السيفيك بتاعتك بتجيب ال 100 في كام ؟؟؟؟؟

**vjack** · 04-07-2011 02:30 PM

المشاركة الأصلية كتبت بواسطة No Comment

قولوا لا إلاه الا الله ... لا يجوز الحلفان بالنبى .
وبعدين يا محمد Ek4 ربنا يكرمك يارب حروف كلامك بتخلينا نحول على ما نفسرها ... دى الفرانكوا أراب ارحم يا عم .

وبعدين انتوا كلكم بلا استثناء مبتزهقوش من المناهدة ... انا تعبتلكوا بصراحة ولو شفتكوا فى المقابلة اللى شكلها مش هتحصل اصلاً هشوف أبعد مكان عنكوا وأعملى قعدة مخصوص جنب أبو حنين السكرة ان شاء الله حتى لو هرجع اشرب شيشة تانى .

وشكل الرُكنة دى هينضملها اعضاء كتير ...!

حبيب قلبي يا غالي أنا أول المنضمين للركنة بتاعتك
لأن أنا برضه باكره المناهده بزات لما تبقى مبنية على باطل
ياعم هقعد جنبك واكل بيتزا كمان إن شاء الله عشان ماتقولش حرمتك من حاجة

**No Comment** · 04-07-2011 02:47 PM

المشاركة الأصلية كتبت بواسطة vjack

حبيب قلبي يا غالي أنا أول المنضمين للركنة بتاعتك
لأن أنا برضه باكره المناهده بزات لما تبقى مبنية على باطل
ياعم هقعد جنبك واكل بيتزا كمان إن شاء الله عشان ماتقولش حرمتك من حاجة

حبيبى يا عمدة ... لو تسمحلى يعنى أقولك يا عمدة لانى بقولها للى لقبه عماد .
بس انت لازم يعنى ترمليك كلمتين قبل ما تقعد ...!
انتوا مبتتهدوش حتى وانتوا داخليين تقعدوا ... عموماً بقينا كدة ثلاثة .

**No Comment** · 04-07-2011 02:54 PM

المشاركة الأصلية كتبت بواسطة lord_of_egypt22

وصلوا علي النبي داينو ايه اللي هايزعلنا من بعض ولا حتي هورس باور

عليه الصلاة والسلام ... وبلاش تذكر هورس باور لحسن ده زميل لينا هنا وممكن نقطعك فيها .
وانشاء الله مفيش خلاف ولا حاجة ... دى مجرد مناغشات عفوية بنسخن بيها القسم .

**SAMEH_FOUAD** · 04-07-2011 08:56 PM

ياجماعة ربنا مايجيب مشاكل حصل خير

بس انا نفسى بجد حاجة تتغير فى معظم اعضاء القسم هنا هو اسلوب طريقة التعديل سواء باضافة معلومة , او بتصحيح معلومة

والمشكلة انهم ممكن يطلعوا فاهين غلط فى الاخر

فانا بطلب من حضراتكم جميعا لو فية اى تعديل يكون باسلوب كويس

مش كفاية القسم نايم كمان يبقى فية منازعات على كلام فاضى عمرنا ماشوفنا فى اقسام تانية

شكرا على حسن تعاونكم

**SAMEH_FOUAD** · 04-07-2011 09:40 PM

المشاركة الأصلية كتبت بواسطة vjack

مفيش مشاكل أبدا وانا بايد كلامك 100 في ال 100

أحب اضيف عليه كمان إن برضه في بعض الاعضاء لا يقبلون النقد أو الاضافة باي حال من الأحوال حتى لو كان زي مابتقول فاهمين غلط فالاخر

اكيد طبعا طالما فعلا تم التأكيد على ان هذا التعديل صحيح , يبقى لازم كلة يقبل النقد ويفهم انة قال حاجة غلط ولازم التصحيح ويتم النقاش بصورة راقية تليق بمستوى الاعضاء وفكرهم المتحضر