هى الكريستالة ليها فلتر تكييف ؟

**heshamzaky** · 06-07-2011 04:59 PM

بما أن عندك وساخة داخل الدورة ممكن يتعمل حاجة اسمها فاكيوم يعنى شفط للوساخة الى فى الدورة بالكامل
و الاقوى الطريقة البلدى طبعا و هة تنظيف كل الخراطيم و السربنتينة و التلادة من الداخل بالتنر و البنزين حا تنزل وساخة لا تتخيلها دى داخل الدورة مش غسيل من برة
الخراطيم بتحط فيها بنزين و تتكبس هواء بالكومبريسور حا تبقى فلة و الدراير أو الفلتر برضو يتنظف

**mohammedabdallh** · 06-07-2011 08:15 PM

ايه يا باشا الجمال والحلاوه دى وايه الصور دى كلها انت ما سبتش حاجه لحد يفتى فى اى حاجه انت برنس يا كبير
كدا انت هتخلينى اروح للراجل الى انت قولتلى عليه وانا مغمض ده شكله كدا ملوش حل وراجل عنده ذمه
يارب مغيرشى الكباس لاحسن الواحد مستوى اوى كدا اليومين دول
سيبك انت الكبير كبير

**heshamzaky** · 06-07-2011 08:26 PM

المشاركة الأصلية كتبت بواسطة mohammedabdallh

ايه يا باشا الجمال والحلاوه دى وايه الصور دى كلها انت ما سبتش حاجه لحد يفتى فى اى حاجه انت برنس يا كبير
كدا انت هتخلينى اروح للراجل الى انت قولتلى عليه وانا مغمض ده شكله كدا ملوش حل وراجل عنده ذمه
يارب مغيرشى الكباس لاحسن الواحد مستوى اوى كدا اليومين دول
سيبك انت الكبير كبير

يا باشا العفو أية الكلام الجامد دة كلة
لو عاوز صور تانى عندى ههههههههه
لو دخلت على رابطة التمبرا حا تشوف صور لكل مسمار تقريبا فى التمبرا

**mohammedabdallh** · 06-07-2011 10:46 PM

المشاركة الأصلية كتبت بواسطة heshamzaky

يا باشا العفو أية الكلام الجامد دة كلة
لو عاوز صور تانى عندى ههههههههه
لو دخلت على رابطة التمبرا حا تشوف صور لكل مسمار تقريبا فى التمبرا

ربنا يخليك لينا يا باشا وللمنتدى العظيم ده

**heshamzaky** · 07-07-2011 01:54 AM

المشاركة الأصلية كتبت بواسطة mohammedabdallh

ربنا يخليك لينا يا باشا وللمنتدى العظيم ده

يا باشا العفو على أية

**heshamzaky** · 07-07-2011 01:58 AM

المشاركة الأصلية كتبت بواسطة momo44

ممكن اعرف الراجل ده فين
وتقريبيا سعر لحام السربنتينة كام +سعر شحن الفريون كام
؟؟؟؟

دة ورشة عادية جدا و أقل من العادى كمان مش مركز و لا حاجة بس ناس عندهم ضمير و الورشة فى عين شمس أمام سور مترو الانفاق
الفريون الى بيشحن بية و الزيت الى بيحطة فى الكباس أسمة هارب دة أنجليزى و الشحن ب 200 جنية
بالنسبة للسربنتينة و لحامها بيودى السربنتينة تتلحم عند واحد فى عين شمس أنا مش عارف مكانها بس زبون عندة قالى أن الراجل الى بيلحم عندة السربنتينة دكتور و استاذ السربنتينة لحمتها ب 50 جنية و طبعا حسب الشغل الى بيعملة بيحاسب علية

**heshamzaky** · 07-07-2011 02:03 AM

الصور

**mohammedabdallh** · 07-07-2011 11:29 AM

المشاركة الأصلية كتبت بواسطة أبو_حمزة

عفوا يا جماعة اذا كان الفتى بتاعى ضايق أى حد واسف جدا
واضح ان انا كنت فاهم الموضوع غلط من أوله
كنت فاهم اننا بنتكلم عن فلتر تكييف اللى معناه فلترة الهوا اللى داخل الكابينة
مش فلتر للفريون نفسه أو اى حاجة تانية
واضح انى مش مركز و اتكلمت بدون فهم تماما
بس بجد عايز افهم لو ممكن بصبر شوية عشان معرفتى قليلة
ازاى وجود مشكلة فى دورة الفريون تسبب خنق الهوا الداخل للكابينة؟؟ اعتقد ده كان اصل الموضوع
و 1000 شكر على تصحيح المعلومات الخاطئة
و اسف كمان مرة على الفتى

والله مافى مشكله خالص
احنا كلنا مكناش نعرف حاجه وعادى جدا
وحده وحده بتعلم الفلتر ده مسؤل عن فلترة الفريون وبيدخل فريون خالص للتلاجه من غير اى شوائب ((او اى زيت زى ما حصل عندى وانسد)) الى بتبقى فى دايرة التكييف
وعادى كلنا بنخطىء
بس لما نخطىء لازم نستنى الردود يمكن احنا غلط ومش فهمين