انا من انصار الدستور اولا
1-اولا دا مش انقلاب على الاستفتاء لان الاستفتاء دا مكانش له اى لزمة اساسا لما المجلس العسكرى اسقطه بالاعلان الدستورى يعنى الاستفتاء بيقول تعديل المادة كذا و الغاء المادة كذا من دستور 71 قام المجلس قال ان دستور 71 سقط و شال كل المواد و اضاف و حذف مواد من عنده يبقى ازاى نقول الاستفتاء ؟؟؟؟
ثانيا انا لا علمانى و لا بطيخى , سبب الدستور اولا ان مفيش حاجة اسمها مجلس الشعب يعمل دستور يحكمه , يعنى مينفعش انا مثلا اللى اعمل قانون الشركة اللى انا بشتغل فيها!!! ثانيا ممكن مجلس الشعب المنتخب المرة اللى جاية يكون مثلا اغلبيته علمانيين يقوموا يعملوا دستور يلغوا منه الدين او يكونوا اخوان فيفصلوا دستور على مزاجهم لمصلحتهم , طيب هتقولى ماهو الشعب هو اللى انتخبهم و هو اللى هيوافق على التعديلات دى , اقولك لو مثلا نزلنا و انتخبنا الاخوان مثلا و ثبت لنا بعد المدة بتاعتهم انهم مش كويسين او لهم اجندة او اى حاجة زى ما فى امريكا ممكن الحزب الجمهورى يكسب و بعدين الناس تكتشف انها غلطت فتنتخب الديموقراطيين فى الانتخابات اللى بعدها و تسقط الحمهورى , مينفعش يكون الجمهوريين هما اللى عاملين الدستور.
ثانيا انا متوقع نسبة من الفلول بتاعت الواطى تنجح فى الانتخابات اللى جاية سواء بنفسها او ناس تبعهم بسبب الجهل و الامية اللى فى مصر فخطر نسيب الاشكال دى تشارك فى تشكيل الدستور .
بعدين معظم الناس اساسا اللى قالت نعم فى الاستفتاء اللى المجلس العسكرى لغاه لما عمل اعلان دستورى كانت بتقول نعم علشان الاستقرار لانهم قالوا ان دى اسرع حاجة تعمل استقرار فلو عملوا الدستور الاول و مشيوا على المخطط بالانتخابات قبل اخر السنة هيبقوا رضوا الناس اللى عايزة استقرار , الناس التانية اللى عايزة الدين و خايفة علشان المادة التانية كان فى اقتراح من البرادعى اننا نعمل حاجات متفق عليها ان الدين الاسلامى هو المصدر الرئيسى للتشريع و غيره من الحاجات اللى لا يمكن حد يختلف عليها اننا كلنا متساويين قدام القانون و غيرها و نخليها مثلا فى حاجة فوق الدستور لا تعدل اطلاقا ! و كدا هيبقوا رضوا 100% من الشعب المصرى و كل واحد يبقى مطمن!
و لا ايه رايكوا يا جماعة؟
اللى بيقول الدستور اولا انقلاب على الاستفتاء من فضلك اقرا السؤال اللى كان فى ورقة الاستفتاء كويس.
المفضلات