مابين الانواع الكتير اوى دى !!:crying2::crying2:
ارجوكم حد يفهمنى
السلام عليكم و رحمة الله و بركاته
لأنك عاوز تشترى لانسرجديدة, فأنت يا اما تشترى لانسر بوما,لأنى أعتقد أنه لازال بينزل منها الجديدة زيرو أو اللانسر الشارك, لكن الأرنبة و المكوة و الكريستالة, دى موديلات أقدم من اللانسر و ماعادتش بتتصنع و لا بينزل منها جديد.
دى اجابة كده على أدى لحد ما أحد الأخوة الأفاضل خبراء اللانسر يدخلوا و يقولوا كووووووووووووووووووول المفيد .
بص يا كبير عشان مش تحتار
الكرستاله ده موديل 97-98-99 -2000
المكواه ده موديل 2001-2002-2003
البومه موديل من 2004 الى 2011
القرش اللى موجوده فى مصر موديل 2008-2009 فقط
الجديد اللى ممكن ينزل على كلام التوكيل هيكون بومه ان شاء الله و ده فئات
منها 1300 و منها 1600
و ال 1600 منها كلاسيك و هاف اسبورت و اسبورت
كلاسيك اتوماتيك و كهرباء و باور
هاف اسبورت بيزيد عن الكلاسيك جنط و عتب و فوج لايت و نص عفشه رياضيه و abs
اسبورت بتزيد عن الكلاسيك كساحات و عتب و فوجات و 2 اير باج و جنط و اسبويلر و فتحه سقف , ABS
و اى سؤال انا معاك
اقتباس:
المشاركة الأصلية كتبت بواسطة hamada_amg
أشكرك بشدة يا باشا على ردك السريع و الوافى :)
هل تنصحنى انى استنى اللنسر البومة الجديدة لما تنزل ولا اشوف نيسان صنى جديدة ؟؟
لو البومة نزلت غالية بشكل مبالغ فيه هات النيساناقتباس:
المشاركة الأصلية كتبت بواسطة engahmedamin
.اقتباس:
نص عفشه رياضيه
يعني ايه نص عفشة رياضية !
اقتباس:
المشاركة الأصلية كتبت بواسطة engahmedamin
بص ياباشا الناس مستنيه البومه من شهر 1 اللى فات و لحد دلوقتى مفيش
انا كلمت الوكيل من يومين قالى على الاسبوع الجاي اللى هو بدايته النهارده
اعمل زيي و استنى اسبوع او اتنين بالكتير لو مش نزلت يبقى شكرا كده و دور على غيرها
و عموما هى السبورت منها هينزل ب 130 الف
اقتباس:
المشاركة الأصلية كتبت بواسطة nice_bird
و الله ياباشا نص عفشه ده انا لحد دلوقتى حاسس انها اشتغاله من الوكيل السابق لكن هو مزود على الكلاسيك حاجات زي الفوج و الجنط عشان كده اداها الاسم ده و الله اعلى و اعلم
بس ده فروق الوكلاء كلها سيان القديم او الجديد
تقريبا قصده بنص عفشة رياضية
ان العفشة اللي حتنزل رياضية بس من غير الميزان الخلفى اللي هو بيديك الثبات على الملفات
اعتقد كده