مبني 5 أدوار في المنصورة وقع في لحظة .. فيديو

**Ruin Scud** · 24-06-2011 07:29 PM

تخلف + تخلف وعدم وجود ادنى مستوى من المسئوليه او الأمان رحمتك يارب.

**MASERATI** · 24-06-2011 07:30 PM

السلام عليكم و رحمة الله و بركاته

أنا فعلا سمعت عن العقار ده لما انهار من حوالى 4 أيام و كان من العقارات اللى مبنية أيام الثورة و صاحبه كان عاوز يبنى قصر زى بتاع محمد أبو موسى بتاع العربيات النقل المرسيدس اللى على طريق دمياط, أنا سمعت و العهدة عالراوى أنه عرض 3 مليون جنيه على محافظ الدقلية -برضه زى ما محمد أبو موسى دفع لسعيد صوان لما بنى القصر بتاعه- بس المحافظ رفض.

بس, اللى يزعل فى الموضوع فعلا, الواد اللى كان راكب الدقاق, أخباره ايه ؟؟؟؟؟؟!!!!!!

**medododo** · 24-06-2011 07:44 PM

لا مش دي المشكلة ما المبني اتبني واللي حصل حصل المفروض الدولة تصادر المبني ويصبح املاك دولة
متبئاش الحكاية هد في هد
ما هي برضه فلوس سواء فلوس افراد أو فلوس دولة
يبئى بدل الهد الدولة تستفيد وتحرق دم مغتصبين الاراضي
ويكون الهد برضه سلاح بس سلاح تاني بمعني لو على ارض الدولة محتجاها
او ارض زراعية كده يعني
وبرضه تطبق في الادوار المخالفة تتاخد من المالك ويسكن فيه اي حد بيته وئع اي حد من العشوائيات اللي عايزين نطورها
وطبعا ده هيعلم المخالفين الادب لأنه عارف لو خالف يتحسر تخيل كده انت صاحب بيت وخالفت وجالك ساكن غريب

**ahmed2y** · 25-06-2011 12:35 PM

المشاركة الأصلية كتبت بواسطة medododo

لا مش دي المشكلة ما المبني اتبني واللي حصل حصل المفروض الدولة تصادر المبني ويصبح املاك دولة
متبئاش الحكاية هد في هد
ما هي برضه فلوس سواء فلوس افراد أو فلوس دولة
يبئى بدل الهد الدولة تستفيد وتحرق دم مغتصبين الاراضي
ويكون الهد برضه سلاح بس سلاح تاني بمعني لو على ارض الدولة محتجاها
او ارض زراعية كده يعني
وبرضه تطبق في الادوار المخالفة تتاخد من المالك ويسكن فيه اي حد بيته وئع اي حد من العشوائيات اللي عايزين نطورها
وطبعا ده هيعلم المخالفين الادب لأنه عارف لو خالف يتحسر تخيل كده انت صاحب بيت وخالفت وجالك ساكن غريب

اموت انا فى الافكار العملية دى الله ينور عاليك

**Ramy_2R** · 25-06-2011 01:21 PM

شفتم الراجل و هو بينط من الدقاق ؟

**hossaam** · 25-06-2011 02:38 PM

انا مش فاهم ازاي ناس من مجلس المدينة والقوات المسلحة المفروض ان فيهم مهندسين فاهمين انه دي طريقة غبية في هدم مبنى بالعلو ده..
اصلا الموضوع مش محتاج مهندسين ده common sense

بس الصراحة...منظر السواق وهو بينط من الدقاق هلكني ضحك :)))))

الحمد لله انها جت سليمة

**MASERATI** · 25-06-2011 04:22 PM

المشاركة الأصلية كتبت بواسطة hossaam

انا مش فاهم .................

بس الصراحة...منظر السواق وهو بينط من الدقاق هلكني ضحك :)))))

الحمد لله انها جت سليمة

السلام عليكم و رحمة الله و بركاته

هو سيادتك متأكد أن سواق الدقاق سليم, ماحصلهوش حاجة؟؟؟

أصل, أنا بصراحة, هتضايق جدا لو كان حصله حاجة, لأنه لا ليه, لا فى الطور و لا فى الطحين, هو بينفذ أوامر المهندسين البقر اللى كانوا موجودين و خلاص و أكيد وراه كوم لحم و مسؤوليات و بلاوى متلتلة, يعنى, الراجل ده لو مات, هيبقى ذنبه فى رقبه المهندسين الغنم اللى قاللوله يهد بالطريقة دى.

**رزق** · 25-06-2011 04:25 PM

من ضمن التعليقات

وبدأت الإزالة بقيام " الدقاق " بكسر الأعمدة الخراسانية من الداخل ثم خرج وقام بكسر الأعمدة الجانبية وكل هذا و مئات المواطنين بتابعون الهدم و القوات المسلحة و الأمن المركزي و قام الدقاق بكسر العمود الخرساني الأخير فوقع

المبني بالكامل علي الأرض في ثواني معدودة .

و لم يتخيل أحد أن ينجو سائق الدقاق من هذا الانهيار وبعد أن سارع الجميع بالهروب لينجو بحياتهم و اتهمهم صاحب العقار بأنهم تسببوا في وفاة السائق , فخرج لهم من بين غبار الانيهار سليم .

الله اعلم