الموضوع: سرقة السيارات فى مصر

ارحب باصدقائى بعد مرور عام ... لم اشارك او اتقابل معكم
ده طبعا لسفرى خارج مصر .... وبعد قراراى بالرجوع مرة اخرى اكتشفت ان بلدنا مازالت بتعانى من عدم الاستقرار الامنى وى اصبح وجود سرقات السيارات شئ عادى جدا ولكن يوجد حلول او مساعدات طرقت على الساحة الاعلامية او حتى على الفيس بوك او اى حد بيتكلم على كيفية حماية السيارة من السرقة ....
عشان كدة بدات اسال يا ترى فى حل لتركيب جهاز او وسيلة لتبطيل السيارة افيو من الحركة بعد غلقها وتركها مركونة فى اى حتة
ولا لا ؟؟؟؟
عند نفسى فى واحد بيقولى انوا يقدر يعملى الموضوع ده بطريقة لذيذة اوى وى دى التاكسيات عملنها
وهى انك تدوس على دواسة الفرامل ثم فتح الباب فى نفس الوقت ..... وده بيفصل الكهرباء عن السيارة تماما
ثم يمكن استرجاع الكهرباء مرة اخرى عن طريق مفتاح موجود داخل السيارة ... اى مفتاح سحرى .... صراحة الفكرة عجبانى جدا جدا لكن انا برضوا متخوف من حدوث اى مشكلة بالسيارة خاصة انهاا لسة جديددة ؟؟؟؟ فهل فى اقتراحات اخرى يمكن الاستفادة منها ....
ارجو المشاركة حتى يستفيد الجميع .....

بصوا يا جماعة حتى لو حطيت موبايل وتتبع العربية وعرفت مكانها هتجيبها ازاى العربيات اللى بتتسرق بتتباع لناس معينة ودول بيبقى فى كوم السمن فى القليوبية او عرب بلبيس والعربية اما بتدفع الحلاوة وترجعلك لو عرفت توصل لهم وده مش مضمون يعنى ممكن تدفع وبرضه مترجعش اما بتتباع قطع غيار او بتتهرب لغزة عن طريق الانفاق اولا حاجة خلى سرقة عربيتك صعبة يعنى ممكن تحط مفتاح فصل كهرباء وكمان اى وسيله ميكانيكية قفل دركسيون او فكرة الصاج المقوى تحت الدواسات اللى زميلنا الفاضل قال عليها حاجة تانية بلاش النزول ليلا بدون سبب قهرى ودايما بلاش المشى فى الطرق الفرعية الفاضية خصوصا حول الدائرى بقدر الامكان بلاش تقف لاى حد فى الطريق خصوصا ليلا وربنا يسامحك بقى اوعى تركب معاك حد وحتى لو شفته غلبان اديلوا ثمن تاكسى وامشى لو شفت حد واقع على الطريق اطلب الاسعاف من موبايلك ومتقفش